完整藏文原文 · 德格版页 当前仅加载第 8 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ཞེས་མཆིའོ། །རིམ་པ་ཇི་ལྟར་འགྱུར། དེ་གཉིས་ཀྱིས་སྨྲས་པ། ལྷ་དེ་འདི་སྐད་ཅེས་རེ་ཞིག་ཉི་མ་དང་པོ་ལ་རླུང་མོ་ཆེ་བྱུང་ནས་གྲོང་ཁྱེར་སྒྲ་སྒྲོགས་རྡོ་བ་དང་། གསེག་མ་དང་། གྱོ་མོ་མེད་པར་རྣམ་པར་འཇོག་པར་འགྱུར་རོ། །ཉི་མ་གཉིས་པ་ལ་མེ་ཏོག་གི་ཆར་འབབ་
D3.008.0125b01.01པར་འགྱུར་རོ། །ཉི་མ་གསུམ་པ་ལ་གོས་ཀྱི་ཆར་འབབ་པར་འགྱུར་རོ། །ཉི་མ་བཞི་པ་ལ་དངུལ་གྱི་ཆར་འབབ་པར་འགྱུར་རོ། །ཉི་མ་ལྔ་པ་ལ་གསེར་གྱི་ཆར་འབབ་པར་འགྱུར་རོ། །དེའི་འོག་ཏུ་གྲོང་ཁྱེར་སྒྲ་སྒྲོགས་ཀྱི་ཉེན་ཀོར་ན་གནས་པ་གང་དག་གིས་ལས་མཐུན་པར་བྱས་པ་
D3.008.0125b02.01དེ་དག་གྲོང་ཁྱེར་སྒྲ་སྒྲོགས་སུ་འཇུག་པར་འགྱུར་ཞིང་དེ་དག་ཞུགས་པ་ན་ཉི་མ་དྲུག་པ་ལ་རིན་པོ་ཆེའི་ཆར་འབབ་པར་འགྱུར་རོ། །ཉི་མ་བདུན་པ་ལ་སའི་ཆར་འབབ་པར་འགྱུར་རོ་ཞེས་མཆིའོ། །བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ་བྲམ་ཟེ་གང་ལ་སློང་མོ་སྩལ་
D3.008.0125b03.01ནས་ཡང་བཅད་ན་དེ་ལེགས་པ་ཅི་ཞིག་སེམས་ཏེ། ལྷས་དེ་འཁོར་ལྔ་བརྒྱ་དང་ལྡན་པ་ལ་བསོད་སྙོམས་སྩལ་ནས་བཅད་ཅིང་སས་ཀྱང་གཡོགས་པས་དེ་འདི་སྐད་མཆི་བ་ལས་གཞན་པ་ཆེས་ཤིས་པའི་ཚིག་སྨྲ་བར་ག་ལ་འགྱུར། རྒྱལ་པོ་གཙུག་པུད་ཅན་གྱིས་བསམས་པ། དེ་
D3.008.0125b04.01བདེན་ནོ་སྙམ་པ་དང་། བློན་པོའི་མཆོག་ཧེ་རུ་ཀ་དང་། བྷི་རུ་ཀ་གཉིས་ཀྱིས་བཞིན་བསྒྱུར་ཅིང་ལག་པ་གཉིས་ཡོངས་སུ་དྲིལ་ཏེ་དོང་ངོ་། །དེ་ན་ཧེ་རུ་ཀ་ལ་བུ་སྔོ་བསངས་ཞེས་བྱ་བ་ཁྱེའུ་ཞིག་ཡོད་ལ། བྷི་རུ་ཀ་ལ་ཡང་བུ་མོ་སྔོ་བསངས་ཅན་ཞེས་བྱ་བ་བུ་མོ་ཞིག་ཡོད་ནས། ཧེ་རུ་ཀས་
D3.008.0125b05.01ཁྱེའུ་སྔོ་བསངས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་ཕུལ་ཏེ་སྨྲས་པ། འཕགས་པ་གལ་ཏེ་འདི་ལ་དགེ་བའི་རྩ་བ་འགའ་ཞིག་མཆིས་ན་རབ་ཏུ་དབྱུང་དུ་གསོལ། གལ་ཏེ་མ་མཆིས་ན་འདི་ཁྱོད་ཉིད་ཀྱི་ཞབས་འབྲིང་བ་ལགས་སོ། །བྷི་རུ་ཀས་ཀྱང་བུ་མོ་སྔོ་བསངས་ཅན་དགེ་སློང་མ་རི་མ་
D3.008.0125b06.01ལ་ཕུལ་ཏེ་སྨྲས་པ། འཕགས་མ་གལ་ཏེ་འདི་ལ་དགེ་བའི་རྩ་བ་འགའ་ཞིག་མཆིས་ན་རབ་ཏུ་དབྱུང་དུ་གསོལ། གལ་ཏེ་མ་མཆིས་ན་ཀཽ་ཤཱམྦཱི་ན་ཁྱིམ་བདག་གདངས་ཅན་ཞེས་བགྱི་བ་བདག་གི་ཆུང་པོ་གྲོགས་ཤིག་མཆིས་པ་དེ་ལ་གཏད་དུ་གསོལ། དེས་ཁས་བླངས་སོ། །དེ་
D3.008.0125b07.01