完整藏文原文 · 德格版页 当前仅加载第 8 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
བསྔལ་འདམ་ནས་ཕྱུང་། །བདག་ནི་སྔན་ཅད་ལེགས་འོངས་གྱུར། །དེ་ཡི་འོག་ཏུ་ཉེས་འོངས་ལགས། །ད་ནི་ཐུབ་དབང་ཁྱོད་གསུང་གིས། །གསལ་བར་ལེགས་འོངས་ཉིད་དུ་གྱུར། །ཀུན་མཁྱེན་ལྕགས་འདྲ་བདག་གིས་ནི། །ཁྱོད་ཀྱི་གསུང་མཆོག་ཐོས་གྱུར་ནས། །ད་ནི་གསེར་
D3.008.0026b01.01དང་འདྲ་བ་ཡི། །ཟག་པ་མེད་པའི་ལུས་ཀྱང་ཐོབ། །རིན་ཆེན་ལ་སོགས་འཐོབ་པ་དང་། །མཐོ་རིས་ཐར་པ་འཚལ་བ་ཡིས། །རྟག་ཏུ་ཕན་པ་བཞེད་པ་ཡི། །དགེ་བཤེས་བསྟེན་པར་བགྱི་བ་བཟང་།། །།འདུལ་བ་རྣམ་པར་འབྱེད་པ། བམ་པོ་དྲུག་བཅུ་རྩ་ལྔ་པ།
D3.008.0026b02.01གང་གི་ཚེ་ཚེ་དང་ལྡན་པ་ལེགས་འོངས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དེའི་ཚེ་ན་གཞན་མུ་སྟེགས་ཅན་དག་ཤེས་ལྡན་དག །དགེ་སྦྱོང་གཽ་ཏ་མ་ན་རེ་ངའི་བསྟན་པ་ནི་ཀུན་དུ་མཛེས་པ་ཡིན་ནོ་ཞེས་ཟེར་ན་འདི་ལྟར་ཉེས་འོངས་ལ་སོགས་པ་མུ་ལྟོ་བ་དག་ཀྱང་རབ་ཏུ་
D3.008.0026b03.01འབྱིན་པར་བྱེད་ན། དེའི་བསྟན་པ་ཇི་ལྟར་ཀུན་དུ་མཛེས་པ་ཡིན་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་ནས། བཅོམ་ལྡན་འདས་ཀྱིས་དགོངས་པ། ཉན་ཐོས་ཆེན་པོ་རི་རབ་ལྟ་བུ་ལ་སྐྱེ་བོ་ཕལ་པོ་ཆེའི་ཚོགས་དག་སྨས་པ་སྐྱེད་པར་བྱེད་པས་འདིའི་
D3.008.0026b04.01ཡོན་ཏན་བསྒྲག་པར་བྱ་ན་གང་དུ་བྱ། གང་དུ་སྐྱེས་ཤིང་གང་དུ་རྡིབ་པ་དེ་ཉིད་དུ་བྱའོ་སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དེ་བཞིན་གཤེགས་པ་ངན་སྤོང་གི་བུ་དག་ཏུ་
D3.008.0026b05.01ལྗོངས་རྒྱུར་གཤེགས་ཀྱིས་ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ངན་སྤོང་གི་བུ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་དག་ལོང་ཤིག་ཅེས་སྒོ་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་
D3.008.0026b06.01དགེ་སློང་རྣམས་ལ་ཚེ་དང་ལྡན་པ་དག་བཅོམ་ལྡན་འདས་ངན་སྤོང་གི་བུ་དག་ཏུ་ལྗོངས་རྒྱུར་གཤེགས་ཀྱིས་ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ཏུ་ངན་སྤོང་གི་བུ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་དག་ལོང་ཤིག་ཅེས་བསྒོའོ། །དེ་ནས་བཅོམ་ལྡན་
D3.008.0026b07.01