完整藏文原文 · 德格版页 当前仅加载第 8 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
གང་གི་ཕྱིར་བདག་ཡོངས་སུ་གནས་པ་བསྟེན་ཏེ། བཅོམ་ལྡན་འདས་ལ་བལྟ་བ་དང་། བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི་བདག་གི་ཚུལ་དང་མཐུན་པ་མ་ཡིན་གྱི། བདག་ཡོངས་སུ་གནས་པ་མ་བསྟེན་པ་ཁོ་ནར་བཅོམ་ལྡན་འདས་ལ་བལྟ་བ་དང་། བསྙེན་བཀུར་
D3.008.0162b01.01བྱ་བའི་ཕྱིར་ཉེ་བར་འགྲོའོ་སྙམ་མོ། །དེ་ནས་ལྷའི་བུ་ལག་བརྒྱུད་འབྲོག་གནས་འདི་ལྟ་སྟེ་དཔེར་ན་སྐྱེས་བུ་སྟོབས་དང་ལྡན་པའི་ལག་པ་བསྐུམས་པ་ལས་བརྐྱང་བའམ། བརྐྱང་བ་ལས་བསྐུམས་པ་ཙམ་གྱིས་མི་གདུང་བའི་ལྷའི་རིས་ནས་མི་སྣང་བར་གྱུར་ཏེ། བཅོམ་ལྡན་འདས་
D3.008.0162b02.01ཀྱི་སྤྱན་སྔར་འདུག་པ་དང་། འདི་ལྟར་ལྷའི་བུ་ལག་བརྒྱུད་འབྲོག་གནས་ཀྱི་ལུས་ས་ལ་མི་ཐོགས་ཤིང་ཐིམ་པར་གྱུར་ཏེ། འདི་ལྟ་སྟེ་དཔེར་ན་ཞུན་མར་རམ། འབྲུ་མར་བྱེ་མའམ། ཐལ་བའི་སྟེང་དུ་བླུགས་པ་མི་ཐོགས་ཤིང་ཐིམ་པར་འགྱུར་བ་བཞིན་ནོ། །དེ་ནས་བཅོམ་ལྡན་
D3.008.0162b03.01འདས་ཀྱིས་ལྷའི་བུ་ལག་བརྒྱུད་འབྲོག་གནས་ལ་བཀའ་སྩལ་པ། ལག་བརྒྱུད་རེ་ཞིག་ལུས་རགས་པར་མངོན་པར་སྤྲུལ་ལ་སའི་འདུ་ཤེས་བསྐྱེད་དེ། འདུག་པའི་མཚན་མ་ཡིད་ལ་གྱིས་ཤིག །དེ་ནས་ལྷའི་བུ་ལག་བརྒྱུད་འབྲོག་གནས་ཀྱིས་ལུས་རགས་པར་མངོན་པར་
D3.008.0162b04.01སྤྲུལ་ཏེ་སའི་འདུ་ཤེས་བསྐྱེད་ཅིང་འདུག་པའི་མཚན་མ་ཡིད་ལ་བྱས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་པ་དང་། འདི་ལྟར་ལྷའི་བུ་ལག་བརྒྱུད་འབྲོག་གནས་
D3.008.0162b05.01ཀྱི་ཁ་དོག་གི་མཐུས་འབྲོག་གི་ནགས་མཆོག་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །མཐའ་གཅིག་ཏུ་འདུག་ནས་བཅོམ་ལྡན་འདས་ཀྱིས་ལྷའི་བུ་ལག་བརྒྱུད་འབྲོག་གནས་ལ་འདི་སྐད་ཅེས་བཀའ་སྩལ་ཏོ། །ལྷའི་བུ་ཇི་ལྟར་ཁྱོད་སྔོན་མིར་གྱུར་པ་ན་ཆོས་གང་
D3.008.0162b06.01དག་བཏོན་ཅིང་ལོབས་པ་དེ་དག་ད་ལྟར་ལོབས་སམ། བཙུན་པ་བདག་སྔོན་མིར་གྱུར་པ་ན་ཆོས་གང་དག་བཏོན་ཅིང་ལོབས་པ་དེ་དག་ད་ལྟར་ཏེ་པོར་ལོབས་ཏེ། བཙུན་པ་བདག་སྔོན་མིར་གྱུར་པ་ན་ཆོས་གང་དག་བཏོན་ཅིང་མ་ལོབས་པ་དེ་དག་ཀྱང་ད་ལྟར་ལོབས་པར་གྱུར་
D3.008.0162b07.01