完整藏文原文 · 德格版页 当前仅加载第 8 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་དུས་ན་བུ་མོ་མངག་གཞུག་མ་གང་ཡིན་པ་དེ་ནི་སྒུར་མཆོག་འདི་ཡིན་ནོ། །དེ་དག་གིས་རང་སངས་རྒྱས་ཀྱི་སྤྱིལ་བུ་བསྲེགས་ཤིང་རྗེས་སུ་ཡི་རངས་པ་བྱས་པ་གང་ཡིན་པའི་ལས་དེའི་རྣམ་པར་སྨིན་པས་ལོ་མང་པོ་དག་ཏུ་སེམས་ཅན་དམྱལ་བ་ཆེན་པོ་རྣམས་སུ་བསྲེགས་ནས་
D3.008.0194b01.01ད་ལྟར་བདེན་པ་མཐོང་གི་བར་དུ་ཡང་མེས་ཚིག་པར་གྱུར་ཏོ། །སྒུར་མཆོག་མེ་གཏོང་དུ་མ་བཏུབས་པས་ནི་ད་ལྟར་ཆུའི་སྟོར་ཁུང་ནས་བྲོས་པར་གྱུར་ཏོ། །དེ་དག་གིས་རང་སངས་རྒྱས་ལ་མཆོད་པ་བྱས་ནས་སྨོན་ལམ་བཏབ་པ་གང་ཡིན་པ་དེས་ནི་ད་ལྟར་ངའི་དྲུང་དུ་བདེན་པ་མཐོང་
D3.008.0194b02.01བར་བྱས་ཤིང་། དེ་དག་གིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་འཕགས་པའི་སྟོན་པ་ང་མཉེས་པར་བྱས་ཤིང་ཐུགས་བྱུང་བར་མ་བྱས་སོ། །རྒྱལ་པོ་ཆེན་པོ་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་
D3.008.0194b03.01གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །རྒྱལ་པོ་ཆེན་པོ་དེ་ལྟ་བས་ན་ལས་གཅིག་ཏུ་གནག་པ་རྣམས་དང་། འདྲེན་མ་རྣམས་སྤངས་ནས་ལས་གཅིག་ཏུ་དཀར་བ་རྣམས་
D3.008.0194b04.01ལ་བརྩལ་བར་བྱ་སྟེ། རྒྱལ་པོ་ཆེན་པོ་ཁྱོད་ཀྱིས་དེ་ལྟར་བསླབ་པར་བྱའོ། །དེ་ནས་བད་སའི་རྒྱལ་པོ་ཤར་པས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རངས་པ་བྱས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་
D3.008.0194b05.01ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་བདུན་བཅུ་རྩ་བརྒྱད་པ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་སྒུར་མཆོག་གིས་ལས་
D3.008.0194b06.01ཅི་བགྱིས་ན་དེས་ན་སྒུར་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྒུར་མཆོག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས་དེ་
D3.008.0194b07.01