完整藏文原文 · 德格版页 当前仅加载第 8 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ་ལགས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་མི་སྙན་སྨྲ་ལ་འཚོ་བ་བྱིན་ཅིག །དེ་དག་གིས་སྨྲས་པ། ལྷ་གལ་ཏེ་ན་ལྷས་མི་སྙན་པ་གསན་པར་འགྱུར་ཡང་གདའ་བས་འདི་ལ་འཚོ་བ་མི་སྩལ་ཏོ། །རྒྱལ་པོས་སྨྲས་པ།
D3.008.0187a01.01ཤེས་ལྡན་དག་རྒྱལ་པོའི་བྱ་བ་དག་ནི་རྒྱ་ཆེས་བྱིན་ཅིག །དེ་དག་གིས་དེ་ལ་ཡང་འཚོ་བ་བྱིན་ནོ། །ཇི་ཙམ་དུས་གཞན་ཞིག་ན་བད་སའི་རྒྱལ་པོ་ཤར་པ་བཙུན་མོ་སྔོ་བསངས་ཅན་དང་། དཔེ་མེད་མ་དང་ལྷན་ཅིག་འདུག་པ་ན་དེ་ན་རྒྱལ་པོ་སྦྲིད་པ་བྱུང་བ་དང་། སྔོ་བསངས་ཅན་
D3.008.0187a02.01གྱིས་སངས་རྒྱས་ལ་ཕྱག་འཚལ་ལོ་ཞེས་སྨྲས་པ་དང་། དཔེ་མེད་མས་ལྷ་ལ་ཕྱག་འཚལ་ལོ་ཞེས་བྱས་ཏེ་སྨྲས་པ། ལྷ་སྔོ་བསངས་ཅན་ལྷའི་འཚལ་མ་འཚལ་ཞིང་དགེ་སྦྱོང་གཽ་ཏ་མ་ལ་ཕྱག་འཚལ་བ་ལ་གཟིགས། རྒྱལ་པོས་སྨྲས་པ། དཔེ་མེད་མ་འདི་ལ་ཉེས་པ་
D3.008.0187a03.01མེད་དེ། སྔོ་བསངས་ཅན་དགེ་བསྙེན་མ་ཡིན་པས་ལོས་ཀྱང་དགེ་སྦྱོང་གཽ་ཏ་མ་ལ་ཕྱག་འཚལ་མོད། དེ་ཅང་མི་སྨྲ་བར་འདུག་གོ། །དེས་བུ་མོ་མངག་གཞུག་མ་ལ་སྨྲས་པ། བུ་མོ་གང་གི་ཚེ་ལྷ་སྔོ་བསངས་ཅན་དང་། ཁོ་མོ་དང་ལྷན་ཅིག་དབེན་པ་ན་བཞུགས་པ་དེའི་ཚེ་
D3.008.0187a04.01ན་ཁྱོད་ཀྱིས་ཐེམ་སྐས་ནས་ཁར་ཕོར་རྦབ་ཏུ་ཐོང་ཤིག །དེས་ཇོ་མོ་བཀའ་བཞིན་འཚལ་ཞེས་གང་གི་ཚེ་དེ་དག་ལྷན་ཅིག་འདུག་པ་དེའི་ཚེ་ན་ཐེམ་སྐས་ནས་ཁར་ཕོར་རྦབ་ཏུ་བཏང་བ་ན། སྔོ་བསངས་ཅན་གྱིས་སངས་རྒྱས་ལ་ཕྱག་འཚལ་ལོ་ཞེས་སྨྲས་པ་དང་། དཔེ་མེད་མས་
D3.008.0187a05.01ལྷ་ལ་ཕྱག་འཚལ་ལོ་ཞེས་བྱས་ཏེ་སྨྲས་པ། ལྷ་སྔོ་བསངས་ཅན་ལྷའི་འཚལ་མ་འཚལ་ཞིང་དགེ་སྦྱོང་གཽ་ཏ་མ་ལ་ཕྱག་འཚལ་བ་ལ་གཟིགས། རྒྱལ་པོས་སྨྲས་པ། དཔེ་མེད་མ་ཐོང་ཤིག །ཉེས་རྩོམ་མ་བྱེད་ཅིག །འདི་ལ་ཉེས་པ་མེད་དེ། སྔོ་བསངས་ཅན་དགེ་བསྙེན་
D3.008.0187a06.01མ་ཡིན་པས་ལོས་ཀྱང་དགེ་སྦྱོང་གཽ་ཏ་མ་ལ་ཕྱག་འཚལ། དེ་ཅང་མི་སྨྲ་བར་འདུག་གོ། །རྒྱལ་པོ་ཤར་པ་ཉི་མ་གཅིག་ནི་སྔོ་བསངས་ཅན་གྱི་གན་དུ་ཟན་ཟ་ལ། ཉི་མ་གཉིས་པ་ལ་ནི་དཔེ་མེད་མའི་གན་དུ་ཟན་ཟའོ། །དཔེ་མེད་མས་བྱ་པ་ལ་བསྒོ་བ། གང་གི་ཉིན་མོ་ལྷ་སྔོ་
D3.008.0187a07.01