完整藏文原文 · 德格版页 当前仅加载第 8 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱགས་པ་དང་། རིགས་ཀྱི་རྒྱགས་པ་དང་། དབང་ཕྱུག་གི་རྒྱགས་པས་རྒྱགས་ནས་ཚིག་ཀྱང་མི་སྟེར་རོ། །ཚེ་དང་ལྡན་པ་འཆར་ཀས་དེའི་སྔོན་གྱི་ལས་ཟད་པ་ལས་བསམས་ནས་ཚིགས་སུ་བཅད་པ་སྨྲས་པ། སྲིང་མོ་རྙིང་པ་ཟད་བྱེད་ཅིང་། །སར་པ་{ཆུང་ཟད་,ཅུང་ཟད་}སྐྱེད་མི་བྱེད། །བག་མེད་
D3.008.0052b01.01བརྒྱན་པ་མཐོང་ནས་ནི། །མཆི་མས་བརྣངས་པའི་བཞིན་གྱིས་ངུ་། །ཞེས་སྨྲས་ཏེ་སོང་ངོ་། །བྲམ་ཟེ་མོ་དེ་འདིས་བདག་སྤྱོས་སོ་ཞེས་གཤེ་ཞིང་དེས་གོས་དྲི་མ་ཅན་གྱོན་ཏེ་ཁྲི་ཞིགས་པའི་སྟེང་དུ་ཉལ་ཏེ་འདུག་གོ། །བྲམ་ཟེ་དེ་འོངས་པ་དང་། དེས་དེ་མཐོང་ནས་སྨྲས་པ། བྲམ་ཟེ་མོ་
D3.008.0052b02.01འདི་ཅི་ཉེས། བྲམ་ཟེ་མོས་གཤེས་ཏེ་སྨྲས་པ། གལ་ཏེ་ཁྱོད་ལ་གང་སྒོ་ན་འགྲེང་བའི་མི་གཅིག་ལ་ཡང་བཟའ་བ་དང་། བགོ་བ་སྦྱིན་པའི་འབྱོར་པ་མེད་ན་ཁྱོད་ལ་ཁྱིམ་མི་མོ་བླངས་པས་ཅི་བྱ། དགེ་སྦྱོང་འཆར་ཀ་གང་ཡིན་པ་དེས་ཁོ་མོ་སྤྱོས་སོ། །བྲམ་ཟེས་སྨྲས་པ། བཟང་མོ་དེ་
D3.008.0052b03.01ནི་བྲམ་ཟེ་མདུན་ན་འདོན་གྱི་བུ་ལས་རབ་ཏུ་བྱུང་བ་ཡིན་གྱིས་དེ་ལ་བཟོད་པར་གྱིས་ཤིག །བྲམ་ཟེ་མོས་སྨྲས་པ། གལ་ཏེ་དེ་གསོན་ན་ཁོ་མོ་མི་གསོན་ནོ། །བྲམ་ཟེས་སྨྲས་པ། བཟང་མོ་དེ་ནི་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཆུང་པོ་གྲོགས། བཙུན་མོ་ཕྲེང་ལྡན་མའི་སློབ་
D3.008.0052b04.01དཔོན་ཡིན་ཏེ། དེ་དག་གིས་རྒྱལ་པོ་ལས་གཞོན་ནུའི་ཡོངས་སུ་སྤང་བ་ཐོབ་པས། གལ་ཏེ་བདག་གིས་དེ་ལ་སྡུག་བསྔལ་ཅུང་ཟད་བསྐྱེད་པར་གྱུར་ན། བདག་ཅག་རྒྱལ་པོས་ཕྱག་སྦལ་དུ་བཅུག་པས་འཆི་བར་བྱ་དགོས་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱིས་བཟོད་པར་
D3.008.0052b05.01གྱིས་ཤིག །བྲམ་ཟེ་མོས་སྨྲས་པ། བྲམ་ཟེ་མང་དུ་སྨྲས་ཏེ་ཅི་རུང་། གལ་ཏེ་དེ་གསོན་ན་ཁོ་མོ་མི་གསོན་ནོ། །འདོད་པ་སྟེན་པས་ནི་སྡིག་པའི་ལས་མི་བྱ་བ་ཅི་ཡང་མེད་པས་བྲམ་ཟེ་དེ་རལ་གྲི་མཆན་དུ་བཅུག་སྟེ་འཕགས་པ་དང་། ཚེ་དང་ལྡན་པ་འཆར་ཀས་ཐག་རིང་པོ་ཁོ་ན་
D3.008.0052b06.01ནས་དེ་མཐོང་ན། དེ་སེམས་ཇི་ལྟ་བུས་འོང་སྙམ་ན། ཇི་ཙམ་ན་གསོད་པའི་སེམས་ཀྱིས་འོང་བར་མཐོང་ནས། ཚེ་དང་ལྡན་པ་འཆར་ཀས་ལོ་མ་མ་ཡིན་པའི་སྤྱིལ་བུ་མངོན་པར་སྤྲུལ་ནས་དེར་ཞུགས་ཏེ་འདུག་གོ། །བྲམ་ཟེ་དེས་སྨྲས་པ། བཙུན་པ་འཆར་ཀ་སྒོ་ཕྱེ་ཤིག །ཚེ་
D3.008.0052b07.01