完整藏文原文 · 德格版页 当前仅加载第 8 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
སྔོ་བསངས་ཅན་གྱིས་བཙལ་ཅིང་བདག་གིས་དེང་ཁོ་ན་ཕྱིར་མི་འོང་བའི་འབྲས་བུ་མངོན་སུམ་དུ་བགྱིས་ན་འདི་ལ་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ལག་བརྒྱུད་སོང་ཤིག །ཁྱོད་ཀྱི་བསླབ་པ་ནི་འདི་ཡིན་ནོ། །སྔོ་བསངས་
D3.008.0162a01.01ཅན་ཡང་ཇི་ལྟར་ཁས་བླངས་པ་བཞིན་ཟས་དང་། གོས་ཀྱིས་མཁོ་བ་སྟོབས་ཤིག །དེ་ནི་འཇིག་རྟེན་གྱི་ཆོས་ཉིད་ཡིན་ནོ། །དེ་ནས་ལག་བརྒྱུད་འབྲོག་གནས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་རང་གི་ཁྱིམ་དུ་སོང་ནས། དེས་སྔོ་
D3.008.0162a02.01བསངས་ཅན་ལ་སྨྲས་པ། ཁོ་བོ་དེང་ཁོ་ན་ཁྱོད་ཀྱིས་བཙལ་ན། ཁོ་བོས་ཀྱང་དེང་ཁོ་ན་བཅོམ་ལྡན་འདས་ཀྱི་སྤྱན་སྔ་ནས་སྐྱབས་སུ་འགྲོ་བ་དང་། བསླབ་པའི་གཞི་དག་བླངས་ཤིང་ཕྱིར་མི་འོང་བའི་འབྲས་བུ་ཐོབ་པར་གྱུར་གྱིས། དེའི་ཕྱིར་གལ་ཏེ་ཁྱོད་འདོད་ན་ཕའི་ཁྱིམ་དུ་
D3.008.0162a03.01སོང་ཤིག །གལ་ཏེ་མི་འདོད་ན་འདི་ཉིད་དུ་འདུག་ཤིག་དང་ཟས་དང་གོས་ཀྱིས་མཁོ་བ་བསྟབ་པར་བྱའོ། །དེས་བསམས་པ། གལ་ཏེ་སོང་བར་གྱུར་ན་སྐྱེ་བོ་དག་ལག་བརྒྱུད་ཀྱིས་འདི་བཀྲ་མི་ཤིས་པར་རིག་ནས་མ་བླངས་སོ་ཞེས་ཟེར་གྱིས། འདི་ནི་སངས་རྒྱས་ཀྱི་སྲས་ཡིན་
D3.008.0162a04.01པས་འདི་ཉིད་ལ་བསྙེན་བཀུར་བྱེད་ཅིང་འདིར་འདུག་གོ་སྙམ་ནས། དེ་དེ་ཉིད་དུ་འདུག་གོ། །ལག་བརྒྱུད་འབྲོག་གནས་ཀྱིས་ཀྱང་ཡོ་བྱད་ཐམས་ཅད་དང་ལྡན་པའི་གཙུག་ལག་ཁང་རྩིག་ཏུ་བཅུག་སྟེ། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ནས་འདི་ལྟར་
D3.008.0162a05.01གནས་བརྟན་དག་གིས་ཀྱང་བཅོམ་ལྡན་འདས་འབྲོག་གནས་ན་འབྲོག་གི་ནགས་མཆོག་ན་བཞུགས་སོ་ཞེས་མདོ་སྡེའི་མཐའ་ཉེ་བར་སྦྱར་བ་བྱས་སོ།། །།འདུལ་བ་རྣམ་པར་འབྱེད་པ། བམ་པོ་བདུན་བཅུ་རྩ་ལྔ་པ། དེ་ནས་དུས་གཞན་ཞིག་ན་ལག་བརྒྱུད་འབྲོག་གནས་
D3.008.0162a06.01ནད་ཀྱིས་བཏབ་སྟེ། སྡུག་བསྔལ་ཞིང་ནད་ཚབས་ཆེ་བར་གྱུར་ནས། དེ་ནས་ལག་བརྒྱུད་འབྲོག་གནས་ནད་དེ་ཉིད་ཀྱིས་དུས་ལ་བབ་བོ། །དེ་དུས་ལ་བབ་མ་ཐག་ཏུ་མི་གདུང་བའི་ལྷ་རིས་སུ་སྐྱེས་སོ། །དེ་ནས་ལྷའི་བུ་ལག་བརྒྱུད་འབྲོག་གནས་འདི་སྙམ་དུ་སེམས་ཏེ།
D3.008.0162a07.01