完整藏文原文 · 德格版页 当前仅加载第 8 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
འཚོ་བ་དག་ཀྱང་ཁ་ཅིག་ནི་དུས་ལ་བབ། ཁ་ཅིག་ནི་བྲོས། ཁ་ཅིག་ནི་དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །ཁྱིམ་བདག་རྟོགས་ལྡན་གྱི་སྔོན་གྱི་བྲན་མོ་རྒན་མོ་གཅིག་པུ་ཞིག་ལེགས་འོངས་ཀྱི་བསྙེན་བཀུར་བྱེད་ཅིང་འདུག་པ་དེས་ལེགས་འོངས་ཁྱེའུའི་གྲྭར་ཡི་གེ་དང་ཡིག་འབྲུ་
D3.008.0020a01.01སློབ་ཏུ་ཕུལ་ལོ། །རྒན་མོ་དེས་བསམས་པ། ཁྱིམ་བདག་རྟོགས་ལྡན་གྱི་ཁྱིམ་ནོར་དུ་མ་དང་ལྡན་པ་ཡོངས་སུ་ཟད་ཅིང་མཐར་ཐུག་པར་གྱུར་ན་གང་གི་བསོད་ནམས་མེད་པས་དེ་ལྟར་གྱུར་པ་ཅི་བདག་གིའམ་འོན་ཏེ་ལེགས་འོངས་ཀྱི་བསོད་ནམས་མེད་པས་དེ་ལྟར་གྱུར་པ་བལྟའོ་སྙམ་ནས་ཇི་ཙམ་
D3.008.0020a02.01ན་དེས་ལེགས་འོངས་ཀྱི་མིང་གིས་ཕྲུ་རྟོག་བཙུགས་པ་དང་དེ་ཆུད་ཟོས་པར་གྱུར་ཅིང་། བདག་གི་མིང་གིས་ཕྲུ་རྟོག་བཙུགས་པ་དང་དེ་ཚོས་པར་གྱུར་ནས་དེས་བསམས་པ། འདི་ནི་སེམས་ཅན་སྐལ་ཆད་ཅིག་ཡིན་པས་འདིའི་ལེ་ལན་གྱིས་ཁྱིམ་བདག་རྟོགས་ལྡན་གྱི་ཁྱིམ་ནོར་དུ་མ་དང་ལྡན་པ་ཚུལ་མ་
D3.008.0020a03.01ཡིན་པས་ཆུད་ཟོས་པར་གྱུར་པས་བདག་ཀྱང་འདིའི་ལེ་ལན་གྱིས་ཚུལ་མ་ཡིན་པས་སྡུག་བསྔལ་བར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གོར་མ་ཆག་ན་འདི་ལ་ཇི་ལྟར་བྱ་སྙམ་ནས་དེས་བསམས་པ། འབྲོས་སོ་སྙམ་ནས་རྒན་མོ་དེས་ཀྱང་དེ་ན་གཅེས་པ་ཅུང་ཟད་ཅི་ཡོད་པ་དེ་
D3.008.0020a04.01དག་ཁྱེར་ཏེ་བྲོས་སོ། །ཁྱིམ་སྟོང་པ་དེར་ཁྱི་དག་ཞུགས་ནས་ཟས་ཟོས་ཏེ་འཐབ་པར་བརྩམས་པ་དང་། མི་གཡོན་ཅན་ཞིག་ཕྱོགས་དེ་ནས་འགྲོ་བ་དེས་ཁྱིམ་དེ་ནས་ཁྱི་དག་འཐབ་པའི་སྒྲ་ཐོས་ནས་དེས་བསམས་པ། ཁྱིམ་བདག་རྟོགས་ལྡན་གྱི་ཁྱིམ་སྟོང་པར་གྱུར་ཏམ་ཅི་ན་འདི་ལྟར་འདི་ན་
D3.008.0020a05.01ཁྱི་དག་འཐབ་ཅིང་འཁོད། བདག་གིས་ཇི་བལྟའོ་སྙམ་ནས་དེ་དེར་ཞུགས་པ་དང་། ཇི་ཙམ་ན་ཁྱི་རྐུན་ཕལ་པོ་ཆེ་དག་འཐབ་ཅིང་འདུག་གི་མི་ནི་འགའ་ཡང་མེད་དེ་སྟོང་པར་མཐོང་ནས་དེས་དེ་ནས་ལྷག་རོལ་གྱི་ལྷག་མ་ཅུང་ཟད་ཅི་ཡོད་པ་དེ་དག་ཁྱེར་ཏེ་སོང་ངོ་། །དེའི་འོག་ཏུ་ལེགས་འོངས་
D3.008.0020a06.01ཟན་བཟའོ་སྙམ་ནས་ཁྱེའུའི་གྲྭ་ནས་འོངས་ཏེ་དེ་དེར་ཞུགས་པ་དང་། ཇི་ཙམ་ན་སྟོང་པར་མཐོང་ནས་དེས་མ་མ་མ་མ་ཞེས་བོས་ན་འགའ་ཡང་ལན་འདེབས་པ་མེད་ནས་དེ་དང་ཧ་ཅང་ཐག་མི་རིང་བ་ན་ཉེ་དུའི་ཁྱིམ་ཞིག་ཡོད་པ་དེར་ཞུགས་པ་དང་། ཇི་ཙམ་ན་དེར་ཡང་ཁྱིམ་མི་དག་འཐབ་མོ་བྱུང་
D3.008.0020a07.01