完整藏文原文 · 德格版页 当前仅加载第 8 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་ཕུལ་གྱི་ཆོས་བསྟན་པ་གང་ཡིན་པ་འདི་ལྟ་སྟེ། འཕགས་པའི་བདེན་པ་བཞི་པོ་སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་དག་རྒྱ་ཆེར་སྟོན་པར་མཛད་དོ། །འདི་ལྟ་སྟེ་དཔེར་ན་གོས་དག་པ་ནག་ནོག་མེད་པ་ཁ་བསྒྱུར་དུ་རུང་བ།
D3.008.0140a01.01ཚོན་དུ་བཅུག་ན་ཚོན་ལེགས་པར་འཇེན་པར་འགྱུར་བ་དེ་བཞིན་དུ། ཁྱིམ་བདག་གདངས་ཅན་གྱིས་ཀྱང་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་མངོན་པར་རྟོགས་པར་གྱུར་
D3.008.0140a02.01ཏོ། །དེ་ནས་ཁྱིམ་བདག་གདངས་ཅན་ཆོས་མཐོང་བ་དང་། ཆོས་ཐོབ་པ་དང་། ཆོས་རིག་པ་དང་། ཆོས་ཀྱི་གཏིང་སླེབས་པ་དང་། སོམ་ཉི་ལས་རྒལ་བ་དང་། ཐེ་ཚོམ་ལས་རྒལ་བ་དང་། སྟོན་པའི་བསྟན་པ་ལ་གཞན་གྱི་དྲིང་མི་འཇོག་པ་དང་གཞན་གྱིས་མི་བཀྲི་ཞིང་
D3.008.0140a03.01ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ནི་མངོན་པར་ཞུགས་པ་ལགས་སོ། །བཙུན་པ་
D3.008.0140a04.01བདག་ནི་མངོན་པར་ཞུགས་པ་ལགས་ཏེ། བཙུན་པ་བདག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆི་ཡིས་བདག་དགེ་བསྙེན་དུ་གཟུང་དུ་གསོལ། དེང་སླན་ཅད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་མངོན་པར་དད་པས་སྐྱབས་སུ་མཆིའོ། །
D3.008.0140a05.01དེ་ནས་བཅོམ་ལྡན་འདས་ཀྱིས་ཁྱིམ་བདག་གདངས་ཅན་ལ་བཀའ་སྩལ་པ། ཁྱིམ་བདག་ཁྱོད་མིང་ཅི། བཙུན་པ་བདག་ནོར་{བཟངས་,བཟང་}ཞེས་བགྱི་བ་ལས་རྒྱལ་པོ་ཤར་པས་བདག་གདངས་ལས་འཚལ་བས་དེའི་སླད་དུ་བདག་སྐྱེ་བོ་དག་གིས་ཁྱིམ་བདག་གདངས་ཅན་ཞེས་བགྱི་
D3.008.0140a06.01བར་འཚལ་ཏོ། །བཅོམ་ལྡན་འདས་ཀཽ་ཤཱམྦཱིར་གཤེགས་པར་གསོལ། བདག་གིས་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལ་ཇི་སྲིད་འཚོའི་བར་དུ་ན་བཟའ་དང་། བསོད་སྙོམས་དང་། གནས་མལ་དང་། བསྙུང་བའི་རྐྱེན་དང་། སྨན་གྱི་ཡོ་བྱད་དག་
D3.008.0140a07.01