完整藏文原文 · 德格版页 当前仅加载第 8 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་གཉིས་ཀྱི་ཉེ་དུ་དག་གིས་ལུས་ལ་ལུས་ཀྱི་མཆོད་པ་བྱས་ནས་མཆོད་རྟེན་གཉིས་བྱེད་དུ་བཅུག་སྟེ་གཅིག་ནི་རྒྱལ་གྱིའོ། །ཅིག་ཤོས་ནི་སྐར་རྒྱལ་གྱིའོ། །རྒྱལ་པོ་ཨུ་ཏྲ་ཡ་ན་ཉིན་རེ་ཉིན་རེ་ཞིང་ཚེ་དང་ལྡན་པ་
D3.008.0109b01.01ཀཱ་ཏྱཱ་ཡ་ན་ཆེན་པོའི་དྲུང་དུ་སོང་ནས་ཆོས་མཉན་ཏེ་བཙུན་མོའི་འཁོར་ལ་འཕགས་པ་ཀཱ་ཏྱཱ་ཡ་ན་ཆེན་པོ་ཆོས་དངར་བ་དངར་བ་སྟོན་པར་བྱེད་དེ། སྦྲང་བུ་སྦྲང་རྩི་འབྱིན་པ་བཞིན་ནོ་ཞེས་རྗོད་པར་བྱེད་དོ། །དེ་དག་གིས་སྨྲས་པ། ལྷ་སངས་རྒྱས་འབྱུང་བ་ནི་འབྲས་བུ་དང་བཅས་པ་
D3.008.0109b02.01ལགས་སོ། །ཇི་ལྟར་གང་གི་སླད་དུ་ཁྱོད་ཆོས་གསན་པས་སོ། །གལ་ཏེ་དེ་ལྟ་ན་ཁྱེད་ཅག་ཀྱང་ཅིའི་ཕྱིར་ཆོས་མི་ཉན། ལྷ་བདག་ཅག་ནི་ངོ་ཚ་དང་ལྡན་པ་ལགས་པས་ཇི་ལྟར་དེར་མཆིས་ཏེ་ཆོས་མཉན་པར་བགྱི། གལ་ཏེ་འཕགས་པ་ཀཱ་ཏྱཱ་ཡ་ན་ཆེན་པོ་འདི་ཉིད་དུ་མཆིས་
D3.008.0109b03.01ཏེ་ཆོས་སྟོན་པར་བགྱིད་ན་དེ་ལྟ་ན་བདག་ཅག་ཀྱང་ཆོས་ཉན་ཏོ། །རྒྱལ་པོ་ཨུ་ཏྲ་ཡ་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་སྨྲས་པ། འཕགས་པ་བཙུན་མོའི་འཁོར་ཆོས་ཉན་པར་འཚལ་ལོ། །དེས་སྨྲས་པ། རྒྱལ་པོ་ཆེན་པོ་དགེ་སློང་དག་ནི་བཙུན་མོའི་འཁོར་གྱི་
D3.008.0109b04.01ནང་དུ་ཞུགས་ཤིང་ཆོས་མི་སྟོན་ཏོ། །བཅོམ་ལྡན་འདས་ཀྱིས་བཙུན་མོའི་འཁོར་གྱི་ནང་དུ་འཇུག་པ་བཀག་གོ། །འཕགས་པ་འོ་ན་སུ་ཞིག་བཙུན་མོའི་འཁོར་ལ་ཆོས་སྟོན་པར་བགྱིད། རྒྱལ་པོ་ཆེན་པོ་དགེ་སློང་མའོ། །རྒྱལ་པོ་ཨུ་ཏྲ་ཡ་ནས་རྒྱལ་པོ་གཟུགས་ཅན་སྙིང་པོ་
D3.008.0109b05.01ལ་ཕྲིན་ཡིག་འདི་སྐད་ཅེས་ཤེད་མཐུན་དགྱེས་པ་བདག་གི་བཙུན་མོའི་འཁོར་ཆོས་ཉན་པར་འཚལ་ན་དེའི་སླད་དུ་དགེ་སློང་མ་འགའ་ཞིག་གཏང་བའི་རིགས་སོ་ཞེས་བྲིས་ཏེ་བསྐུར་རོ། །རྒྱལ་པོ་གཟུགས་ཅན་སྙིང་པོས་ཕྲིན་ཡིག་དེ་བཀླགས་ནས་བཅོམ་ལྡན་འདས་ག་
D3.008.0109b06.01ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་རྒྱལ་པོ་གཟུགས་ཅན་སྙིང་པོས་འདི་སྐད་ཅེས་གསོལ་ཏོ། །བཙུན་པ་རྒྱལ་པོ་ཨུ་ཏྲ་ཡ་ནས་
D3.008.0109b07.01