完整藏文原文 · 德格版页 当前仅加载第 8 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུ་དང་བཅས་པ་ལགས་ཏེ། དེ་ལྟར་ན་མཁན་པོས་དོན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་པར་གྱུར་ཏོ། །བྲམ་ཟེ་དེས་སྨྲས་པ། ཁོ་བོས་བྲམ་ཟེ་རིག་བྱེད་གསུམ་དང་ལྡན་པ་དག་མ་མཐོང་ངམ། ཅི་ན་གང་གི་ཕྱིར། དགེ་
D3.008.0048a01.01སྦྱོང་མགོ་རེག་དག་ལ་སྦྱིན་པར་བྱེད། དེས་སྨྲས་པ། དགེ་སྦྱོང་དེས་དེང་མཁན་པོའི་མཚན་གྱིས་སངས་རྒྱས་ལ་སོགས་པ། དགེ་སློང་གི་དགེ་འདུན་སང་མཁན་པོའི་སྡུམ་པར་སྤྱན་འདྲེན་པར་བགྱིད་དོ། །བྲམ་ཟེས་སྨྲས་པ། ཅིའི་ཕྱིར་དེ་དེ་ལྟར་བྱེད། དེས་སྨྲས་
D3.008.0048a02.01པ། མཁན་པོ་གལ་ཏེ་བདག་ལ་ཐུགས་མི་ཆེས་ན། བྲམ་ཟེའི་ཁྱེའུ་ཞིག་རྟོག་ཏུ་གཏང་དུ་གསོལ། དེས་བྲམ་ཟེའི་ཁྱེའུ་ཞིག་རྟོག་ཏུ་བཏང་བ་དང་། ཇི་ཙམ་ན་ཚེ་དང་ལྡན་པ་འཆར་ཀས་སངས་རྒྱས་ལ་སོགས་པ་དགེ་སློང་གི་དགེ་འདུན་ཚོགས་པ་ན། རྒན་པའི་
D3.008.0048a03.01མཐའ་ལོགས་སུ་འདུག་སྟེ། བྲམ་ཟེ་ཆེ་གེ་མོ་ཞིག་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་འདྲེན་ནོ་ཞེས། བྲམ་ཟེ་དེའི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་སྤྱན་དྲངས་པ་དེས་ཐོས་སོ། །བྲམ་
D3.008.0048a04.01ཟེའི་ཁྱེའུ་དེས་དེ་ཐོས་ནས་ཕྱིར་འོངས་ཏེ། བྲམ་ཟེ་དེ་ལ་སྨྲས་པ། མཁན་པོ་དེ་བཞིན་ཏེ། བཙུན་པ་འཆར་ཀས་མཁན་པོའི་མཚན་གྱིས་སངས་རྒྱས་ལ་སོགས་པ། དགེ་སློང་གི་དགེ་འདུན་སང་མཁན་པོའི་སྡུམ་པར་སྤྱན་དྲངས་ཀྱིས། ཞལ་ཟས་སྟ་གོན་བགྱིད་
D3.008.0048a05.01དུ་སྩོལ་ཅིག །དེས་སྨྲས་པ། ཁོ་བོས་བྲམ་ཟེ་རིག་བྱེད་གསུམ་དང་ལྡན་པ་དག་མ་མཐོང་ངམ་ཅི་ན། གང་གི་ཕྱིར་དགེ་སྦྱོང་མགོ་རེག་དག་ལ་སྦྱིན་པར་བྱེད། དེ་དག་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་ཟ་བར་འགྱུར་གྲང་། ཇི་ཙམ་དེ་ནང་པར་ལངས་པ་
D3.008.0048a06.01དང་། དགེ་སློང་ཆུའི་གཙང་སྦྱོར་དག་བྲམ་ཟེ་དེའི་ཁྱིམ་དུ་ལྷགས་ཏེ་སྨྲས་པ། བྲམ་ཟེ་ཆུ་གང་དུ་གཞག་པར་བྱ། བྲམ་ཟེ་དེས་སྨྲས་པ། ཁྱིམ་བདག་མགོན་མེད་ཟས་སྦྱིན་གྱི་སྡུམ་པར་རོ། །དེ་བཞིན་དུ་བཤོས་ཀྱི་གཙང་སྦྱོར་དག་ལྷགས་ཏེ་སྨྲས་པ། བྲམ་ཟེ་
D3.008.0048a07.01