完整藏文原文 · 德格版页 当前仅加载第 8 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
མན་ཤེལ་དཀར་པོ་དག་དང་། བྱི་རུ་དག་དང་། དངུལ་དག་དང་། གསེར་དག་དང་། རྡོའི་སྙིང་པོ་དག་དང་། སྤུག་དག་དང་། དམར་པོ་དག་དང་། གཡས་སུ་འཁྱིལ་པ་དག་ལགས་ཀྱིས། ཁྱེད་ཅག་ཚུར་སྤྱོན་བདག་ཅག་དང་ལྷན་ཅིག་རྩེ་བ་དང་། དགའ་བ་དང་།
D3.008.0177b01.01དགའ་མགུར་སྤྱོད་པར་མཛོད་ཅིག །ཁྱེད་ཅག་ལས་འགའ་ཡང་ཤིན་ཏུ་མྱོས་པར་གྱུར་ཀྱང་ལྷོ་ལམ་དུ་འགྲོ་བར་མི་བྱའོ་ཞེས་ཟེར་རོ། །བཅོམ་ལྡན་འདས་ཀྱིས་དགེ་སློང་དག་ངས་འདི་ལྟ་སྟེ། སྐྱེས་པ་ལ་བུད་མེད་ཀྱི་གཟུགས་ཇི་ལྟར་ཆགས་པར་འགྱུར་བ་དང་། རྒྱགས་
D3.008.0177b02.01པར་འགྱུར་བ་དང་། འདོད་པར་འགྱུར་བ་དང་། སྡུག་པར་འགྱུར་བ་དང་། བྱམས་པར་འགྱུར་བ་དང་། རྔོད་པར་འགྱུར་བ་དང་། བརྒྱལ་བར་འགྱུར་བ་དང་། འཆིང་བར་འགྱུར་བ་དང་། སྒྲུབ་པར་འགྱུར་བ་དང་། ཀུན་དུ་སྦྱར་བར་འགྱུར་བ་དེ་ལྟ་བུའི་གཟུགས་
D3.008.0177b03.01གཞན་ཅིག་ཀྱང་ཡང་དག་པར་རྗེས་སུ་མ་མཐོང་ངོ་ཞེས་གསུངས་པས། དེ་དག་སྲིན་མོ་དེ་དག་གིས་བརྔོད་པ་ན་རྒྱ་མཚོ་ཆེན་པོ་ལས་རྒལ་ཏེ་དེ་དག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དག་དེ་དག་དང་ལྷན་ཅིག་རྩེ་བར་བྱེད།
D3.008.0177b04.01དགའ་བར་བྱེད། དགའ་མགུར་སྤྱོད་པར་བྱེད་པ་དག་ལ་བསྟེན་པའི་རྒྱུ་ལས་བུ་དང་བུ་མོ་དག་ཀྱང་བྱུང་ངོ་། །དེ་ནས་དེད་དཔོན་སིང་ག་ལ་འདི་སྙམ་དུ་སེམས་ཏེ། ཅིའི་ཕྱིར་བུད་མེད་འདི་དག་ལྷོ་ལམ་ཤིན་ཏུ་སྲུང་བར་སེམས། བདག་བུད་མེད་འདི་དང་ལྷན་ཅིག་ཉལ་ཞིང་དེ་གཉིད་
D3.008.0177b05.01ལོག་པ་དང་མལ་དུ་ཞུགས་པར་རིག་ནས་ཁད་ཀྱིས་དལ་བུ་དལ་བུས་མལ་ཆེན་པོ་ལས་བབས་ཏེ། རལ་གྲི་རྣོན་པོ་མཆན་དུ་བཅུག་ནས་ལྷོ་ལམ་དུ་འགྲོའོ་སྙམ་མོ། །དེ་ནས་དེད་དཔོན་སིང་ག་ལ་བུད་མེད་གང་དང་ལྷན་ཅིག་ཉལ་བ་དེ་གཉིད་ལོག་ཅིང་མལ་དུ་ཞུགས་པར་
D3.008.0177b06.01རིག་ནས། ཁད་ཀྱིས་དལ་བུ་དལ་བུས་མལ་ཆེན་པོ་ནས་བབས་ཏེ། རལ་གྲི་རྣོན་པོ་མཆན་དུ་བཅུག་ནས་ལྷོ་ལམ་དུ་སོང་བ་དང་། དེས་དེ་ན་སྐྱེ་བོ་ཕལ་པོ་ཆེ་སྨྲེ་སྔགས་འདོན་པའི་སྒྲ་ཀྱི་ཧུད་ཕ། ཀྱི་ཧུད་མ། ཀྱི་ཧུད་ཕུ་ནུ། ཀྱི་ཧུད་བུ་སྲིང་། ཀྱི་ཧུད་འཛམ་བུའི་གླིང་
D3.008.0177b07.01