完整藏文原文 · 德格版页 当前仅加载第 8 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཀྱིས་བརྒྱན་པར་མཐོང་ནས་དྲན་པ་རྙེད་དོ། །དེ་ནས་དེས་དེ་དག་འདོད་པར་བརྩམས་པ་དང་། དེ་དག་གིས་སྨྲས་པ། བཟོད་ལྡན་བདག་ཅག་དེ་བཞིན་དུ་བསྙེན་བཀུར་མི་བྱེད་དེ། གང་ལྷའི་དབང་པོ་བརྒྱ་བྱིན་ལ་ཕྱག་འཚལ་བ་དེ་ལ་བདག་ཅག་བསྙེན་བཀུར་བྱེད་དོ། །དེས་
D3.008.0206b01.01བསམས་པ། བདག་གིས་བཅོམ་ལྡན་འདས་འདོད་པའི་དྲི་ང་བ་མེད་པ་ལ་ཕྱག་བྱས་ནས་ད་ཇི་ལྟར་ལྷའི་དབང་པོ་བརྒྱ་བྱིན་འདོད་པའི་ལོངས་སྤྱོད་ཅན་ལ་ཕྱག་བྱ་སྙམ་དུ་རིག་ནས་སྨྲས་པ། སྲིང་མོ་དག་གང་གིས་ལྷའི་དབང་པོ་བརྒྱ་བྱིན་ལ་ཕྱག་འཚལ་བར་མི་བྱེད་པ་དེ་ལྟ་བུའི་ཐབས་
D3.008.0206b02.01འགའ་ཡོད་དམ། བཟོད་ལྡན་ཡོད་དེ། གང་ན་ལྷའི་དྲང་སྲོང་དག་ཚངས་པར་སྤྱད་པ་སྤྱོད་ཅིང་འཁོད་པ་དེ་དག་གི་ནང་དུ་གང་ཚངས་པར་སྤྱད་པ་སྤྱོད་པར་བྱེད་པ་དེ་ནི་ལྷའི་དབང་པོ་བརྒྱ་བྱིན་ལ་ཕྱག་མི་འཚལ་ཏེ། ལྷའི་དབང་པོ་བརྒྱ་བྱིན་ཉིད་དེ་ལ་ཕྱག་འཚལ་ལོ། །དེ་དེ་དག་གི་
D3.008.0206b03.01ནང་དུ་ཞུགས་པ་དང་། ལྷའི་དབང་པོ་བརྒྱ་བྱིན་གྱིས་ཇི་ལྟར་དེ་ལྷའི་དྲང་སྲོང་གི་ནང་དུ་ཞུགས་ཏེ་ཚངས་པར་སྤྱད་པ་སྤྱོད་པ་ཐོས་ནས་ལྷའི་དབང་པོ་བརྒྱ་བྱིན་དེའི་གན་དུ་སོང་སྟེ་ཕྱིན་ནས་རྐང་པ་ལ་ཕྱག་འཚལ་ཏེ་སོང་ངོ་། །དེ་ནས་སྔོན་དགེ་སློང་ལྷའི་བུ་དེ་འདི་སྙམ་དུ་སེམས་ཏེ། གང་
D3.008.0206b04.01གི་ཕྱིར་བདག་ཡོངས་སུ་གནས་པ་བསྟེན་ཏེ། བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི་བདག་གི་ཚུལ་དང་མཐུན་པ་མ་ཡིན་གྱིས་བདག་ཡོངས་སུ་གནས་པ་མ་བསྟེན་པ་ཁོ་ནར་བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་ཉེ་བར་
D3.008.0206b05.01འགྲོའོ་སྙམ་མོ། །དེ་ནས་སྔོན་དགེ་སློང་ལྷའི་བུ་རྣ་ཆ་གདུབ་ཀོར་གཡོ་ཞིང་དྲི་མ་མེད་པ་ཐོགས་ཏེ། དོ་ཤལ་དང་། སེ་མོ་དོས་བརྒྱན་པའི་ལུས་ཀྱིས་ལྷའི་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དག་གིས་ཐུ་བ་བཀང་སྟེ། ཁ་དོག་ཤིན་ཏུ་འདས་པས་
D3.008.0206b06.01མཚན་མོ་ལ་བབ་པ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་མེ་ཏོག་དག་གིས་མངོན་པར་གཏོར་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་མཐའ་གཅིག་ཏུ་འདུག་པ་དང་། འདི་ལྟར་སྔོན་དགེ་སློང་ལྷའི་
D3.008.0206b07.01