完整藏文原文 · 德格版页 当前仅加载第 8 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཚིག་གིས་འགྲུབ་པ་ཡིན་ལ། ལྷ་རྣམས་ནི་སེམས་ཀྱིས་འགྲུབ་པ་ཡིན། རྣལ་འབྱོར་པ་རྣམས་ནི་སེམས་བསྐྱེད་པ་ཙམ་གྱིས་ཐམས་ཅད་འགྲུབ་པ་ཡིན་པས་བློན་པོ་རྣམས་ཀྱིས་ལྷ་བཀའ་བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས་རྒྱལ་བྱེད་ཀྱི་ཚལ་
D3.008.0084b01.01དང་མཉན་ཡོད་ཀྱི་བར་གྱི་ལམ་ཇི་སྲིད་པ་དག་མཆོག་ཏུ་མཛེས་པར་བྱས་ཤིང་མཉན་ཡོད་ཀྱང་རྡོ་བ་དང་གསེག་མ་དང་། གྱོ་མོ་མེད་པར་རྣམ་པར་གནས་པར་བྱས་ཏེ། ཙན་དན་གྱི་ཆུས་ཆག་ཆག་བཏབ་ཅིང་བདུག་སྤོས་དྲི་ཞིམ་པོའི་སྣོད་ཉེ་བར་བཞག་སྟེ་དར་གྱི་ཆུན་པོའི་ཚོགས་དཔྱངས་
D3.008.0084b02.01ཤིང་རྒྱལ་མཚན་དང་། བ་དན་བསྒྲེང་སྟེ་མེ་ཏོག་སྣ་ཚོགས་བཀྲམ་ཞིང་ལྷ་རྣམས་ཀྱི་ལྷའི་འདུན་ས་ཆོས་{བཟངས་,བཟང་}ལྟར་ཉམས་དགའ་བར་བྱས་སོ། །ཞལ་ཟས་ཀྱང་ཁ་དོག་དང་། དྲི་དང་རོ་ཕུན་སུམ་ཚོགས་པ་དང་ལྡན་པ། སྐྱུ་རུམ་སྣ་ཚོགས་དང་བཅས་པ། སྤྱན་གཟིགས་སྣ་ཚོགས་
D3.008.0084b03.01ཀྱིས་མཛེས་པར་བྱས་པ་བཤམས་ནས་འབྱོར་པ་དེ་ལྟ་བུ་འདིས་ཉི་མ་རེ་རེ་ཞིང་སངས་རྒྱས་ལ་སོགས་པ་དགེ་སློང་གི་དགེ་འདུན་རྒྱལ་པོའི་ཕོ་བྲང་དུ་གདུགས་ཚོད་གསོལ་ཏོ། །དེ་ན་མཚན་མོ་ཁུར་བ་འཚོད་པ་དག་ཏུ་མེ་ཤོར་ནས་དེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གླང་པོ་ཆེ་
D3.008.0084b04.01ཡན་ལག་མཆོག་དང་ལྡན་པ་མང་པོ་དག་ཚིག་པར་གྱུར་ཏོ། །དེ་ནས་གདུགས་ཚོད་ཞག་བདུན་ཐལ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་མཉན་ཡོད་དུ་དྲིལ་བསྒྲག་པ་བྱེད་དུ་བཅུག་ནས་མཉན་ཡོད་དུ་སུས་ཀྱང་མཚན་མོ་མེ་སྦར་བར་མི་བྱའོ། །གང་མེ་སྦར་བར་བྱེད་ན་དེ་ཀཱར་
D3.008.0084b05.01ཥཱ་པ་ཎ་དྲུག་བཅུའི་ཆད་པས་བཅད་པར་བྱ་བའམ། ཕྱག་སྦལ་དུ་བཅུག་སྟེ་འཆི་བར་བྱ་དགོས་སོ་ཞེས་བསྒོའོ། །དེའི་ཚེ་ན་མཉན་ཡོད་ན་ཁྱིམ་བདག་བཟང་བྱིན་ཞེས་བྱ་བ་ཕྱུག་པ། ནོར་མང་བ་ལོངས་སྤྱོད་ཆེ་བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་
D3.008.0084b06.01དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དུས་གཞན་ཞིག་ན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་
D3.008.0084b07.01