完整藏文原文 · 德格版页 当前仅加载第 8 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
དྲང་སྲོང་ཁྱོད་ཀྱི་བསྟི་གནས་འདི་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཉེན་ཀོར་ཕུན་སུམ་ཚོགས་པ་ཡིན་ན་ཁྱོད་ཅིའི་ཕྱིར་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། རྐེ་བ་དང་། ལུས་མ་ཐོབ་པར་གྱུར། དེས་སྨྲས་པ། དེ་དེ་བཞིན་
D3.008.0005a01.01ཏེ། ཁོ་བོའི་བསྟི་གནས་འདི་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཉེན་ཀོར་ཕུན་སུམ་ཚོགས་པ་ཡིན་མོད་ཀྱི། འོན་ཀྱང་འདི་ན་ཉེས་དམིགས་ཀྱང་ཡོད་དོ། །འདི་ན་ཉེས་དམིགས་ཅི་ཡོད། །དེས་སྨྲས་པ། རྫིང་ཆེན་པོ་འདི་ན་ཀླུ་གཞོན་ནུ་ཞིག་འདུག་སྟེ། གང་གི་
D3.008.0005a02.01ཚེ་ཁོ་བོ་སྐྱིལ་མོ་ཀྲུང་གིས་འདུག་པ་དེའི་ཚེ་ན་ཀླུ་གཞོན་ནུ་དེ་རྫིང་ཆེན་པོ་དེ་ནས་བྱུང་ནས་ལུས་ཀྱིས་ཁོ་བོའི་ལུས་ལ་ལན་བདུན་དཀྲིས་ཏེ་སྟེང་དུ་གདེངས་ཀ་ཆེན་པོ་བྱས་ཏེ་འདུག་གོ། །གང་གི་ཚེ་ཁོ་བོ་ལངས་པར་གྱུར་པ་དེའི་ཚེ་ན་དེས་ཁོ་བོའི་ལུས་ལ་ལུས་ཀྱིས་བཀྲོལ་ནས་དཔུང་རྒྱན་དང་། རྣ་
D3.008.0005a03.01ཆ་གདུབ་འཁོར་དང་། ཕྲེང་བ་རྒྱུ་སྣ་ཚོགས་ཀྱི་རྒྱན་དང་། བྱུག་པས་བརྒྱན་པར་གྱུར་ཏེ། ཐལ་མོ་སྦྱར་ནས་མདུན་དུ་འདུག་སྟེ་ཁོ་བོ་ལ་ཡོ་བྱད་ཐམས་ཅད་ཀྱིས་སྟོབས་པར་བྱེད་དེ། དེའི་ལུས་ཀྱི་རེག་པས་ཁོ་བོ་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། རྐེ་བ་
D3.008.0005a04.01དང་། ལུས་མ་ཐོབ་པར་གྱུར་ཏོ། །དེས་སྨྲས་པ། ཁྱོད་ཀླུ་གཞོན་ནུ་དེ་ཕྱིན་ཅད་འོང་བར་མི་འགྱུར་བར་འདོད་དམ། དེས་སྨྲས་པ། འདོད་དོ། །དེས་སྨྲས་པ། གང་གི་ཚེ་ཀླུ་གཞོན་ནུ་དེ་ཁྱོད་ལ་ཡོ་བྱད་ཐམས་ཅད་ཀྱིས་སྟོབས་པར་བྱེད་པ་དེའི་ཚེ་ན་དེའི་མགོ་ལ་ནོར་བུ་འདུག་པ་དེ་
D3.008.0005a05.01སློངས་ཤིག་དང་ཀླུ་རྣམས་ནི་སེར་སྣ་ཅན་ཡིན་པས་མི་སྟེར་བས་ཕྱིན་ཅད་འོང་བར་མི་འགྱུར་རོ། །དུས་གཞན་ཞིག་ན་དྲང་སྲོང་དེ་སྐྱིལ་མོ་ཀྲུང་གིས་འདུག་པ་དེའི་ཚེ་ན་ཀླུ་གཞོན་ནུ་དེ་དེ་བཞིན་དུ་རྫིང་ཆེན་པོ་དེ་ནས་བྱུང་ནས་ལུས་ཀྱིས་དྲང་སྲོང་དེའི་ལུས་ལ་ལན་བདུན་དཀྲིས་ཏེ་སྟེང་དུ་གདེངས་ཀ་
D3.008.0005a06.01ཆེན་པོ་བྱས་ཏེ་འདུག་གོ། །གང་གི་ཚེ་དྲང་སྲོང་དེ་ལངས་པར་གྱུར་པ་དེའི་ཚེ་ན་ཀླུ་གཞོན་ནུ་དེས་དྲང་སྲོང་དེའི་ལུས་ལ་ལུས་ཀྱིས་བཀྲོལ་ནས་དཔུང་རྒྱན་དང་། རྣ་ཆ་གདུབ་འཁོར་དང་། ཕྲེང་བ་རྒྱུ་སྣ་ཚོགས་ཀྱི་རྒྱན་དང་བྱུག་པས་བརྒྱན་པར་གྱུར་ཏེ་ཐལ་མོ་སྦྱར་ནས་མདུན་དུ་འདུག་སྟེ་དྲང་སྲོང་དེ་
D3.008.0005a07.01