完整藏文原文 · 德格版页 当前仅加载第 8 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
མལ་པ་ཡིན་པས་ཁ་ཅིག་གིས་ནི་སྔོ་བསངས་ཅན་ལ་སྨྲས་པ། ལྷ་ཤིན་ཏུ་ཁྲོས་ནས་གཞུ་བཀང་སྟེ་འོང་གིས་ཐབས་སོམས་ཤིག །དེས་རང་གི་འཁོར་ལ་སྨྲས་པ། ནུ་མོ་དག་ཁྱེད་ཅག་ཐམས་ཅད་བྱམས་པ་ལ་སྙོམས་པར་ཞུགས་ཤིག །དེ་དག་ཐམས་ཅད་
D3.008.0188a01.01བྱམས་པ་ལ་སྙོམས་པར་ཞུགས་སོ། །རྒྱལ་པོས་གཞུ་རྣ་དྲུང་དུ་ཐུག་པར་བཀང་སྟེ་མདའ་འཕངས་པ་དང་། དེ་ལམ་ཕྱེད་དུ་ལྟུང་ངོ་། །མདའ་གཉིས་པ་འཕངས་པ་དང་། དེ་ཕྱིར་ལོག་སྟེ་རྒྱལ་པོའི་དྲུང་དུ་ལྟུང་ངོ་། །མདའ་གསུམ་པ་འཕང་བར་བརྩམས་པ་དང་། སྔོ་བསངས་
D3.008.0188a02.01ཅན་གྱིས་སྨྲས་པ། ལྷ་མ་འཕེན་ཅིག །ཁྱོད་ཐམས་ཅད་ཀྱི་ཐམས་ཅད་དུ་མ་མཆིས་པར་འགྱུར་བ་མ་མཛད་ཅིག །རྒྱལ་པོ་སྐྲག་སྟེ་སྨྲས་པ། ཁྱོད་ལྷ་མོའམ། ཀླུ་མོའམ། གནོད་སྦྱིན་མོའམ། དྲི་ཟ་མོའམ། ནམ་མཁའ་ལྡིང་མོའམ། མིའམ་ཅི་མོའམ།
D3.008.0188a03.01ལྟོ་འཕྱེ་ཆེན་མོའམ་སུ་ཡིན། དེས་སྨྲས་པ། ལྷ་བདག་ནི་ལྷ་མོ་ཡང་མ་ལགས། ཀླུ་མོ་ཡང་མ་ལགས། གནོད་སྦྱིན་མོ་ཡང་མ་ལགས། དྲི་ཟ་མོ་ཡང་མ་ལགས། མིའམ་ཅི་ཡང་མ་ལགས། ལྟོ་འཕྱེ་ཆེན་མོ་ཡང་མ་ལགས་སོ། །འོ་ན་ཁྱོད་སུ་ཡིན། ལྷ་
D3.008.0188a04.01བདག་ནི་བཅོམ་ལྡན་འདས་ཀྱི་ཉན་ཐོས་མ་ཕྱིར་མི་འོང་བ་སྟེ། བདག་གིས་བཅོམ་ལྡན་འདས་ཀྱི་དྲུང་ནས་ཕྱིར་མི་འོང་བའི་འབྲས་བུ་མངོན་སུམ་དུ་བགྱིས་སོ། །བུད་མེད་ལྔ་བརྒྱ་པོ་འདི་དག་གིས་ཀྱང་བདེན་པ་དག་མཐོང་ངོ་། །རྒྱལ་པོ་མངོན་པར་དད་པར་གྱུར་ནས་སྨྲས་པ། ཁྱོད་
D3.008.0188a05.01ལ་དམ་པ་ཅི་ཞིག་སྦྱིན་པར་བྱ་བ་སྨྲོས་ཤིག །དེས་སྨྲས་པ། གལ་ཏེ་ལྷ་བདག་ལ་མངོན་པར་དད་ན་གང་གི་ཚེ་ལྷ་བཙུན་མོའི་འཁོར་གྱི་ནང་དུ་གཤེགས་པ་དེའི་ཚེ་ན་བདག་ལ་སྲིང་མོའི་འདུ་ཤེས་ཉེ་བར་ཞོག་ཤིག །རྒྱལ་པོས་སྨྲས་པ། མ་ཉེས་ཀྱིས་དེ་བཞིན་བྱའོ། །རྒྱལ་པོ་དེ་
D3.008.0188a06.01དཔེ་མེད་མ་དང་ལྷན་ཅིག་རྩེ་བ་དང་། དགའ་བ་དང་། དགའ་མགུར་སྤྱོད་པར་བྱེད་པ་ཉམས་སུ་མྱོང་བར་བྱེད་དོ། །སྔོ་བསངས་ཅན་ལ་ཆོས་ཀྱི་རྒྱུ་ལས་བྱུང་བའི་དད་པ་སྐྱེད་པར་བྱེད་ཅིང་། དེ་ལ་ལོ་ཏོག་སར་པ་དང་། འབྲས་བུ་སར་པ་དང་། དུས་ཚིགས་སར་པ་པ་གང་དག་
D3.008.0188a07.01