完整藏文原文 · 德格版页 当前仅加载第 8 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
བྲོ་མ་འཚལ། །དེ་ལ་ཕས་ཀྱི་སྡོ་བ་མ་མཆིས་ཏེ། །རྒྱལ་སྲིད་རྟག་ཏུ་ཆོས་མ་ལགས་པས་བགྱིད། །དེ་ནས་ཚེ་དང་ལྡན་པ་ཨུ་ཏྲ་ཡ་ནས་མཐར་གྱིས་དྲི་བར་བརྩམས་པས། དེ་ན་བློན་པོ་གང་ནི་གཙོ་བོ་ཡིན། །གང་ནི་གཙོ་བོ་མ་ཡིན། གང་གི་དབང་གིས་ནི་
D3.008.0117a01.01གཙུག་པུད་ཅན་ཡུལ་གྱི་མི་དག་ལ་གནོད་པ་བྱེད། དེས་སྨྲས་པ། ལྷ་བློན་པོའི་མཆོག་ཧེ་རུ་ཀ་དང་བྷི་རུ་ཀ་གཉིས་ཀྱི་སྒོ་ནི་བཟློག །སྐྱོན་ཆགས་པ་གཞན་གཉིས་ཤིག་ནི་བློན་པོར་བསྐོས་ཏེ། དེ་གཉིས་ཀྱི་དབང་གིས་གཙུག་པུད་ཅན་ཡུལ་གྱི་མི་དག་ལ་གནོད་པ་བགྱིད་དོ། །
D3.008.0117a02.01ཨུ་ཏྲ་ཡ་ནས་སྨྲས་པ། ཀྭའི་ནང་རྗེ་ཁྱོད་སོང་ལ་སྒྲ་སྒྲོགས་ན་གནས་པའི་སྐྱེ་བོའི་ཚོགས་ལེགས་པར་དབུགས་ཕྱུང་ཤིག་དང་། ཡང་དེར་བཟློག་ཏུ་འོང་སྟེ། ང་ཉིད་ཀྱིས་གཙུག་པུད་ཅན་ཅི་ནས་ཀྱང་ཡུལ་གྱི་མི་རྣམས་ལ་གནོད་པ་མི་བྱེད་པ་དེ་ལྟར་གནོད་པ་ལས་བཟློག་པར་
D3.008.0117a03.01བྱ་ཞིང་ཕན་པ་ལ་ངེས་པར་སྦྱར་བར་བྱའོ། །ཚོང་པ་དེས་ཟོང་བསྒྱུར་ཏེ་ཟོང་རིན་ཁྱེར་ནས་འཕགས་ཏེ་མཐར་གྱིས་སྒྲ་སྒྲོགས་སུ་ཕྱིན་ནས་དེས་ཉེ་དུ་རྣམས་ལ་གསང་སྟེ་སྨྲས་པ། ཤེས་ལྡན་དག་ཁོ་བོས་ཟོང་ཐོགས་ཏེ་རྒྱལ་པོའི་ཁབ་ཏུ་སོན་ནས་ཁོ་བོས་དེར་རྒྱལ་པོ་བགྲེས་པོ་མཐོང་
D3.008.0117a04.01ནས། དེའི་ཞལ་ནས་ཀྭའི་ནང་རྗེ་ཁྱོད་སོང་ལ་སྒྲ་སྒྲོགས་ན་གནས་པའི་སྐྱེ་བོའི་ཚོགས་ལེགས་པར་དབུགས་ཕྱུང་ཤིག་དང་། ཡང་དེར་བཟློག་ཏུ་འོང་སྟེ། ང་ཉིད་ཀྱིས་གཙུག་པུད་ཅན་ཅི་ནས་ཀྱང་ཡུལ་གྱི་མི་རྣམས་ལ་གནོད་པ་མི་བྱེད་པ་དེ་ལྟར་གནོད་པ་ལས་བཟློག་པར་བྱ་ཞིང་ཕན་
D3.008.0117a05.01པ་ལ་ངེས་པར་སྦྱར་བར་བྱའོ་ཞེས་བྱུང་ངོ་། །དེ་དག་གིས་ཀྱང་གཞན་དག་ལ་བརྗོད་ཅིང་དེ་དག་གིས་ཀྱང་གཞན་དག་ལ་བརྗོད་པས་དེ་ལྟར་སྒྲ་དེ་རྣ་བ་གཅིག་ནས་གཅིག་ཏུ་བརྒྱུད་པས་བློན་པོ་སྐྱོན་ཆགས་པ་དེ་གཉིས་ཀྱི་རྣར་སོན་ནས་དེ་གཉིས་ཀྱིས་བསམས་པ། གལ་ཏེ་རྒྱལ་
D3.008.0117a06.01པོ་རྒན་པོ་འོང་བར་གྱུར་ན་དེས་གདོན་མི་ཟ་བར་ཧེ་རུ་ཀ་དང་། བྷི་རུ་ཀ་གཉིས་ཡང་བློན་པོའི་མཆོག་ཏུ་སྐོ་ཞིང་བདག་ཅག་གཉིས་ལ་གནོད་པ་བྱེད་པར་འགྱུར་གྱིས། དེའི་ཕྱིར་གང་གིས་དེ་ལམ་ཀར་གསོད་དུ་འཇུག་པར་འགྱུར་བའི་ཐབས་ཀྱི་རྣམ་པ་ཞིག་བྱའོ་སྙམ་ནས་དེ་གཉིས་ཀྱིས་
D3.008.0117a07.01