完整藏文原文 · 德格版页 当前仅加载第 8 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་སླར་ལོག་ཀྱང་སྐྱེ་བོ་དག་གིས་ད་དུང་དེ་བཞིན་དུ་འཛིན་པར་བགྱིད་ན་ཇི་ལྟར་བསྒྲུབ་པར་བགྱི་མ་འཚལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། གྲོང་དཔོན་འདི་ཅི་ཡིན། དེས་ཇི་ལྟར་གྱུར་པ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གྲོང་དཔོན་
D3.008.0157b01.01དེང་ཟས་དང་། སྐོམ་ལོང་ལ་མི་ཡང་མ་ལེན། གླང་ཡང་མ་ལེན་ཅིག །དེས་བསམས་པ། འོངས་ཀྱང་རུང་གིས་བདག་གི་ཟན་ཐ་མ་འདི་བཅོམ་ལྡན་འདས་ལ་བསོད་སྙོམས་དབུལ་ལོ་སྙམ་མོ། །ཁྱིམ་བདག་དེས་ཁྱེའུ་དེ་ཤིང་རྟ་ནས་ཕྱུང་སྟེ་གནོད་སྦྱིན་ལ་བྱིན་ནོ། །གནོད་
D3.008.0157b02.01སྦྱིན་གྱིས་ཀྱང་བཅོམ་ལྡན་འདས་ལ་ཕུལ་ལོ། །བཅོམ་ལྡན་འདས་ཀྱིས་ཀྱང་ཕ་ལ་སྩལ་ཏོ། །དེ་ནས་ཕས་གསོལ་པ། བཅོམ་ལྡན་འདས་ཁྱེའུ་འདི་མིང་ཅིར་གདགས། བཅོམ་ལྡན་འདས་ཀྱིས་ཚིགས་སུ་བཅད་པའི་དབྱངས་ཀྱིས་བཀའ་སྩལ་པ། བྱིས་པ་གང་
D3.008.0157b03.01ཚེ་གནོད་སྦྱིན་གྱི། །ལག་ནས་ང་ཡི་ལག་ཏུ་ཐོབ། །ང་ཡི་ལག་ནས་ཕ་ཡི་ལག །དེ་ཡི་ཕྱིར་ན་ལག་བརྒྱུད་ཡིན། །དེའི་མིང་ལག་བརྒྱུད་ཅེས་བྱ་བར་བཏགས་སོ། །ཁྱིམ་བདག་དེས་དེ་ཁྱེར་ཏེ་འབྲོག་གནས་སུ་སོང་བ་དང་། སྐྱེ་བོའི་ཚོགས་ཀྱིས་མཐོང་ནས་སྨྲས་
D3.008.0157b04.01པ། ཤེས་ལྡན་དག་འདི་འདི་ལྟར་གྱུར་ཅིང་། ཁྲག་གི་ཐིགས་པ་དེ་ཁྱེར་ཏེ་འོངས་པ་ལས་ན། གོར་མ་ཆག་པར་འདིས་གནོད་སྦྱིན་འཁྲུགས་པར་བྱས་སོ། །དེས་སྨྲས་པ། ཤེས་ལྡན་དག་གནོད་སྦྱིན་ག་ལ་འཁྲུགས་ཏེ། བཅོམ་ལྡན་འདས་ཁྱེའུ་འདི་ལ་ཐུགས་
D3.008.0157b05.01བརྩེ་བའི་སླད་དུ་དེའི་གནས་སུ་མཚན་མོ་གནས་པར་ཞལ་གྱིས་བཞེས་ནས། བཅོམ་ལྡན་འདས་ཀྱིས་དེ་བཏུལ་ཏེ་སྐྱབས་སུ་འགྲོ་བ་དང་བསླབ་པའི་གཞི་དག་ལ་བཞག་ནས། དེས་འབྲོག་གནས་ན་གནས་པའི་སྐྱེ་བོའི་ཚོགས་ལ་མི་འཇིགས་པ་བྱིན་གྱིས་
D3.008.0157b06.01འཚེར་འགྲིབ་མེད་པར་གྱིས་ཤིག །དེ་དག་ཤིན་ཏུ་དགའ་སྟེ་སྨྲས་པ། ཁྱེའུ་འདི་སྐྱེས་མ་ཐག་ཏུ་གནོད་སྦྱིན་འབྲོག་གནས་བཏུལ་བས་ཁྱེའུ་འདིའི་མིང་ལག་བརྒྱུད་འབྲོག་གནས་ཞེས་བྱའོ་ཞེས་དེའི་མིང་ལག་བརྒྱུད་འབྲོག་གནས་ཞེས་བྱ་བར་བཏགས་སོ། །དེ་
D3.008.0157b07.01