完整藏文原文 · 德格版页 当前仅加载第 8 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་ངོ་། །དགེ་སློང་འདུག་པ་ལ་མི་སྨྲ་ན་ཞེས་བྱ་བ་ནི་དེ་ན་དགེ་སློང་གང་འདུག་པ་ལའོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི་དེ་འདྲ་བའི་རྐྱེན་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ངན་སོང་དང་།
D3.008.0067a01.01ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་
D3.008.0067a02.01འགྱུར་ཞེ་ན། དགེ་སློང་གིས་དུས་མ་ཡིན་པ་ལ་དུས་མ་ཡིན་པར་འདུ་ཤེས་པས་གྲོང་དུ་འཇུག་ན་ལྟུང་བྱེད་དུ་འགྱུར་རོ། །དུས་མ་ཡིན་པ་ལ་ཡིད་གཉིས་ཟ་བས་གྲོང་དུ་འཇུག་ན་ལྟུང་བྱེད་དུ་འགྱུར་རོ། །དུས་ལ་དུས་མ་ཡིན་པར་འདུ་ཤེས་པས། གྲོང་དུ་འཇུག་ན་ཉེས་བྱས་སུ་འགྱུར་
D3.008.0067a03.01རོ། །དུས་ལ་ཡིད་གཉིས་ཟ་བས་གྲོང་དུ་འཇུག་ན་ཉེས་བྱས་སུ་འགྱུར་རོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བཙུན་མོ་ཕྲེང་ལྡན་མས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་སྨྲས་པ། ལྷས་
D3.008.0067a04.01དགེ་སློང་རྣམས་ལ་ནི་གཞོན་ནུའི་ཡོངས་སུ་སྤང་བ་སྩལ། དགེ་སློང་མ་རྣམས་ལ་ནི་བཙུན་མོའི་འཁོར་གྱི་ཡོངས་སུ་སྤང་བ་སྩལ་ཅིང་། འཕགས་པ་འཆར་ཀ་ལྷའི་ནི་ཆུང་པོ་གྲོགས་ལགས། བདག་གི་ནི་སློབ་དཔོན་ལགས་ཏེ། དགེ་སློང་རབ་ཏུ་གྲགས་པ་དེ་ལྟ་བུ་ཡང་བཙན་ཐོང་
D3.008.0067a05.01དུ་བཀུམ་ན་དགེ་སློང་རབ་ཏུ་མ་གྲགས་པ་གཞན་དག་ལ་བཀའ་མཆིད་ཀྱང་སུ་རྨེད་པར་འགྱུར། ལྷས་འཕགས་པ་འཆར་ཀ་དེ་སུས་འགུམས་སུ་སྩལ་བ་དང་སུས་བཀུམ་པ་བཀས་རྨ་བར་ཅི་གནང་། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཞོ་ཤས་འཚོ་བ་དག་ལ་བསྒོ་བ། ཤེས་
D3.008.0067a06.01ལྡན་དག་དེང་ལ་འཕགས་པ་འཆར་ཀ་དེ་སུས་གསོད་དུ་བཅུག་པ་དང་། སུས་བསད་པ་སྨྲོས་ཤིག །དེ་དག་དེ་རྨེད་ཅིང་ཕྱོགས་དེར་དོང་བ་དང་། དེ་དག་གིས་དེ་ན་བུད་མེད་རྒན་མོ་དེ་མཐོང་ཞིང་། དེས་ནི་དེ་དག་མ་མཐོང་བ་ན། བུད་མེད་རྒན་མོ་དེས་བྱུང་རྒྱལ་དུ་སྨྲས་པ། ཕྱོགས་
D3.008.0067a07.01