完整藏文原文 · 德格版页 当前仅加载第 8 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་བསྐུར་ཏོ། །རྒྱལ་པོ་སིང་ག་ལས་ཡུལ་ཐ་དད་པ་ན་གནས་པའི་རིག་སྔགས་སྨྲ་བ་དག་བོས་ཏེ་རིག་སྔགས་རྒྱ་ཆེར་སློབ་ཏུ་བཅུག་གོ། །དེ་བཞིན་དུ་ཡུལ་ཐ་དད་པ་ན་གནས་པའི་འཕོང་གི་སློབ་དཔོན་དག་ཀྱང་བོས་ཏེ་རྒྱ་ཆེར་འཕོང་སློབ་ཏུ་བཅུག་
D3.008.0186a01.01ནས་བློན་པོ་རྣམས་ལ་བསྒོ་བ། ཤེས་ལྡན་དག་དཔུང་གི་ཚོགས་ཡན་ལག་བཞི་པ་གོ་སྐོན་ཅིག །སྲིན་མོ་དེ་དག་ཟངས་གླིང་ནས་སྐྲོད་དུ་འདོང་ངོ་། །བློན་པོ་རྣམས་ཀྱིས་དཔུང་གི་ཚོགས་ཡན་ལག་བཞི་པ་གོ་བསྐོན་ནས་རྒྱལ་པོ་སིང་ག་ལས་དཔུང་གི་ཚོགས་ཡན་ལག་
D3.008.0186a02.01བཞི་པ་གླང་པོ་ཆེ་བའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གྲུར་བཙུད་དེ་ཟངས་གླིང་དུ་འཕགས་སོ། །མཐར་གྱིས་རྒྱ་མཚོའི་འགྲམ་དུ་ཕྱིན་པ་དང་། སྲིན་མོ་དེ་དག་གི་ཕོངས་པའི་གནས་དང་མཐུན་པའི་རྒྱལ་མཚན་གཡོ་
D3.008.0186a03.01བར་བརྩམས་ནས་དེ་དག་གིས་གྲོས་བྱ་བར་བརྩམས་པ། ཕུ་ནུ་མོ་དག་ཕོངས་པའི་གནས་དང་མཐུན་པའི་རྒྱལ་མཚན་གཡོས་པ་ལས་ན་འཛམ་བུའི་གླིང་པའི་མི་གཡུལ་འགྱེད་པར་འདོད་པ་དག་ལྷགས་གོར་མ་ཆག་གིས་བལྟའོ་ཞེས་དེ་དག་རྒྱ་མཚོའི་འགྲམ་དུ་དོང་བ་དང་།
D3.008.0186a04.01ཇི་ཙམ་ན་གྲུ་བོ་ཆེ་བ་དུ་མ་དག་རྒྱ་མཚོའི་འགྲམ་དུ་ཕྱིན་པ་མཐོང་ངོ་། །མཐོང་ནས་སྲིན་མོ་དེ་དག་གིས་ཀྱང་གཡུལ་བཤམས་པ་དང་། དེ་ནས་རིག་སྔགས་སྨྲ་བ་དག་གིས་རིག་སྔགས་དག་གིས་ཕབ་ནས་འཕོང་གི་སློབ་དཔོན་དག་གིས་ཕལ་ཆེར་བསད་དོ། །ལྷག་མ་རྣམས་
D3.008.0186a05.01ཀྱིས་རྒྱལ་པོ་སིང་ག་ལའི་རྐང་པ་གཉིས་ལ་གཏུགས་ཏེ་སྨྲས་པ། ལྷ་བཟོད་པར་གསོལ། དེས་སྨྲས་པ། དམ་ཚིག་གིས་བཟོད་པར་བྱ་སྟེ། གལ་ཏེ་ཁྱེད་ཅག་གི་གྲོང་ཁྱེར་འདི་ཕྱུང་སྟེ། གཞན་དུ་འདོང་ཞིང་ངའི་ཡུལ་དུ་གནོད་པ་འགའ་ཡང་མི་བྱེད་ན་བཟོད་དོ། །དེ་
D3.008.0186a06.01དག་གིས་སྨྲས་པ། དེ་ལྟར་བགྱིའོ། །མ་ཉེས་སོ། །དེ་དག་གིས་གྲོང་ཁྱེར་དེ་དག་ཕྱུང་ནས་གཞན་དུ་དོང་སྟེ་འཁོད་དོ། །རྒྱལ་པོ་སིང་ག་ལས་ཀྱང་དེར་གྲོང་ཁྱེར་བརྩིགས་ནས་རྒྱལ་པོ་སིང་ག་ལས་གནས་བཅས་པས་སིང་ག་ལའི་གླིང་སིང་ག་ལའི་གླིང་ཞེས་བྱ་བའི་མིང་དུ་
D3.008.0186a07.01