完整藏文原文 · 德格版页 当前仅加载第 8 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཉིད་ཀྱི་གསོ་སྦྱོང་{བཅྭ་,བཅོ་}ལྔ་པ་ལ་བྱང་ལམ་དུ་དེང་ཤིག་དང་། དེ་ན་རྟའི་རྒྱལ་པོ་སྤྲིན་གྱི་ཤུགས་ཅན་ཞེས་བྱ་བ་མ་རྨོས་མ་བཏབ་པའི་འབྲས་སཱ་ལུའི་འབྲུ་ཟོས་ནས་བདེ་བ་དང་། ནད་མེད་པ་དང་། སྟོབས་དང་ལྡན་པ་དང་། དབང་པོ་ཚིམ་པས་རོ་སྟོད་བསྲང་
D3.008.0180a01.01སྟེ་ཕ་རོལ་དུ་སུ་འགྲོ །ཕ་རོལ་དུ་སུ་འགྲོ །སུ་ཞིག་ཕ་རོལ་དུ་བཀུར་བར་བྱ། སུ་ཞིག་བདེ་ལེགས་དང་། བདེ་བ་དག་ཏུ་འཛམ་བུའི་གླིང་དུ་ཕྱིན་པར་བྱ་ཞེས་ལན་གསུམ་ཆེད་དུ་བརྗོད་པ་ཆེད་དུ་རྗོད་པར་བྱེད་ཀྱིས། ཁྱེད་ཅག་དེའི་གན་དུ་སོང་ལ་འདི་སྐད་ཅེས་བདག་
D3.008.0180a02.01ཅག་ཕ་རོལ་དུ་འགྲོའོ། །བདག་ཅག་ཕ་རོལ་དུ་འགྲོའོ། །བདག་ཅག་ཕ་རོལ་དུ་ཁྱེར་ཅིག །བདག་ཅག་བདེ་ལེགས་དང་། བདེ་བ་དག་ཏུ་འཛམ་བུའི་གླིང་དུ་ཕྱིན་པར་གྱིས་ཤིག་ཅེས་བརྗོད་པར་བྱའོ་ཞེས་ཟེར་བ་ཐོས་ཀྱིས། བཟོད་ལྡན་གང་གིས་ཁྱེད་ཅག་བདེ་ལེགས་
D3.008.0180a03.01དང་། བདེ་བ་དག་ཏུ་འཛམ་བུའི་གླིང་དུ་ཕྱིན་པར་འགྱུར་བའི་ཐབས་ནི་དེ་ཡིན་ནོ། །དེ་ནས་དེད་དཔོན་སིང་ག་ལ་སྐྱེ་བོ་ཕལ་པོ་ཆེའི་ཚོགས་ཀྱིས་སྨྲས་པའི་ཚིག་དེ་ལེགས་པར་ཤིན་ཏུ་བཟུང་སྟེ། ཀུན་ཆུབ་པར་བྱས་ནས་ཁད་ཀྱིས་དལ་བུ་དལ་བུས་ཤིང་ལྗོན་པ་ཤི་རི་ཤ་ཆེན་
D3.008.0180a04.01པོ་དེ་ལས་བབས་ནས་ཡང་མལ་དེ་ཉིད་དུ་སོང་ངོ་། །དེ་ནས་དེད་དཔོན་སིང་ག་ལས་བུད་མེད་གང་དང་ལྷན་ཅིག་ཉལ་བ་དེ་གཉིད་ལོག་ཅིང་མལ་དུ་ཞུགས་པར་རིག་ནས་ཁད་ཀྱིས་དལ་བུ་དལ་བུས་ཉལ་ལོ། །དེ་ནས་དེད་དཔོན་སིང་ག་ལ་ནང་པར་སྔར་ལངས་ཏེ་འཛམ་
D3.008.0180a05.01བུའི་གླིང་པའི་ཚོང་པ་རབ་ཏུ་མང་པོ་ག་ལ་བ་དེར་སོང་སྟེ་ཕྱིན་ནས་འཛམ་བུའི་གླིང་པའི་ཚོང་པ་རབ་ཏུ་མང་པོ་ལ་འདི་སྐད་ཅེས་སྨྲས་སོ། །ཤེས་ལྡན་དག་ཚུར་ཤེག །སྐྱེད་མོས་ཚལ་དབེན་པ་ཞིག་ཡོད་པ་དེར་ཁོ་བོ་ཁྱེད་ཅག་དང་ཕག་ཏུ་གསང་སྟེ་སྨྲ་བ་ཅུང་ཞིག་ཡོད་
D3.008.0180a06.01ཀྱིས་ཁྱེད་ཅག་ལས་གང་གིས་ཀྱང་ཤིན་ཏུ་མྱོས་པར་གྱུར་ན་ཡང་ཁྱེའུ་དང་བུ་མོ་དག་ཁྲིད་དེ་མ་འོང་ཤིག །དེ་ནས་འཛམ་བུའི་གླིང་པའི་ཚོང་པ་རབ་ཏུ་མང་པོ་ནང་པར་སྔར་ལངས་ནས་སྐྱེད་མོས་ཚལ་དབེན་པ་ག་ལ་བ་དེར་སོང་ངོ་། །དེ་ནས་དེད་དཔོན་སིང་ག་ལས་
D3.008.0180a07.01