完整藏文原文 · 德格版页 当前仅加载第 8 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
མལ་དང་། བསྙུང་བའི་རྐྱེན་དང་། སྨན་གྱི་ཡོ་བྱད་དག་བཞེས་པར་ཅི་གནང་། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི་གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས་བྲམ་ཟེ་གཞན་དག་ལ་ཡང་ཕན་པ་བྱ་དགོས་སོ་ཞེས་སྨྲས་ཏེ་དང་དུ་མ་བླངས་
D3.008.0057a01.01སོ། །དེ་ན་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་དགུ་པ་གཉི་ག་ནས་བཏུལ་ཅིང་བཞག་གོ།། །།འདུལ་བ་རྣམ་པར་འབྱེད་པ། བམ་པོ་དྲུག་བཅུ་རྩ་བདུན་པ། ཚེ་དང་ལྡན་པ་འཆར་ཀས་བསམས་པ། གང་གདུལ་བའི་དུས་ཡིན་སྙམ་ན། མཉན་ཡོད་
D3.008.0057a02.01ན་བྲམ་ཟེ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལ་བུ་ཞིག་བྱུང་ནས་དེ་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །དེའི་ཆུང་མ་དེ་གཏུམ་པ། བརླང་བ། རྩུབ་པ། རྒྱ་བ། གཤེ་བ། སྤྱོ་བ་
D3.008.0057a03.01ཞིག་ཡིན་པས་རྟག་ཏུ་ངོས་ཀྱི་སྡུམ་ཚེས་དག་དང་ལྷན་ཅིག་འཐབ་ཀྲོལ་བྱེད་ནས། དེའི་མིང་གཏུམ་མོ་གཏུམ་མོ་ཞེས་བྱ་བར་གྱུར་ཏོ། །དུས་གཞན་ཞིག་ན་མཉན་ཡོད་དུ་དུས་སྟོན་བྱུང་ནས་བྲམ་ཟེ་དེས་བུ་ལ་སྨྲས་པ། བུ་ཁྱོད་ཀྱི་མ་འདི་གཏུམ་པས་གཞན་དག་དང་ལྷན་ཅིག་འཐབ་ཀྲོལ་
D3.008.0057a04.01བྱེད་པས། བདག་ཅག་ཁྲི་མོན་དུ་བཅུག་པས་འཆི་བར་བྱ་དགོས་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱིས། རེ་ཞིག་དུས་སྟོན་ཐལ་གྱི་བར་དུ་རི་བྲགས་གཞན་དུ་འདོང་ཞིང་འཁོད་ལ། དེའི་འོག་ཏུ་ཕྱིར་འོང་བར་བྱས། ཁྱོད་སོང་ལ་མ་ལ་དྲིས་ཤིག །བུ་དེས་མ་ལ་སྨྲས་པ།
D3.008.0057a05.01ཡུམ་བདག་བགྱི་བ་ཆུང་ཞིག་གི་སླད་དུ་རི་བྲགས་ག་གེ་མོ་ཞིག་ཏུ་མཆིའོ། །གཏུམ་མོས་སྨྲས་པ། གང་དུ་ཁོ་མོའི་དང་པོའི་གོས་སོང་བ་དེར་སོང་ཤིག །བྲམ་ཟེས་ཀྱང་སྨྲས་པ། ཁོ་བོ་ཡང་འགྲོའོ། །གཏུམ་མོས་སྨྲས་པ། གང་ནས་ཡང་ཕྱིར་མི་འོང་བ་དེར་སོང་ཤིག །དེ་གཉིས་
D3.008.0057a06.01དོང་བ་དང་། གཏུམ་མོས་བུ་མོ་མངག་གཞུག་མ་ལ་སྨྲས་པ། བུ་མོ་ཁུར་སླང་ཚུགས་ཤིག་དང་། ཇེ་སྣོག་ཟན་བྱའོ། །དེས་ཁུར་སླང་བཙུགས་ཏེ་ཁུར་བ་དག་བྱ་བར་བརྩམས་པ་དང་། ཚེ་དང་ལྡན་པ་འཆར་ཀས་བསམས་པ། གཏུམ་མོ་དེ་གདུལ་བའི་དུས་ཡིན་ནོ་སྙམ་ནས་
D3.008.0057a07.01