完整藏文原文 · 德格版页 当前仅加载第 8 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་གི་དགེ་འདུན་ཟླ་བ་བཞིར་ཡོ་བྱད་ཐམས་ཅད་ཀྱིས་སྤྱན་འདྲེན་ན། གལ་ཏེ་སྤྱན་དྲང་བ་འདི་ལྟ་བུས་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲང་དུ་རུང་ན་ནི་ཉེ་{དགའས་,དགས་}ཀྱང་སངས་རྒྱས་ལ་སོགས་པ་དགེ་སློང་གི་དགེ་འདུན་ཇི་སྲིད་འཚོའི་བར་དུ་སྤྱན་འདྲེན་པར་སྤྲོའོ། །དེས་
D3.008.0004b01.01སྨྲས་པ། ཁྱེད་ཅག་ཟླ་བ་བཞིར་ཤ་དང་ཁུ་བ་ཤ་སྟག་ཟོས་པར་གྱུར་ཀྱང་འོན་ཀྱང་ཁྱེད་ཅག་སྨོད་པར་བྱེད་ན། གནས་བརྟན་གནས་བརྟན་གང་དག་གིས་ཟླ་བ་བཞིར་ཨ་རུ་ར་འབྲུམ་གཅིག་ཀྱང་མ་གསོལ་བ་དེ་དག་ནི་ཤིན་ཏུ་དཀའ་བ་བྱེད་པ་ཡིན་ནོ། །དགེ་སློང་དོན་ཉུང་ངུ་དག་ཅིའི་ཕྱིར་
D3.008.0004b02.01དགེ་སློང་དག་ཧ་ཅང་སློང་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་ཧ་ཅང་བསླང་བར་མི་བྱའོ། །དགེ་སློང་
D3.008.0004b03.01དག་སྔོན་བྱུང་བ་འདས་པའི་དུས་ན་གྲོང་མེད་པའི་དགོན་པའི་གནས་ཤིག་ན་དྲང་སྲོང་ཞིག་འདུག་སྟེ། དེའི་བསྟི་གནས་དེ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཉེན་ཀོར་ཕུན་སུམ་ཚོགས་པ་ཡིན་ནོ། །དེའི་བསྟི་གནས་དེ་དང་ཧ་ཅང་མི་རིང་བ་ན་རྫིང་ཆེན་པོ་ཞིག་
D3.008.0004b04.01ཡོད་པ་དེ་ན་ཀླུ་གཞོན་ནུ་ཞིག་འདུག་གོ། །གང་གི་ཚེ་དྲང་སྲོང་དེ་སྐྱིལ་མོ་ཀྲུང་གིས་འདུག་པ་དེའི་ཚེ་ན་ཀླུ་གཞོན་ནུ་དེ་རྫིང་ཆེན་པོ་དེ་ནས་བྱུང་ནས་ལུས་ཀྱིས་དྲང་སྲོང་དེའི་ལུས་ལ་ལན་བདུན་དཀྲིས་ཏེ་སྟེང་དུ་གདེངས་ཀ་ཆེན་པོ་བྱས་ཏེ་འདུག་གོ། །གང་གི་ཚེ་དྲང་སྲོང་དེ་ལངས་པར་གྱུར་པ་
D3.008.0004b05.01དེའི་ཚེ་ན་ཀླུ་གཞོན་ནུ་དེས་དྲང་སྲོང་དེའི་ལུས་ལ་ལུས་ཀྱིས་བཀྲོལ་ནས་དཔུང་རྒྱན་དང་། རྣ་ཆ་གདུབ་འཁོར་དང་། ཕྲེང་བ་རྒྱུ་སྣ་ཚོགས་ཀྱི་རྒྱན་དང་། བྱུག་པས་བརྒྱན་པར་གྱུར་ཏེ་ཐལ་མོ་སྦྱར་ནས་མདུན་དུ་འདུག་སྟེ། དྲང་སྲོང་དེ་ལ་ཡོ་བྱད་ཐམས་ཅད་ཀྱིས་སྟོབས་པར་བྱེད་དོ། །
D3.008.0004b06.01དྲང་སྲོང་དེ་ཀླུ་གཞོན་ནུ་དེའི་ལུས་ཀྱི་རེག་པས་སྐྱ་བོ་བསེང་བསེང་པོར་གྱུར་ཅིང་རིད་པ་དང་། ཉམ་ཆུང་བ་དང་། རྐེ་བ་དང་། ལུས་མ་ཐོབ་པར་གྱུར་ཏོ། །དུས་གཞན་ཞིག་ན་དྲང་སྲོང་གཞན་ཞིག་ལྗོངས་རྒྱུ་ཞིང་འགྲོ་བ་ན་དྲང་སྲོང་དེའི་བསྟི་གནས་སུ་ཕྱིན་ནས་དེས་དྲང་སྲོང་དེ་ལ་སྨྲས་པ། ཀྱེ་
D3.008.0004b07.01