完整藏文原文 · 德格版页 当前仅加载第 8 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་མཇལ་གྱིས་དེ་ལ་ཕྲིན་ཡིག་འདི་སྐད་ཅེས་ཁོ་བོའི་རི་བྲགས་པ་ཞིག་ལོག་པ་མ་ཕེབས་ཀྱིས་ཇེ་ཁོ་བོའི་གྲོགས་གྱིས་ཤིག་དང་། ཁོ་བོས་ཀྱང་ཕྱིས་ཁྱོད་ཀྱི་གྲོགས་བྱའོ་ཞེས་བྲིས་ཏེ་སྐུར་ཅིག །བློན་པོ་རྣམས་ཀྱིས་དེ་ལ་ཕྲིན་ཡིག་དེ་སྐད་ཅེས་བྲིས་ཏེ་བསྐུར་བ་
D3.008.0192a01.01དང་། དེས་ཕྲིན་ཡིག་བཀླགས་ནས་བཀླགས་མ་ཐག་ཏུ་རི་བྲགས་དེར་འོངས་ནས་དེ་ཧ་ཅང་ཐག་མི་རིང་བ་ཞིག་ན་འདུག་པ་དང་། རི་བྲགས་པ་དག་གིས་ཐོས་ནས་བསམས་པ། བདག་ཅག་རྒྱལ་པོ་དག་གིས་ཕྱོགས་བཅུ་དག་ནས་བསྐོར་བར་ཆད་དེ། རྒྱལ་པོ་གཉིས་པ་འདི་
D3.008.0192a02.01ཡང་ཉེ་བར་འོངས་ཀྱིས་ཡུལ་ནི་རྣམ་པ་ཐམས་ཅད་དུ་ཕྱིར་འཐོབ་པར་ཡང་རུང་གི །སྲོག་ནི་ཕྱིར་འཐོབ་པར་མི་རུང་གིས་ཕྱིར་འབྱུང་ངོ་སྙམ་ནས། དེ་དག་རལ་གྲི་མགུལ་ནས་ཕོག་སྟེ་ཕྱིར་བྱུང་ནས། རྒྱལ་པོ་ཤར་པའི་རྐང་པ་གཉིས་ལ་གཏུགས་པ་དང་། རྒྱལ་པོ་ཤར་
D3.008.0192a03.01པས་དེ་དག་ལོ་ཐང་དང་། དཔྱ་འཇལ་དུ་བཅུག་གོ། །དེ་ནས་མི་སྙན་སྨྲ་རྒྱལ་པོའི་ཡོ་ལང་གིས་རྒྱལ་པོ་ཤར་པའི་གན་དུ་སོང་སྟེ་སྨྲས་པ། ལྷ་བདག་གི་བུ་འཆི་བདག་གིས་ཕྲོགས་ཏེ་ལྷས་བདག་གི་གྲོགས་གྱིས་ཤིག་དང་། བདག་དེ་དང་ལྷན་ཅིག་གཡུལ་སྤྲོད་པར་བྱེད་
D3.008.0192a04.01དོ། །གལ་ཏེ་རེ་ཞིག་གཡུལ་སྤྲད་པས་དེ་ཕམ་པར་ནུས་ན་དེ་ལྟ་ན་ལེགས། གལ་ཏེ་མ་ནུས་ན་དེ་ལ་གླང་པོ་ཆེ་ལྔ་བརྒྱ་དང་། བལ་གླང་མོ་ལྔ་བརྒྱ་དང་། རྟ་ལྔ་བརྒྱ་དང་། རྒོད་མ་ལྔ་བརྒྱ་དང་། གཞོན་ནུ་ལྔ་བརྒྱ་དང་། གཞོན་ནུ་མ་ལྔ་བརྒྱ་དང་། གསེར་འབུམ་ཕུལ་ཏེ་
D3.008.0192a05.01བླང་བར་བྱའོ། །རྒྱལ་པོ་ཤར་པས་སྨྲས་པ། ཤེད་མཐུན་ཁྱོད་གླེན་པ་ཞིག་སྟེ། འཆི་བདག་ལས་ཕྱིར་ལེན་པར་ནུས་པ་འགའ་ཡང་ཡོད་རེ་སྐན། དེས་སྨྲས་པ། ལྷ་མི་ནུས་སམ། མི་ནུས་སོ། །གལ་ཏེ་དེ་ལྟ་ན་རི་མོ་འདི་ལྟོས་ཤིག །དེས་རི་མོ་བརྐྱང་སྟེ། རྒྱལ་པོས་
D3.008.0192a06.01རི་མོ་བརྟགས་ནས་གནད་དུ་བསྣུན་པ་དང་འདྲ་བར་གདུང་བཞིན་དུ་སྨྲས་པ། ཀྱེ་ཇི་སྐད་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་མེས་ཚིག་ཅེས་ཟེར་རམ། དེས་ཅོད་པན་དང་། ཐོར་ཚུགས་ཕོག་སྟེ་ཚིགས་སུ་བཅད་པ་སྨྲས་པ། བདག་ནི་རྒྱལ་པོ་མ་ལགས་རྒྱལ་སྲིད་མིན། །
D3.008.0192a07.01