完整藏文原文 · 德格版页 当前仅加载第 8 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ལ་ཅང་མི་གསུང་བས་གནང་ངོ་། །དེ་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ཀྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་
D3.008.0031b01.01ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་དོང་ངོ་། །ཆུ་སྲིན་བྱིས་པ་གསོད་ཀྱི་རི་ལ་ཁྱིམ་བདག་རྟོགས་ལྡན་གྱི་ཆུང་པོ་གྲོགས་བྲམ་ཟེ་སྦྲུལ་ཁས་སྡིགས་པ་ཞིག་འདུག་པ་དེ་ཀླུ་ཨ་མྲའི་ཆུ་ངོགས་པའི་འཇིགས་པས་བྲོས་ཏེ་མཉན་ཡོད་དུ་སོང་བ་དེ་ཀོ་ས་ལར་བྱུང་བའི་རྒྱལ་པོ་གསལ་
D3.008.0031b02.01རྒྱལ་གྱིས་གླང་པོ་ཆེའི་ཆང་པའི་བླར་བསྐོས་ཏེ་བཞག་གོ། །དེ་བྱ་བ་ཞིག་གི་ཕྱིར་ཆུ་སྲིན་བྱིས་པ་གསོད་ཀྱི་རིར་ཕྱིན་པ་དང་། དེས་ཇི་ལྟར་ཁྱིམ་བདག་རྟོགས་ལྡན་གྱི་བུ་བཙུན་པ་ལེགས་འོངས་ཀྱིས་ཀླུ་ཨ་མྲའི་ཆུ་ངོགས་པ་བཏུལ་བ་ཐོས་སོ། །ཐོས་ནས་ཀྱང་ཚེ་དང་ལྡན་པ་ལེགས་འོངས་ག་ལ་བ་
D3.008.0031b03.01དེར་སོང་སྟེ་ཕྱིན་ནས་ཚེ་དང་ལྡན་པ་ལེགས་འོངས་ཀྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཚེ་དང་ལྡན་པ་ལེགས་འོངས་ལ་བྲམ་ཟེ་དེས་འདི་སྐད་ཅེས་སྨྲས་སོ། །བཙུན་པ་ལེགས་འོངས་ཀྱིས་སང་བདག་གི་སྡུམ་པར་གདུགས་
D3.008.0031b04.01ཚོད་གསོལ་བར་ཅི་གནང་། བྲམ་ཟེ་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ཀྱིས་ཁོ་བོ་ལས་བརྟེན་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་ཞག་བདུན་དུ་མཆོད་པའི་དབང་དུ་བྱས་པའི་གདུགས་ཚོད་ལ་སྤྱན་དྲངས་ཀྱིས་མི་འཚལ་ལོ། །བྲམ་ཟེས་སྨྲས་པ།
D3.008.0031b05.01གལ་ཏེ་ཁྱོད་ཀྱིས་ད་མི་གནང་ན། གང་གི་ཚེ་ཁྱོད་མཉན་ཡོད་དུ་བྱོན་པར་གྱུར་པ་དེའི་ཚེ་ན་ཁྱོད་ཀྱིས་དང་པོ་ཁོ་ནར་བདག་གི་བསོད་སྙོམས་གསོལ་པ་མཛོད་ཅིག །ཚེ་དང་ལྡན་པ་ལེགས་འོངས་ཀྱིས་དེ་ལྟར་བྱའོ་ཞེས་སྨྲས་ནས་དེ་ལངས་ཏེ་སོང་ངོ་། །དེ་ནས་བཅོམ་ལྡན་འདས་ཆུ་སྲིན་བྱིས་པ་
D3.008.0031b06.01གསོད་ཀྱི་རིར་ཅི་དགྱེས་པར་བཞུགས་ནས། མཉན་ཡོད་ག་ལ་བ་དེ་ལོགས་སུ་ལྗོངས་རྒྱུ་ཞིང་གཤེགས་ཏེ། མཐར་གྱིས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ནས། མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་
D3.008.0031b07.01