完整藏文原文 · 德格版页 当前仅加载第 8 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲགས་པར་བྱའོ་སྙམ་པས་དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས། ཚེ་དང་ལྡན་པ་འཆར་ཀ་ནང་པར་སྔར་ལངས་ཏེ་སོ་ཤིང་བོར་ནས་སྣམ་སྦྱར་དམར་སེར་གྱོན་ཏེ། རྒྱལ་བྱེད་ཀྱི་ཚལ་
D3.008.0037b01.01གྱི་སྒོ་ན་འཆག་ཅིང་འདུག་གོ། །དྲུག་སྡེ་དག་གིས་གྲོང་ཁྱེར་ཆེན་པོ་དྲུག་པོ་དག་ན་འཁོད་པའི་མི་རྣམས་འདི་ལྟ་སྟེ། རིགས་ལས་སམ། རུས་ལས་སམ། རྒྱུད་ལས་སམ། མིང་ལས་སམ། གཟུགས་ལས་སམ། བཟོ་ལས་སམ། འཚོ་བ་ལས་མི་ཤེས་པའམ། མ་མཐོང་
D3.008.0037b02.01བའམ། མ་ཐོས་པའམ། མ་རིག་པའམ། རྣམ་པར་མི་ཤེས་པ་འགའ་ཡང་མེད་པས་ཚེ་དང་ལྡན་པ་འཆར་ཀས་བྲམ་ཟེ་དང་ཁྱིམ་བདག་གི་ཆུང་མ་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་སྟེ། མཐོང་ནས་ཀྱང་འདི་སྐད་ཅེས་སྨྲས་སོ། །ཆེ་གེ་མོའི་མ། ཆེ་གེ་མོའི་ཆུང་མ།
D3.008.0037b03.01ཆེ་གེ་མོའི་མནའ་མ། ཆེ་གེ་མོའི་བུ་མོ། ཆེ་གེ་མོའི་སྲིང་མོ་འོངས་པ་ལེགས་སོ། །འོངས་པ་ལེགས་སོ། །ཁྱེད་ཅག་ཅིའི་ཕྱིར་ཡུན་རིང་མོ་རིང་མོ་ནས་ཟླ་བ་ལྟར་རྒྱུ་བར་བྱེད། དེ་དག་གིས་སྨྲས་པ། བཙུན་པ་འཆར་ཀ་བཅོམ་ལྡན་འདས་ཀྱིས་མི་ཁོམ་པ་བརྒྱད་ནི་གང་ཟག་གི་ཚངས་
D3.008.0037b04.01པར་སྤྱད་པའི་དུས་མ་ལགས་སོ་ཞེས་ལེགས་པར་གསུངས་ན། བདག་ཅག་ནི་འདི་ལྟ་སྟེ། ཁྱིམ་གྱི་འདུ་འཛི་དང་ལྡན་པས་མི་ཁོམ་པ་དགུ་པ་ལགས་སོ། །འཆར་ཀས་སྨྲས་པ། སྲིང་མོ་དག་ཁྱེད་ཀྱིས་འགའ་ཞིག་གིས་འདི་སྐད་ཅེས། དུག་ཅན་ལ་སོགས་རྒྱལ་པོ་ཡིས། །
D3.008.0037b05.01བྱ་བ་དག་ནི་མ་བྱས་པར། །དེ་དག་ཉིད་དང་བྱ་བ་རྣམས། །ཞིག་པ་ཉིད་དུ་གྱུར་པ་ཡིན། །བྱ་བ་དེ་དག་ཉིད་ཀྱང་ནི། །ཡོངས་སུ་རྫོགས་པར་མ་གྱུར་པར། །འཇིག་རྟེན་དགྲ་བོ་འཆི་བདག་དེ། །འོང་བ་ཉིད་དུ་འགྱུར་བ་ཡིན། །ཞེས་སྨྲས་པ་མ་ཐོས་སམ། དེ་དག་གིས་སྨྲས་
D3.008.0037b06.01པ། བཙུན་པ་འཆར་ཀ་དེའི་སླད་དུ་བདག་ཅག་སྐྱེད་མོས་ཚལ་དུ་མཆིས་ཏེ་རྒྱལ་བྱེད་ཀྱི་ཚལ་དུ་འཇུག་པ་དང་། གཙུག་ལག་ཁང་བལྟ་བ་དང་། བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་བའི་སླད་དུ་མཆིས་པ་ལགས་སོ། །
D3.008.0037b07.01