完整藏文原文 · 德格版页 当前仅加载第 8 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་ངོ་། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །དེ་དག་འདི་སྙམ་དུ་སེམས་ཏེ། གང་གི་ཕྱིར་ཁྱེའུ་འདི་རྐང་ལག་དྲ་བས་
D3.008.0166a01.01འབྲེལ་བ་དེའི་ཕྱིར་ཁྱེའུའི་མིང་རྐང་ལག་དྲ་བ་ཅན་ཞེས་བྱའོ་ཞེས་དེའི་མིང་རྐང་ལག་དྲ་བ་ཅན་ཞེས་བྱ་བར་བཏགས་སོ། །ཡང་དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས་དེ་ཟླ་བ་བརྒྱད་
D3.008.0166a02.01དམ། དགུ་འདས་ཏེ་བཙས་པ་ལས་ཁྱེའུ་རྐང་ལག་དྲ་བས་མ་འབྲེལ་བ་ཞིག་བྱུང་ངོ་། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱས་པར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །དེ་དག་
D3.008.0166a03.01འདི་སྙམ་དུ་སེམས་ཏེ། གང་གི་ཕྱིར་ཁྱེའུ་འདི་རྐང་ལག་དྲ་བས་འབྲེལ་བ་མེད་པ་དེའི་ཕྱིར་ཁྱེའུའི་མིང་རྐང་ལག་དྲ་བ་མེད་ཅེས་བྱའོ་ཞེས་དེའི་མིང་རྐང་ལག་དྲ་བ་མེད་ཅེས་བྱ་བར་བཏགས་སོ། །དེ་གཉིས་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །ཇི་ཙམ་ན་བུ་ཐུ་བོ་རྐང་ལག་དྲ་བ་
D3.008.0166a04.01ཅན་གྱིས་ཕ་ཆོས་དང་ཆོས་མ་ཡིན་པས་མདུན་ན་འདོན་བྱེད་དུ་འཇུག་པ་མཐོང་ནས། དེས་བསམས་པ། བདག་འདི་འདས་ནས་མདུན་ན་འདོན་དུ་གྱུར་ན་བདག་ཀྱང་ཆོས་དང་ཆོས་མ་ཡིན་པས་མདུན་ན་འདོན་བྱེད་དུ་འཇུག་པར་འགྱུར་ན། བདག་ཆོས་དང་ཆོས་མ་ཡིན་པས་
D3.008.0166a05.01མདུན་ན་འདོན་བྱེད་དུ་བཅུག་ནས་སེམས་ཅན་དམྱལ་བ་ལ་གཞོལ་བར་འགྱུར་ན་མི་རུང་གིས་རྣམ་པ་ཐམས་ཅད་དུ་རབ་ཏུ་འབྱུང་ངོ་སྙམ་ནས། དེ་ཕའི་གན་དུ་སོང་སྟེ་སྨྲས་པ། ཡབ་བདག་རབ་ཏུ་འབྱུང་བར་ཅི་གནང་། ཕས་སྨྲས་པ། བུ་གང་གི་ཕྱིར་མཆོད་སྦྱིན་སྦྱིན་པར་
D3.008.0166a06.01བྱེད། སྦྱིན་སྲེག་སྲེག་པར་བྱེད། དཀའ་ཐུབ་ཀྱིས་གདུང་བར་བྱེད་པའི་མདུན་ན་འདོན་དེ་ཁྱོད་ཀྱི་ལག་མཐིལ་དུ་འོངས་ན་ཅིའི་ཕྱིར་རབ་ཏུ་འབྱུང་བར་བྱེད། དེས་ཚིགས་སུ་བཅད་པ་སྨྲས་པ། ནགས་ན་ཤིང་ཤུན་ཤུན་པའི་གོས་གྱོན་འབྲས་བུ་ཟ། །{རི་དགས་,རི་དྭགས་}གདུག་པ་
D3.008.0166a07.01