'dul ba rnam par 'byed pa/
当前为德格木刻版 156a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 156a
- 可引用原文
- 7 行
- 全文规模
- 全经 15555 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 8 函 · 德格 156a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཞུས་ཤིག །དེ་ནས་འབྲོག་གནས་ཀྱིས་དེའི་ཚེ་ཚིགས་སུ་བཅད་པ་གསོལ་པ།། །།བར་སྡོམ་ལ། གང་དང་ཇི་ལྟར་དུ་དང་ནི། །གང་ཞིག་རྒལ་དང་ཅི་ཡིས་རྒལ། །འདི་ན་སྐྱེས་བུའི་ནོར་མཆོག་གང་། །ཅི་ཞིག་ལེགས་སྤྱད་བདེ་སྤྱོད་འགྱུར། །རོ་རྣམས་ནང་ན་མངར་མཆོག་ཅི། །ཇི་ལྟར་འཚོ་ན་འཚོ་མཆོག་བསྟན། །བཅོམ་ལྡན་འདས་ཀྱིས་བཀའ་སྩལ་པ། དད་པ་སྐྱེས་བུའི་ནོར་མཆོག་ཡིན། །ཆོས་ལ་ལེགས་སྤྱོད་བདེ་སྤྱོད་འགྱུར། །བདེན་པའི་རོ་རྣམས་མངར་མཆོག་ཡིན། །ཤེས་པས་འཚོ་ན་འཚོ་
མཆོག་བསྟན། །གནོད་སྦྱིན་གྱིས་གསོལ་པ། ཇི་ལྟར་གྲགས་དང་ལྡན་པར་འགྱུར། །ལོངས་སྤྱོད་ལྡན་པར་ཇི་ལྟར་འགྱུར། །ཇི་ལྟར་སྙན་པ་ཐོབ་འགྱུར་ཞིང་། །མཛའ་བཤེས་ཇི་ལྟར་རྙེད་པར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། ཚུལ་ཁྲིམས་ཀྱིས་ནི་གྲགས་ལྡན་འགྱུར། །སྦྱིན་པས་ལོངས་སྤྱོད་ལྡན་པར་འགྱུར། །བདེན་པས་སྙན་པ་ཐོབ་འགྱུར་ཏེ། །སྙིང་རྗེས་མཛའ་བཤེས་རྙེད་པར་འགྱུར། །གནོད་སྦྱིན་གྱིས་གསོལ་པ། དུ་ཞིག་གིས་ནི་འཇིག་རྟེན་འབྱུང་། །དུ་ཡིས་འདྲིས་པ་ཐོབ་པར་འགྱུར། །དུ་
ཞིག་གིས་ནི་འཇིག་རྟེན་བཀུར། །དུ་ཡིས་འཇིག་རྟེན་ཟིལ་གནོན་འགྱུར། །བཅོམ་ལྡན་འདས་ཀྱིས་བཀའ་སྩལ་པ། དྲུག་གིས་འཇིག་རྟེན་འབྱུང་འགྱུར་ཏེ། །དྲུག་གིས་འདྲིས་པ་ཐོབ་པར་འགྱུར། །དྲུག་གིས་འཇིག་རྟེན་བཀུར་འགྱུར་ཏེ། །དྲུག་གིས་འཇིག་རྟེན་ཟིལ་གནོན་འགྱུར། །གནོད་སྦྱིན་གྱིས་གསོལ་པ། གདུགས་མཚན་གཡེལ་བ་མ་མཆིས་པ། །གང་ཞིག་འོང་བ་འདི་ལས་རྒལ། །དམིགས་མེད་རྟེན་པ་མ་མཆིས་པ། །ཟབ་མོར་གང་ཞིག་འབྱེད་མི་འགྱུར། །བཅོམ་ལྡན་འདས་ཀྱིས་བཀའ་སྩལ་པ། རྣམ་ཀུན་
ཚུལ་ཁྲིམས་ལྡན་པ་དང་། །ལེགས་མཉམ་བཞག་ཅིང་ཤེས་རབ་ལྡན། །ནང་དུ་སེམས་ཤིང་དྲན་ལྡན་པ། །ཤིན་ཏུ་རྒལ་དཀའ་འདི་ལས་རྒལ། །འདོད་པའི་འདུ་ཤེས་ཆགས་བྲལ་ཞིང་། །གཟུགས་ཀྱི་ཀུན་སྦྱོར་མཐར་གྱུར་པ། །དེ་ནི་དམིགས་མེད་རྟེན་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D3
- 德格版页
- 156a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0003 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。