完整藏文原文 · 德格版页 当前仅加载第 8 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ཤིང་བསགས་པས་དེ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར།
D3.008.0197a01.01མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི་འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་
D3.008.0197a02.01བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་རི་བྲགས་ཤིག་ན་རྒྱལ་རིགས་ཀྱི་བུ་མོ་ཞིག་དང་། བྲམ་ཟེའི་བུ་མོ་ཕན་ཚུན་བཤེས་པ་གཉིས་ཤིག་འཁོད་དོ། །སངས་རྒྱས་རྣམས་འབྱུང་བ་མེད་པའི་ཚེ་རང་
D3.008.0197a03.01སངས་རྒྱས་དམན་པ་དང་བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ་། །ཇི་ཙམ་དུ་ན་རང་སངས་རྒྱས་ཤིག་ས་ཕྱོགས་ཞི་བ་ཞིག་ཏུ་མཚན་མོ་གནས་པར་
D3.008.0197a04.01ཁས་བླངས་ནས་ཕྱི་དེ་ཉིན་པར་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་རི་བྲགས་དེར་བསོད་སྙོམས་ལ་ཞུགས་པ་དང་། རྒྱལ་རིགས་ཀྱི་བུ་མོ་དེས་དེའི་ཉིན་མོ་དེ་ལ་བསོད་སྙོམས་བྱིན་ཏོ། །དེ་བཞིན་དུ་ཉི་མ་གཉིས་པ་དང་། གསུམ་པ་དང་། ཉིན་གཅིག་
D3.008.0197a05.01མི་ཆད་པར་ཡང་དེ་ལ་བསོད་སྙོམས་སྦྱིན་པར་བརྩམས་སོ། །རྒྱལ་རིགས་ཀྱི་བུ་མོ་དེ་དུས་གཞན་ཞིག་ན་བྲམ་ཟེའི་བུ་མོ་དེས་མགྲོན་དུ་བོས་ནས་དེའི་ཁྱིམ་དུ་སོང་བ་དང་། རང་སངས་རྒྱས་དེ་ཡང་བསོད་སྙོམས་ལ་རྒྱུ་ཞིང་རྒྱལ་རིགས་ཀྱི་བུ་མོ་དེའི་ཁྱིམ་དུ་ཞུགས་པ་ན་དེ་མེད་ནས།
D3.008.0197a06.01མཐར་གྱིས་བྲམ་ཟེའི་བུ་མོ་དེའི་ཁྱིམ་དུ་ཞུགས་པ་དང་། རྒྱལ་རིགས་ཀྱི་བུ་མོ་དེས་མཐོང་ནས་དེས་བྲམ་ཟེའི་བུ་མོ་དེ་ལ་སྨྲས་པ། བུ་མོ་འཕགས་པ་འདི་ལ་བསོད་སྙོམས་ཕུལ་ཅིག །དེས་སྨྲས་པ། ཇི་སྲིད་དུ་ལྷ་དང་། བྲམ་ཟེ་དང་། སྙིང་དུ་སྡུག་ཅིང་འབྲེལ་བའི་རྩ་
D3.008.0197a07.01