完整藏文原文 · 德格版页 当前仅加载第 8 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
མར་དང་མར་གྱི་སྙིང་ཁུ་དང་གཞན་ཡང་ཡོ་བྱད་ཀྱི་བྱེ་བྲག་གཙོ་བོ། གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་། གྲངས་དང་རྩིས་དང་ལག་རྩིས་དང་དབྱུང་བ་དང་།
D3.008.0086b01.01གཞུག་པ་དང་། བཞག་པ་ལ་ཉེ་བར་ཞུགས་ནས་དེ་ཡི་གེའི་མཐར་ཕྱིན་ཅིང་། འབྱེད་པ་དང་ཀློག་པ་དང་། མཁས་པ་དང་སྤྱོད་པ་གསལ་བ་དང་། བརྟག་པ་བརྒྱད་པོ་འདི་ལྟ་སྟེ། རིན་པོ་ཆེ་བརྟག་པ་དང་། གཞི་བརྟག་པ་དང་། གོས་བརྟག་པ་དང་། ཤིང་བརྟག་པ་དང་། གླང་
D3.008.0086b02.01པོ་ཆེ་བརྟག་པ་དང་། རྟ་བརྟག་པ་དང་། བུད་མེད་བརྟག་པ་དང་། སྐྱེས་པ་བརྟག་པ་ལ་མཁས་པར་གྱུར་ཏོ། །དེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་བཙུན་མོའི་འཁོར་གྱི་དྲུང་དུ་སོང་བ་དང་། དེའི་བཙུན་མོའི་འཁོར་གྱིས་སྟེང་གི་ཁང་{བཟངས་ཀྱི་,བཟང་གི་}གཞིར་གཏོགས་པ་ནས་དེ་
D3.008.0086b03.01ལ་མེ་ཏོག་གི་ཕྲེང་བ་འཕངས་སོ། །འཇིག་རྟེན་ནི་མཛའ་བཤེས་དང་། དགྲ་བོ་དང་། ཐ་མལ་པ་ཡིན་པས་ཇི་ཙམ་ན་གཞན་དག་གིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་སྨྲས་པ། ལྷ་གཞོན་ནུ་རྫུ་འཕྲུལ་ལེན་ནི་ལྷའི་བཙུན་མོའི་འཁོར་དོན་དུ་གཉེར་རོ། །རྒྱལ་པོ་
D3.008.0086b04.01དག་ནི་མི་རྟོག་པར་བྱེད་པས་དེས་བློན་པོ་རྣམས་ལ་བསྒོ་བ། ཤེས་ལྡན་དག་ངས་ཁྱིམ་བདག་བཟང་བྱིན་གྱི་བུ་གཞོན་ནུ་རྫུ་འཕྲུལ་ལེན་ཡོངས་སུ་བཏང་ངོ་། །བློན་པོ་རྣམས་ཀྱིས་དེ་ཀ་ར་བཱི་རའི་མེ་ཏོག་གི་ཕྲེང་བས་མགུལ་པ་བཅིངས་ཏེ་གོས་སྔོན་པོ་གྱོན་པའི་མི་དག་བཀྲི་ནས་
D3.008.0086b05.01གྲོང་ཁྱེར་གྱི་དབུས་ནས་ཕྱིར་བྱུང་སྟེ་བསད་སར་ཕྱིན་ནས་གསོད་དུ་བཅུག་གོ། །མཉན་ཡོད་ཀྱི་སྐྱེ་བོའི་ཚོགས་དང་། ཡུལ་ཐ་དད་པ་ནས་ལྷགས་པའི་མི་དག་གིས་རྒྱལ་པོ་སྡིག་ཅན་འདི་ནི་མ་བརྟགས་པར་བྱེད་པ་ངན་པ་ཡིན་ཏེ། དེས་ཁྱིམ་བདག་གི་བུ་གཞོན་ནུ་རྫུ་འཕྲུལ་
D3.008.0086b06.01ལེན་ཁོན་མེད་པ། འགྲན་མི་ཚོལ་བ། མི་འཁུ་བ་བསད་དོ་ཞེས་བརྗོད་དོ། །དེ་བཞིན་དུ་བཙུན་མོའི་འཁོར་དང་། གཞོན་ནུ་དང་། བློན་པོ་རྣམས་ཀྱིས་ཀྱང་ངན་པ་དེས་ཁྱིམ་བདག་གི་བུ་གཞོན་ནུ་རྫུ་འཕྲུལ་ལེན་ཁོན་མེད་པ། འགྲན་མི་ཚོལ་བ། མི་འཁུ་བ་
D3.008.0086b07.01