完整藏文原文 · 德格版页 当前仅加载第 8 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
ཞལ་ཟས་གང་དུ་བརྟག་པར་བྱ། བྲམ་ཟེ་དེས་སྨྲས་པ། ཁྱིམ་བདག་མགོན་མེད་ཟས་སྦྱིན་གྱི་སྡུམ་པར་རོ། །བཅོམ་ལྡན་འདས་ཀྱིས་གང་གི་ངོར་མགྲོན་དུ་བོས་པ་དེས། དུས་སྔར་འགྲོ་བར་བྱ་ཞིང་མ་ཟིན་པ་དག་ཟིན་པར་བྱའོ་ཞེས་བཀའ་སྩལ་པས། ཚེ་དང་ལྡན་པ་
D3.008.0048b01.01འཆར་ཀ་ནང་པར་སྔར་ལངས་ཏེ་འཕགས་པ་དང་། ཁྱིམ་བདག་མགོན་མེད་ཟས་སྦྱིན་གྱིས་ལམ་ཀར་དེ་མཐོང་ནས་སྨྲས་པ། བཙུན་པ་འཆར་ཀ་གར་བཞུད། དེས་སྨྲས་པ། བྲམ་ཟེ་ཞིག་གིས་བདག་ལས་བརྟེན་ཏེ། སངས་རྒྱས་ལ་སོགས་པ་དགེ་སློང་གི་དགེ་
D3.008.0048b02.01འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པས་དེར་འགྲོའོ། །ཁྱིམ་བདག་གིས་སྨྲས་པ། བྲམ་ཟེ་དེ་ནི་མ་དད་པ་ལགས་ཀྱིས། སངས་རྒྱས་ལ་སོགས་པ་དགེ་སློང་གི་དགེ་འདུན་གྱི་གདུགས་ཚོད་བཅད་པར་གྱུར་ན་མི་རུང་གིས་བདག་ཀྱང་མཆིའོ། །དེ་གཉིས་དེར་
D3.008.0048b03.01དོང་བ་དང་། ཇི་ཙམ་ན་བྲམ་ཟེ་དེ་སྙིང་ལས་ཆུང་ངུར་འདུག་ནས། ཁྱིམ་བདག་མགོན་མེད་ཟས་སྦྱིན་གྱིས་དེ་ལ་སྨྲས་པ། བྲམ་ཟེ་ཁྱོད་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ན། ཅིའི་ཕྱིར་སྙིང་ལས་ཆུང་ངུར་
D3.008.0048b04.01འདུག །ཞལ་ཟས་སྟ་གོན་བྱེད་ན་ཅི་ཉེས། བྲམ་ཟེ་དེས་སྨྲས་པ། ཁོ་བོས་བྲམ་ཟེ་རིག་བྱེད་གསུམ་དང་ལྡན་པ་དག་མ་མཐོང་ངམ་ཅི་ན། དགེ་སྦྱོང་མགོ་རེག་དག་ལ་སྦྱིན་པར་བྱེད། ཁྱོད་བདག་གི་ཁྱིམ་དུ་ཟན་ཟོ་ཞིག །ཁྱིམ་བདག་གིས་སྨྲས་པ། བྲམ་
D3.008.0048b05.01ཟེ་ཅི་ཁོ་བོ་ལ་འབྱོར་པ་མེད་སྙམ་མམ། ཁོ་བོས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཇི་སྲིད་འཚོའི་བར་དུ་བསོད་སྙོམས་དང་། ན་བཟའ་དང་། གནས་མལ་དང་། བསྙུང་བའི་རྐྱེན་དང་། སྨན་གྱི་ཡོ་བྱད་དག་གིས་བསྙེན་བཀུར་བྱེད་པར་ཡང་སྤྲོ་མོད་
D3.008.0048b06.01ཀྱི། འོན་ཀྱང་ཁོ་བོ་ཁྱོད་ལ་ཕན་གདགས་པའི་ཕྱིར་སྨྲས། ཁྱེད་སྙིང་ལས་ཆུང་ངུར་མ་འདུག་པར་ཞལ་ཟས་སྟ་གོན་གྱིས་ཤིག །འདི་ལྟར་སངས་རྒྱས་ལ་སོགས་པ་དགེ་སློང་གི་དགེ་འདུན་ནི་ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང་། བཙུན་མོ་ཕྲེང་ལྡན་མ་
D3.008.0048b07.01