完整藏文原文 · 德格版页 当前仅加载第 8 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དགེ་སློང་མ་རི་མ་བུ་མོ་སྔོ་བསངས་ཅན་ཁྲིད་དེ་རྫུ་འཕྲུལ་གྱིས་གྲོང་ཁྱེར་སྒྲ་སྒྲོགས་ནས་སོང་ནས། དེས་བུ་མོ་དེ་ཀཽ་ཤཱམྦཱིར་ཁྱིམ་བདག་གདངས་ཅན་ལ་གཏད་ནས་ཕྲིན་ཇི་སྐད་སྤྲིང་བ་ཡང་བཟླས་སོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ནི་དེ་ཉིད་དུ་འདུག་གོ། །
D3.008.0126a01.01བློན་པོའི་མཆོག་ཧེ་རུ་ཀ་དང་བྷི་རུ་ཀ་གཉིས་ཀྱིས་ཁྱིམ་ནས་ཆུ་ཀླུང་གི་བར་དུ་ཕུག་རྐོར་བཅུག་སྟེ་ཁྱིམ་དྲུང་དུ་གྲུ་བཞག་ནས་བསྡད་དོ། །ཇི་ཙམ་ན་ཉི་མ་དེ་ལ་རླུང་མོ་ཆེ་བྱུང་ནས་དེས་གྲོང་ཁྱེར་སྒྲ་སྒྲོགས་དེ་རྡོ་བ་དང་། གསེག་མ་དང་། གྱོ་མོ་མེད་པར་རྣམ་པར་བཞག་གོ། །ཉི་
D3.008.0126a02.01མ་གཉིས་པ་ལ་མེ་ཏོག་གི་ཆར་འབབ་པ་དང་། བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ་རྒྱལ་པོ་ང་ལས་ནུ་ལ་དགུང་བདུན་དུ་དབྱིག་གི་ཆར་བབ་ཅེས་གདའ་བས་ལྷ་ལ་ཡང་མེ་ཏོག་གི་ཆར་འདི་བབ་པས་རིང་པོ་མི་ཐོགས་པར་གོས་ཀྱི་ཆར་འབབ་པར་འགྱུར་
D3.008.0126a03.01རོ། །ཉི་མ་གསུམ་པ་ལ་གོས་ཀྱི་ཆར་བབ་པ་དང་། བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ་ལ་གོས་ཀྱི་ཆར་འདི་བབ་པས་རིང་པོ་མི་ཐོགས་པར་དངུལ་གྱི་ཆར་འབབ་པར་འགྱུར་རོ། །ཉི་མ་བཞི་པ་ལ་དངུལ་གྱི་ཆར་བབ་པ་དང་། བློན་པོ་སྐྱོན་ཆགས་པ་དེ་གཉིས་ཀྱིས་
D3.008.0126a04.01སྨྲས་པ། ལྷ་ལ་དངུལ་གྱི་ཆར་འདི་བབ་པས་རིང་པོ་མི་ཐོགས་པར་གསེར་གྱི་ཆར་འབབ་པར་འགྱུར་རོ། །ཉི་མ་ལྔ་པ་ལ་གསེར་གྱི་ཆར་བབ་པ་དང་། བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ་ལ་གསེར་གྱི་ཆར་འདི་བབ་པས་རིང་པོ་མི་ཐོགས་པར་རིན་པོ་ཆེའི་ཆར་འབབ་
D3.008.0126a05.01པར་འགྱུར་རོ། །དེའི་འོག་ཏུ་གྲོང་ཁྱེར་སྒྲ་སྒྲོགས་ཀྱི་ཉེན་ཀོར་ན་གནས་པ་གང་དག་གིས་ལས་མཐུན་པར་བྱས་པ་དེ་དག་གྲོང་ཁྱེར་སྒྲ་སྒྲོགས་སུ་ཞུགས་ཤིང་དེ་དག་ཞུགས་པ་ན་ཉི་མ་དྲུག་པ་ལ་རིན་པོ་ཆེའི་ཆར་བབ་པ་དང་། བློན་པོའི་མཆོག་ཧེ་རུ་ཀ་དང་། བྷི་རུ་ཀ་གཉིས་ཀྱིས་རིན་པོ་
D3.008.0126a06.01ཆེ་དག་གིས་གྲུ་འགེངས་སུ་བཅུག་སྟེ་བྲོས་སོ། །དེ་ན་ཧེ་རུ་ཀས་ཕྱོགས་གཞན་ཞིག་ཏུ་ཧེ་རུ་ཀའི་རྩལ་ཞེས་བྱ་བའི་གྲོང་ཁྱེར་རྩིག་ཏུ་བཅུག་ནས། དེའི་མིང་ཧེ་རུ་ཀའི་རྩལ་ཧེ་རུ་ཀའི་རྩལ་ཅེས་བྱ་བར་གྱུར་ཏོ། །བྷི་རུ་ཀས་ཀྱང་ཕྱོགས་གཞན་ཞིག་ཏུ་བྷི་རུ་ཀའི་རྩལ་ཅེས་བྱ་བའི་གྲོང་
D3.008.0126a07.01