完整藏文原文 · 德格版页 当前仅加载第 8 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་པ་ལྷུང་བཟེད་དང་། བྱ་མ་བུམ་གྱིས་འབྲེལ་པ་དང་། དགེ་སློང་རྫོགས་པར་བསྙེན་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །ཡང་སྨྲས་པ། དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང་། །མོད་
D3.008.0114b01.01ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དེ་ནས་ཚེ་དང་ལྡན་པ་ཨུ་ཏྲ་ཡ་ན་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ། རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །དེ་སྐྱེ་བོ་ཕལ་པོ་ཆེའི་ཚོགས་
D3.008.0114b02.01ཀྱིས་མཐོང་ནས་གྲོང་ཁྱེར་རྒྱལ་པོའི་ཁབ་ཐམས་ཅད་དུ་བཅོམ་ལྡན་འདས་ཀྱིས་རྒྱལ་པོ་ཨུ་ཏྲ་ཡ་ན་རབ་ཏུ་ཕྱུང་རྫོགས་པར་བསྙེན་པར་མཛད་ནས་དེ་བསོད་སྙོམས་ལ་རྒྱལ་པོའི་ཁབ་ཏུ་ཞུགས་སོ་ཞེས་དེ་ལྟ་བུའི་སྒྲ་སྒྲོགས་པར་གྱུར་ཏོ། །དེ་སྐད་ཐོས་ནས་སྲོག་ཆགས་འབུམ་ཕྲག་དུ་
D3.008.0114b03.01མ་དག་འདུས་པར་གྱུར་ཅིང་། ཁྱིམ་གྱི་ནང་ན་གནས་པའི་བུད་མེད་དག་ཀྱང་སྐར་ཁུང་དང་། སྐར་ཁུང་དྲ་བ་ཅན་དང་། ལན་ཀན་དག་གི་དྲུང་དུ་འཁོད་དེ་ལྟ་བར་བྱེད་དོ། །རྒྱལ་པོ་གཟུགས་ཅན་སྙིང་པོ་ལ་བློན་པོ་རྣམས་ཀྱིས་སྨྲས་པ། ལྷ་རྒྱལ་པོ་ཨུ་ཏྲ་ཡ་ན་རྒྱལ་པོའི་ཁབ་ཏུ་
D3.008.0114b04.01བསོད་སྙོམས་ལ་ཞུགས་ཏེ་སྲོག་ཆགས་འབུམ་ཕྲག་དུ་མ་དག་གིས་བསྐོར་ཅིང་མཆིས་སོ། །རྒྱལ་པོ་གཟུགས་ཅན་སྙིང་པོས་དེ་ཐོས་ནས་དགེ་སློང་ཨུ་ཏྲ་ཡ་ན་ག་ལ་བ་དེར་སོང་སྟེ་ཕྱིན་ནས་དགེ་སློང་ཨུ་ཏྲ་ཡ་ན་ལ་ཚིགས་སུ་བཅད་པ་འདི་སྐད་ཅེས་སྨྲས་སོ། །མི་དབང་གྲོང་ཁྱེར་སྟོང་དང་
D3.008.0114b05.01ནི། །སྒྲ་སྒྲོགས་ཀྱང་ནི་སྤྱད་བྱས་ནས། །བོར་བའི་བསོད་སྙོམས་ཚོལ་བྱེད་པ། །ཇི་ལྟ་ཡོངས་སུ་མི་གདུང་ངམ། །གསེར་དང་དེ་བཞིན་དངུལ་གྱི་སྣོད། །སྲང་ཚད་བརྒྱ་པ་སྤྱད་བྱས་ནས། །ས་ཡི་ལྷུང་བཟེད་སྤྱོད་བྱེད་པ། །ཇི་ལྟ་ཡོངས་སུ་མི་གདུང་ངམ། །སཱ་ལུའི་འབྲས་ཆན་
D3.008.0114b06.01གཙང་མ་དག །ཤ་ཡིས་བརླན་པས་སྤྱད་བྱས་ནས། །ཟན་དྲོན་ཁེངས་པ་སྤྱོད་བྱེད་པ། །ཇི་ལྟ་ཡོངས་སུ་མི་གདུང་ངམ། །སྲིན་བལ་རས་བལ་ཟར་མ་དང་། །ཀོ་ཏམ་ཀ་ཤིའི་གོས་སྤངས་ནས། །ཕྱག་དར་ཁྲོད་དག་སྲེལ་བྱེད་པ། །ཇི་ལྟ་ཡོངས་སུ་མི་གདུང་ངམ། །
D3.008.0114b07.01