完整藏文原文 · 德格版页 当前仅加载第 8 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུལ་ངན་བྱུང་བའམ། ཆར་བབ་པའམ། ལྷགས་པ་བྱུང་བའི་ཚེ་དགེ་འདུན་ལ་འབྲས་ཆན་དག་གམ། སྐྱོ་མ་དག་གམ། ཐུག་པའི་བཏུང་བ་དག་བསྐྱལ་ཏེ། འདིས་འཕགས་པ་འདི་དག་ལུས་མི་རླན་པ་དང་། ཆོས་གོས་མི་གཤེར་བ་དང་། ལོངས་
D3.008.0144a01.01སྤྱད་ན་བདེ་བ་ལ་རེག་པར་འགྱུར་རོ་སྙམ་པས་འབུལ་བར་བྱེད་པ་འདི་ནི་སྐུལ་བྱེད་གང་དང་ལྡན་ན་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་
D3.008.0144a02.01པར་འཕེལ་བ་དང་། བསོད་ནམས་འབའ་ཞིག་ཉེ་བར་སྐྱེ་བ་རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་བདུན་པ་ཡིན་ནོ། །སྐུལ་བྱེད་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྫས་ལས་
D3.008.0144a03.01བྱུང་བའི་བསོད་ནམས་བྱ་བའི་གཞི་བདུན་པོ་འདི་དག་དང་ལྡན་པའི་བསོད་ནམས་སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུ་རྣམ་པར་སྨིན་པ་འདི་ཙམ་མོ་ཞེས་བསོད་ནམས་ཀྱི་ཚད་གཟུང་བར་མི་ནུས་ཏེ། འདི་ལྟར་བསོད་ནམས་མང་བའི་ཕྱིར་བསོད་
D3.008.0144a04.01ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོའོ། །སྐུལ་བྱེད་འདི་ལྟ་སྟེ་དཔེར་ན་གང་དུ་ཆུ་ཀླུང་ཆེན་པོ་ལྔ་པོ་འདི་ལྟ་སྟེ་གང་གཱ་དང་། ཡ་མུ་ན་དང་། ས་ར་ཡུ་དང་། གནས་ཅན་དང་། མ་ཧི་ཞེས་བྱ་བ་ཐ་མི་དད་པར་འབབ་པར་འགྱུར་བ་དེ་ལ་ནི་ཆུའམ། ཆུའི་བུམ་པའམ།
D3.008.0144a05.01ཆུའི་བུམ་པ་བརྒྱ་ཕྲག་གམ། ཆུའི་བུམ་པ་སྟོང་ཕྲག་གམ། ཆུའི་བུམ་པ་འབུམ་ཕྲག་འདི་སྙེད་ཡོད་དོ་ཞེས་ཆུའི་ཚད་གཟུང་བར་མི་ནུས་སོ། །སྐུལ་བྱེད་དེ་བཞིན་དུ་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་འདི་དག་དང་
D3.008.0144a06.01ལྡན་པའི་བསོད་ནམས་སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུ་རྣམ་པར་སྨིན་པ་ཡང་འདི་ཙམ་མོ་ཞེས་བསོད་ནམས་ཀྱི་ཚད་གཟུང་བར་མི་ནུས་ཏེ། འདི་ལྟར་བསོད་ནམས་མང་བའི་ཕྱིར་བསོད་ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོའོ། །དེ་སྐད་
D3.008.0144a07.01