完整藏文原文 · 德格版页 当前仅加载第 8 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ན་ཀློག་ཏུ་སྩལ་པར་གསོལ། དེས་སྨྲས་པ། ལྷ་བཅོམ་ལྡན་འདས་ལ་ཞུའོ་ཞེས་དེ་ནས་ཚེ་དང་ལྡན་པ་འཆར་ཀས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་
D3.008.0100a01.01གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་འཆར་ཀས་འདི་སྐད་ཅེས་གསོལ་ཏོ། །བཙུན་པ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་འདི་སྐད་ཅེས་ཕྲེང་ལྡན་མ་ཀློག་ཏུ་སྩོལ་ཅིག་ཅེས་མཆི་ན། བདག་གིས་དེ་ལ་ཇི་སྐད་བརྗོད་པར་བགྱི། བཅོམ་ལྡན་འདས་ཀྱིས་བཀའ་སྩལ་པ།
D3.008.0100a02.01འཆར་ཀ་ཀློག་ཏུ་ཆུག་ཤིག །ཚེ་དང་ལྡན་པ་འཆར་ཀས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ལྷ་ཀློག་ཏུ་སྩོལ་ཏོ་ཞེས་ཁས་བླངས་ནས། རྒྱལ་པོས་དེའི་རྐང་པ་གཉིས་ལ་ཕྱག་འཚལ་ཏེ་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་བདུན་བཅུ་པ།
D3.008.0100a03.01ཚེ་དང་ལྡན་པ་ཤཱ་རིའི་བུ་ནི་དུས་ཤེས་པ་དང་། དུས་རིག་པ་ཡིན་པས་དེ་དུས་སུ་སོང་ནས་རྒྱལ་རིགས་དབྱར་ཚུལ་མ་ཀློག་ཏུ་འཇུག་གི་དུས་མ་ཡིན་པར་མི་འགྲོའོ། །ཚེ་དང་ལྡན་པ་འཆར་ཀ་ནི་དུས་མི་ཤེས་པ་དང་། དུས་མི་རིག་པ་ཡིན་པས་དུས་སུ་ཡང་སོང་སྟེ་ཕྲེང་ལྡན་མ་ཀློག་ཏུ་འཇུག་
D3.008.0100a04.01ལ། དུས་མ་ཡིན་པར་ཡང་འགྲོའོ། །ཇི་ཙམ་དུས་གཞན་ཞིག་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་རི་བྲགས་གཞན་ཞིག་ཏུ་བྱ་བ་ཅུང་ཞིག་བྱུང་ནས་དེ་མཚན་མོ་ཉིད་དུ་ལངས་ཏེ་དེར་འཕགས་པ་དང་། ཚེ་དང་ལྡན་པ་འཆར་ཀ་གླང་པོ་ཆེའི་སྒྲ་དང་། རྟའི་སྒྲ་དང་། དུང་གི་
D3.008.0100a05.01སྒྲས་སད་ནས་དེས་བསམས་པ། བཙུན་མོ་ཕྲེང་ལྡན་མ་ལ་བཟླས་པ་སྦྱིན་དུ་འགྲོའོ་སྙམ་ནས། དེ་རྒྱལ་པོའི་ཕོ་བྲང་གི་སྒོར་སོང་བ་དང་སྒོ་བས་སྨྲས་པ། འཕགས་པ་དུས་མ་ལགས་པར་རྒྱལ་པོའི་ཕོ་བྲང་དུ་མ་འཇུག་པར་རེ་ཞིག་གཞེས་ལ་སླད་ཀྱིས་ཞུགས་ཤིག །དེ་ཁྲོས་ཏེ་
D3.008.0100a06.01སྨྲས་པ། བཀྲེན་པ་ཇི་སྲིད་དུ་གསུས་པོ་ཆེ་འདི་གསོན་པ་དེ་སྲིད་དུ་ཁོ་བོ་འདིར་དུས་སུ་ཡང་འཇུག་ལ། དུས་མ་ཡིན་པར་ཡང་འཇུག་གོ། །འདི་ཤི་ན་འདིར་གདོལ་པ་དག་དང་ཆོམ་རྐུན་པ་དག་འཇུག་པར་འགྱུར་ཞིང་འདི་མི་གཙང་བའི་ར་བ་དང་། བཙོན་ར་དང་ཝ་ལམ་ཅན་དུ་འགྱུར་རོ། །
D3.008.0100a07.01