完整藏文原文 · 德格版页 当前仅加载第 8 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པ། །རྩ་ལག་དུང་ལྟར་དཀར་འཛུམ་སྟོན་མི་མཛད། །དེ་སླད་བརྟེན་པ་རང་བློས་དུས་མཁྱེན་ནས། །ཐུབ་པ་ཁྱུ་མཆོག་དགེ་སྦྱོང་སྐྱེ་དབང་པོ། །ཉན་པའི་སྐྱེ་བོ་སོམ་ཉི་ལྡན་རྣམས་ལ། །ཐེ་ཚོམ་སྐྱེས་པ་གསུང་ཚིག་བརྟན་པ་དང་། །དམ་པ་
D3.008.0121b01.01དགེ་བ་དག་གིས་བསལ་དུ་གསོལ། །ཚྭ་ཆུ་རི་རྒྱལ་ལྟ་བུར་བརྟན་པ་ཡི། །སངས་རྒྱས་མགོན་རྣམས་གློ་བུར་འཛུམ་མི་སྟོན། །བརྟན་ནས་ཅི་སླད་འཛུམ་པ་སྟོན་མཛད་པ། །སྐྱེ་བོའི་ཚོགས་རྣམས་དེ་ནི་ཉན་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་
D3.008.0121b02.01བོ་དེ་དེ་བཞིན་ནོ་དེ་དེ་བཞིན་ཏེ། ཀུན་དགའ་བོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྒྱུ་མེད་རྐྱེན་མེད་པར་འཛུམ་པ་མི་མཛད་དེ། ཀུན་དགའ་བོ་འདི་ལྟར། དགེ་སློང་ཨུ་ཏྲ་ཡ་ན་ནི། །མདུད་པ་སྦྱོར་བ་ཟུག་རྔུ་དང་། །དེ་བཞིན་སྒྲིབ་
D3.008.0121b03.01ལས་ཐར་གྱུར་ཀྱང་། །རྒྱལ་པོའི་ཆོས་ལས་དེང་མ་ཐར། །ཀུན་དགའ་བོ་གྲོང་ཁྱེར་སྒྲ་སྒྲོགས་ན་གནས་པའི་རྒྱལ་པོ་གཙུག་པུད་ཅན་སྡིག་པའི་གྲོགས་པོས་བསྐོར་བས་དགེ་སློང་ཨུ་ཏྲ་ཡ་ན། དགྲ་བཅོམ་པ་ཉིད་ཐོབ་པ་སྲོག་དང་བྲལ་བར་བྱས་ཏེ། དེས་ཕ་དགྲ་བཅོམ་པ་སྲོག་
D3.008.0121b04.01དང་བྲལ་བར་བྱས་པས་ངེས་པར་སེམས་ཅན་དམྱལ་བ་ཆེན་པོ་མནར་མེད་པར་སྐྱེ་བར་འགྱུར་རོ། །བཙུན་པ་ཚེ་དང་ལྡན་པ་ཨུ་ཏྲ་ཡ་ན་དགྲ་བཅོམ་པ་ཉིད་ཐོབ་ཅིང་སྲོག་དང་བྲལ་བར་གྱུར་ཏམ། ཀུན་དགའ་བོ་ཨུ་ཏྲ་ཡ་ན་དགྲ་བཅོམ་པ་ཉིད་ཐོབ་ཅིང་སྲོག་དང་བྲལ་བར་གྱུར་ཏོ། །
D3.008.0121b05.01ཚེ་དང་ལྡན་པ་ཀུན་དགའ་བོས་དེ་ཐོས་ནས་མཆི་མས་བརྣངས་ཏེ་འདུག་གོ། །དེ་ནས་གཤེད་མ་པ་མི་དེ་དག་གིས་ཚེ་དང་ལྡན་པ་ཨུ་ཏྲ་ཡ་ནའི་ལྷུང་བཟེད་དང་། ཆོས་གོས་དང་ཁར་གསིལ་ཁྱེར་ཏེ་གྲོང་ཁྱེར་སྒྲ་སྒྲོགས་སུ་ཕྱིན་ནས་དེ་དག་གིས་བློན་པོ་སྐྱོན་ཆགས་པ་དེ་གཉིས་ལ་སྨྲས་
D3.008.0121b06.01པ། རྒྱལ་པོ་རྒན་པོ་བསད་དོ། །དེ་གཉིས་ཀྱིས་ཐོས་ནས་དགའ་བ་དང་མཆོག་ཏུ་དགའ་བ་སྐྱེས་ཏེ་རྒྱལ་པོ་གཙུག་པུད་ཅན་ག་ལ་བ་དེར་དོང་ནས་སྨྲས་པ། ལྷ་དགྱེས་པ་སྐྱེད་ཅིག །ད་ནི་ལྷའི་རྒྱལ་སྲིད་ལ་ཚེར་མ་མ་མཆིས་སོ། །ཇི་ལྟར་གྱུར་ལྷའི་དགྲ་གང་ལགས་པ་དེ་
D3.008.0121b07.01