完整藏文原文 · 德格版页 当前仅加载第 8 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
བ། ལོངས་སྤྱོད་ཆེ་བ་ཞིག་འདུག་པ་དེ་འཁོར་དང་བཅས་ཏེ་སྐྱེད་མོས་ཚལ་གྱི་སར་བྱུང་ངོ་། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང་། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་
D3.008.0035a01.01འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ་། །རང་སངས་རྒྱས་ན་བ་ཞིག་རི་བྲགས་དེར་བསོད་སྙོམས་ལ་ཞུགས་པ་དང་། ཁྱིམ་བདག་དེས་རང་སངས་རྒྱས་དེ་ཐག་རིང་པོ་ཁོ་ན་ནས་མཐོང་ནས། དེས་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་རབ་ཏུ་བྱུང་བ་
D3.008.0035a02.01འདི་སྐྲོད་ཅིག །དེ་དག་ལས་འགའ་ཡང་རང་སངས་རྒྱས་དེ་སྐྲོད་པར་སྤྲོ་བ་མེད་ནས། ཁྱིམ་བདག་དེས་སྤྱོས་ཏེ་སྟན་ལས་ལངས་ནས་རང་ཉིད་ཀྱིས་རང་སངས་རྒྱས་དེའི་གཉའ་བ་ནས་བཟུང་སྟེ་བསྐྲད་ནས་སྨྲས་པ། ཉེས་འོངས་མུ་ལྟོ་བ་རྣམས་ཀྱི་ནང་དུ་ཞུགས་ཤིག་ཅེས་ཕུལ་བ་དང་། དེ་
D3.008.0035a03.01ཕྱག་དར་གྱི་ཕུང་པོའི་ནང་དུ་སྒྱེལ་ཏོ། །རང་སངས་རྒྱས་བདག་ཉིད་ཆེན་པོ་དེས་བསམས་པ། ཁྱིམ་བདག་ཉོན་མོངས་པ་འདི་ཧ་ཅང་སྨས་པ་དང་། ཉམས་པར་གྱུར་ན་མི་རུང་གིས་འདི་ལ་ལག་ནས་དྲང་བ་སྦྱིན་ནོ་སྙམ་ནས། དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་
D3.008.0035a04.01མཁའ་ལ་མངོན་པར་འཕགས་ནས་འབར་བ་དང་། གསལ་བ་དང་། ཆར་འབེབས་པ་དང་། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས་ཁྱིམ་བདག་དེ་ཤིང་ལྗོན་པ་རྩ་བ་ནས་བཅད་པ་བཞིན་
D3.008.0035a05.01དུ་རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་འགྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་གསོལ། ཉོན་མོངས་པའི་འདམ་དུ་བྱིང་བ་བདག་གི་སུག་པ་ནས་དྲང་བ་སྩལ་དུ་གསོལ། རང་སངས་རྒྱས་དེ་ཁྱིམ་བདག་
D3.008.0035a06.01དེ་ལ་རྗེས་སུ་སྙིང་བརྩེ་བའི་ཕྱིར་སྟེང་གི་ནམ་མཁའ་ལས་ཤོད་དུ་བབས་སོ། །ཁྱིམ་བདག་དེས་དེ་ལ་མཆོད་པ་བྱས་ནས་རྐང་པ་གཉིས་ལ་མགོ་བོས་ཕྱག་འཚལ་ཏེ། སྨོན་ལམ་འདི་སྐད་ཅེས། བདག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་
D3.008.0035a07.01