完整藏文原文 · 德格版页 当前仅加载第 8 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཡིན་པས་ངས་སྒྲའི་གདངས་ཤེས་སོ། །ཁྱིམ་བདག་ནོར་{བཟངས་,བཟང་}རྒྱལ་པོས་གདངས་ལས་ཤེས་པས་དེའི་མིང་ཁྱིམ་བདག་གདངས་ཅན་ཁྱིམ་བདག་གདངས་ཅན་ཞེས་བྱ་བར་གྱུར་ཏོ། །རྒྱལ་པོས་དེ་ལ་སྨྲས་པ། ཁྱིམ་བདག་ཁྱོད་ཕྱུག་པོར་གྱུར་པ་ཡིན་ན་ཅིའི་ཕྱིར་ཁྱོད་
D3.008.0133b01.01རང་གིས་ཞལ་ཏ་བྱས་ཏེ་ལས་ཀྱི་མཐའ་དག་བྱེད་དུ་འཇུག །དེས་སྨྲས་པ། ལྷ་གལ་ཏེ་བདག་གིས་རང་གི་ཞལ་ཏ་བགྱིས་ཏེ་ལས་ཀྱི་མཐའ་བགྱིད་དུ་མ་སྩལ་ན། བདག་གི་ལོངས་སྤྱོད་དག་འཕེལ་ཞིང་རྒྱས་པ་དང་། ཡངས་པར་ཡང་མི་འགྱུར་ལ། ལྷས་ཀྱང་བདག་དབྱིག་གི་
D3.008.0133b02.01གདངས་ཅན་ལགས་པར་མཁྱེན་པར་མི་འགྱུར་རོ། །རྒྱལ་པོས་སྨྲས་པ། ཁྱིམ་བདག་ཁྱོད་ཅིའི་ཕྱིར་གླང་པོ་ཆེ་དང་རྟ་དག་གིས་མི་འགྲོ །ལྷ་བདག་ཁྱིམ་ཁོལ་ལགས་པས་གླང་པོ་ཆེ་དང་རྟ་དག་གིས་མཆི་བ་བདག་གི་ཚུལ་དང་མཐུན་པ་མ་ལགས་སོ། །རྒྱལ་པོས་བསམས་པ།
D3.008.0133b03.01གྲོགས་འདི་ལྟ་བུས་རྒྱལ་སྲིད་བྱེད་དུ་གཞུག་པར་ནུས་ཀྱིས། འདི་བློན་པོ་ཁོ་ནར་གཞུག་གོ་སྙམ་དུ་རིག་ནས་སྨྲས་པ། ཁྱིམ་བདག་བློན་པོ་གྱིས་ཤིག་དང་། ལྷན་ཅིག་ཏུ་རྒྱལ་སྲིད་བྱེད་དུ་གཞུག་གོ། །དེས་སྨྲས་པ། ལྷ་དེ་སྐད་བཀའ་སྩལ་པ་མི་རིགས་ཏེ། བདག་ནི་ཁྱིམ་ཁོལ་
D3.008.0133b04.01ལགས་པས་བདག་ཞིང་ལས་ཀྱི་མཐའ་རྗེས་སུ་བསྒྲུབ་པར་རིགས་ཀྱི། བློན་པོར་མི་རིགས་སོ། །རྒྱལ་པོས་དེ་ལྟ་དེ་ལྟར་ནན་གྱིས་མནན་ན་ཅི་ནས་ཀྱང་གདོན་མི་ཟ་བར་ཁས་ལེན་པར་ཤེས་ཏེ། ནན་གྱིས་མནན་ནས་དེས་ཀྱང་ཁས་བླངས་སོ། །དེ་ནས་རྒྱལ་པོས་དེ་བློན་པོར་བཅུག་ནས་
D3.008.0133b05.01ཁྱིམ་བདག་གདངས་ཅན་གྱིས་ཆོས་དང་། རིགས་པས་རྒྱལ་པོའི་བྱ་བ་དང་། རྒྱལ་པོའི་བྱེད་པ་དག་བྱ་བར་བརྩམས་ནས། དེས་བློན་པོ་གཞན་ཐམས་ཅད་ཟིལ་གྱིས་མནན་པ་དང་། དེ་དག་ཕྲག་དོག་སྐྱེས་ཏེ་ཡིད་མི་བདེ་བར་གྱུར་ནས་འདུས་ཏེ་སྨྲས་པ། ཤེས་ལྡན་དག་བདག་
D3.008.0133b06.01ཅག་འདི་ལྟར་ཁྱིམ་བདག་གདངས་ཅན་གྱིས་ཟིལ་གྱིས་མནན་པར་གྱུར་ན་འདི་ལ་ཇི་ལྟར་བསྒྲུབ་པར་བྱ། དེ་ན་ཁ་ཅིག་གིས་སྨྲས་པ། འདི་ལ་ཅིའི་ཕྱིར་བསྒྲུབ་ཏུ་མེད། འདི་ཇི་སྲིད་དུ་གཏན་དུ་གཏིང་ཚུགས་པར་མ་གྱུར་པ་དེ་སྲིད་དུ་འདི་ལ་རྒྱལ་པོས་ཆད་པས་གཅོད་དུ་གཞུག་པར་བྱའོ། །
D3.008.0133b07.01