完整藏文原文 · 德格版页 当前仅加载第 8 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུབ་པ་དེ་དག་ཀྱང་དང་པོ་ཁོ་ནར་སྔོ་བསངས་ཅན་ལ་འབུལ་བར་བྱེད་དོ། །བུད་མེད་ཀྱི་ཡུལ་ནི་ཕྲག་དོག་གི་རང་བཞིན་ཅན་ཡིན་པས་དཔེ་མེད་མས་བསམས་པ། རྒྱལ་པོ་འདི་བདག་དང་ལྷན་ཅིག་རྩེ་བ་དང་། དགའ་བ་དང་། དགའ་མགུར་སྤྱོད་པར་བྱེད་པ་ཉམས་སུ་མྱོང་བར་
D3.008.0188b01.01བྱེད་ལ། འདི་ལ་ལོ་ཏོག་སར་པ་དང་། འབྲས་བུ་སར་པ་དང་། དུས་ཚིགས་སར་པ་པ་གང་དག་འགྲུབ་པ་དེ་དག་ནི་དང་པོ་ཁོ་ནར་སྔོ་བསངས་ཅན་ལ་འབུལ་བར་བྱེད་པས་གང་གིས་སྔོ་བསངས་ཅན་འདི་གསད་པར་འགྱུར་བ་དེ་ལྟ་བུའི་ཐབས་ཀྱི་རྣམ་པ་ཞིག་བྱའོ་སྙམ་ནས། དེ་གསད་
D3.008.0188b02.01པའི་ཕྱིར་ཀླན་ཀ་ཚོལ་ཞིང་དེ་ལྷུར་ལེན་ཅིང་འདུག་གོ། །ཇི་ཙམ་དུས་གཞན་ཞིག་ན་བད་སའི་རྒྱལ་པོ་ཤར་པའི་རི་བྲགས་པ་ཞིག་ལོག་ནས། དེས་དེར་རུ་གཅིག་བཏང་ན་དེ་བཅོམ་ཞིང་རབ་ཏུ་བཅོམ་སྟེ་འོངས་སོ། །དེ་བཞིན་དུ་རུ་གཉིས་པ་དང་། གསུམ་པ་བཏང་ན་དེ་ཡང་བཅོམ་ཞིང་
D3.008.0188b03.01རབ་ཏུ་བཅོམ་སྟེ་འོངས་ནས། བློན་པོ་རྣམས་ཀྱིས་སྨྲས་པ། ལྷའི་དཔུང་ནི་ཉམས་ཤིང་རི་བྲགས་པའི་དཔུང་ནི་སྐྱེས་ཏེ། གལ་ཏེ་ལྷ་རང་ཉིད་མ་གཤེགས་ན་དེ་ཕེབས་དཀའ་བར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ། །དེས་ཀཽ་ཤཱམྦཱིར་དྲིལ་བསྒྲག་པ་
D3.008.0188b04.01བྱེད་དུ་བཅུག་སྟེ། ངའི་ཡུལ་ན་གང་དག་མཚོན་ཆས་འཚོ་བ་ཇི་སྙེད་འཁོད་པ་དེ་དག་ཐམས་ཅད་ཀྱིས་འདོང་བར་བྱའོ་ཞེས་བསྒོ་སྟེ་དེ་ནས་འཕགས་སོ། །རྒྱལ་པོས་སྦྱོར་བ་འཛིན་ལ་སྨྲས་པ། ཁྱོད་སྔོ་བསངས་ཅན་ལ་མཁོ་བ་སྟོབས་ཤིང་འདི་ཉིད་ན་འདུག་ཤིག །དེས་སྨྲས་པ།
D3.008.0188b05.01ལྷ་དེ་ལྟར་མི་རུང་སྟེ། བདག་ཀྱང་ལྷ་ཉིད་དང་ཐབས་ཅིག་མཆིའོ། །རྒྱལ་པོས་གདངས་ཅན་ལ་སྨྲས་པ། ཁྱོད་སྔོ་བསངས་ཅན་ལ་མཁོ་བ་སྟོབས་ཤིང་འདི་ཉིད་ན་འདུག་ཤིག །དེས་ཀྱང་སྨྲས་པ། ལྷ་དེ་ལྟར་མི་རུང་སྟེ། བདག་ཀྱང་ལྷ་ཉིད་དང་ཐབས་ཅིག་མཆིའོ། །རྒྱལ་
D3.008.0188b06.01པོས་མ་དུ་བཞག་སྟེ་སྨྲས་པ། ཁྱོད་སྔོ་བསངས་ཅན་ལ་མཁོ་བ་སྟོབས་ཤིང་འདི་ཉིད་ན་འདུག་ཤིག་ཅེས་བསྒོ་སྟེ་འཕགས་པ་དང་། དེས་ཀྱང་ཕྱི་བཞིན་སྐྱེལ་བཞིན་དུ་ལྷ་དེ་ལྟར་མི་རུང་སྟེ། བདག་ཀྱང་ལྷ་ཉིད་དང་ཐབས་ཅིག་མཆིའོ་ཞེས་ལན་གསུམ་གྱི་བར་དུ་གསོལ་ཀྱང་
D3.008.0188b07.01