完整藏文原文 · 德格版页 当前仅加载第 8 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
གི་ནང་ན་མི་དེ་འགའ་ཞིག་ལགས་སྙམ་བགྱིད་དོ། །ལག་བརྒྱུད་འདི་ཇི་སྙམ་དུ་སེམས། འདི་ལྟར་མི་དེ་ལྟ་བུའི་བདེ་བ་དང་། དེ་ལྟ་བུའི་ཡིད་དུ་འོང་བ་དང་ལྡན་པ་དེ་ལ་འདོད་པ་ལས་སྐྱེས་པའི་ཡོངས་སུ་གདུང་བ་དང་། ཞེ་སྡང་ལས་སྐྱེས་པ་དང་། གཏི་མུག་
D3.008.0161a01.01ལས་སྐྱེས་པའི་ཡོངས་སུ་གདུང་བ་དག་སྐྱེ་ཞིང་ཡོངས་སུ་གདུང་བ་དེ་དག་གིས་ཡོངས་སུ་གདུངས་པ་ན་མི་དེ་སྡུག་བསྔལ་བར་ཉལ་ཞིང་བདེ་བར་མི་ཉལ་བའི་འདོད་པ་ལས་སྐྱེས་པའི་ཡོངས་སུ་གདུང་བ་དང་། ཞེ་སྡང་དང་། གཏི་མུག་ལས་སྐྱེས་པའི་ཡོངས་སུ་གདུང་བ་དེ་དག་
D3.008.0161a02.01དེ་བཞིན་གཤེགས་པས་ཡོངས་སུ་མཁྱེན་ཅིང་རྩ་བ་ནས་བཅད་དེ་ཏ་ལའི་མགོ་བཞིན་དུ་མི་སྣང་བ་དང་། གཞི་མེད་པ་དང་། ཕྱིས་ཀྱང་མི་སྐྱེ་བའི་ཆོས་ཉིད་དུ་མཛད་པས་དེའི་ཕྱིར་ང་དེ་སྐད་ཅེས་འཇིག་རྟེན་ན་གང་དག་བདེ་བར་ཉལ་བ་དེ་དག་གི་ནང་ན་ཡང་འགའ་ཞིག་ཡིན་ནོ་
D3.008.0161a03.01ཞེས་ཟེར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་དག་བཀའ་སྩལ་པ། བྲམ་ཟེ་མྱ་ངན་ཡོངས་འདས་པ། །གང་ཞིག་འདོད་པས་མ་གོས་ཤིང་། །ཕུང་པོ་དག་ལས་རྣམ་གྲོལ་བ། །རྣམ་ཀུན་བདེ་བར་ཉལ་བ་ཡིན། །འདི་ལ་འདོད་པ་ཀུན་བཅད་
D3.008.0161a04.01ཅིང་། །སྙིང་གི་རིམས་ནད་བསལ་གྱུར་པ། །ཉེར་ཞི་ཞི་བ་ཐོབ་པ་ཡི། །སེམས་ཀྱིས་བདེ་བར་ཉལ་བ་ཡིན། །དེ་ནས་བཅོམ་ལྡན་འདས་ལག་བརྒྱུད་འབྲོག་གནས་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་
D3.008.0161a05.01མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་ཅིང་སངས་རྒྱས་བཅོམ་ལྡན་འདས་རྣམས་ཀྱི་དུས་སྔར་མཛད་པའི་ཆོས་དང་ལྡན་པའི་བཀའ་མཆིད་གང་ཡིན་པ་འདི་ལྟ་སྟེ། སྦྱིན་པའི་བཀའ་མཆིད་དང་། ཚུལ་ཁྲིམས་ཀྱི་བཀའ་མཆིད་
D3.008.0161a06.01དང་། མཐོ་རིས་ཀྱི་བཀའ་མཆིད་དང་། འདོད་པ་རྣམས་ཀྱི་རོ་མྱང་བའི་ཉེས་དམིགས་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་དང་། ངེས་པར་འབྱུང་བ་དང་། རབ་ཏུ་དབེན་པའི་ཕན་ཡོན་དང་། རྣམ་པར་བྱང་བའི་ཕྱོགས་དང་མཐུན་པའི་ཆོས་དག་རྒྱ་ཆེར་སྟོན་
D3.008.0161a07.01