完整藏文原文 · 德格版页 当前仅加载第 8 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
ཟེའི་ཁྱིམ་དེར་བསོད་སྙོམས་ཟོས་པ་དང་། ངོས་ཀྱི་སྡུམ་ཚེས་དག་ཤེས་ལྡན་དག་ལྟོས་ཤིག །བྲམ་ཟེ་དེས་ལག་པས་བཅལ་བ་བརྒྱ་དག་གིས་ལོངས་སྤྱོད་དག་བསྒྲུབས་ན། དེ་དག་བྲམ་ཟེ་མོ་དེས་ཤཱཀྱའི་བུའི་དགེ་སྦྱོང་དག་དང་ལྷན་ཅིག་ཟ་བར་བྱེད་དོ་ཞེས་སྨོད་པར་བྱེད།
D3.008.0055b01.01ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །བྲམ་ཟེའི་ཁྱེའུ་ཞིག་བྱ་བ་འགའ་ཞིག་ལ་མཉན་ཡོད་ནས་རི་བྲགས་དེར་སོང་བ་དང་། བྲམ་ཟེ་དེས་བྲམ་ཟེའི་ཁྱེའུ་དེ་ཐག་རིང་པོ་ཁོ་ན་ནས་མཐོང་ནས་དེས་བྲམ་ཟེའི་ཁྱེའུ་དེ་ལ་དྲིས་པ། བྲམ་ཟེའི་ཁྱེའུ་ཁྱོད་ག་ལས་འདིར་འོངས། དེས་
D3.008.0055b02.01སྨྲས་པ། མཉན་ཡོད་ནས་སོ། །ཁྱོད་ཀྱིས་ཁོ་བོའི་ཁྱིམ་གྱི་གཏམ་ཐོས་སམ། ཐོས་ཏེ། མཉན་ཡོད་ན་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་ནི་ཤཱཀྱའི་བུའི་དགེ་སྦྱོང་དག་གི་ཁྱིམ་དང་པོ་ལགས་སོ། །མཁན་པོའི་ཁྱིམ་ནི་ཤཱཀྱའི་བུའི་དགེ་སྦྱོང་དག་གི་ཁྱིམ་གཉིས་པ་ལགས་ཏེ།
D3.008.0055b03.01ཤཱཀྱའི་བུའི་དགེ་སྦྱོང་དྲུག་བཅུ་ཉིན་རེ་ལན་རེ་མཆིས་ཏེ་བསོད་སྙོམས་འཚལ་ལོ། །བྲམ་ཟེ་དེས་བསམས་པ། འདིས་ཁོ་བོ་སེར་སྣ་ཅན་ལ་ཐོ་འཚམ་པར་བྱེད་ཀྱིས་གཞན་ལ་ཡང་དྲི་བར་བྱའོ་སྙམ་ནས། དེ་ལམ་གར་སོང་སྟེ་བསྡད་པ་དང་། ཇི་ཙམ་ན་བྲམ་ཟེའི་ཁྱེའུ་གཞན་ཞིག་བྱ་བ་
D3.008.0055b04.01འགའ་ཞིག་ལ་མཉན་ཡོད་ནས་རི་བྲགས་དེར་སོང་བ་དང་། བྲམ་ཟེ་དེས་བྲམ་ཟེའི་ཁྱེའུ་དེ་ཐག་རིང་པོ་ཁོ་ན་ནས་མཐོང་ནས། དེས་བྲམ་ཟེའི་ཁྱེའུ་དེ་ལ་དྲིས་པ། བྲམ་ཟེའི་ཁྱེའུ་ཁྱོད་ག་ལས་འདིར་འོངས། དེས་སྨྲས་པ། མཉན་ཡོད་ནས་སོ། །ཁྱོད་ཀྱིས་ཁོ་བོའི་ཁྱིམ་གྱི་གཏམ་
D3.008.0055b05.01ཐོས་སམ། ཐོས་ཏེ། མཉན་ཡོད་ན་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་ནི་ཤཱཀྱའི་བུའི་དགེ་སྦྱོང་དག་གི་ཁྱིམ་དང་པོ་ལགས་སོ། །མཁན་པོའི་ཁྱིམ་ནི་ཤཱཀྱའི་བུའི་དགེ་སྦྱོང་དག་གི་ཁྱིམ་གཉིས་པ་ལགས་ཏེ། ཤཱཀྱའི་བུའི་དགེ་སྦྱོང་དྲུག་བཅུ་ཉིན་རེ་ལན་རེ་མཆིས་ཏེ། བསོད་
D3.008.0055b06.01སྙོམས་འཚལ་ལོ། །བྲམ་ཟེ་དེས་བསམས་པ། དེ་དང་འདི་མཐུན་པས་དེ་ལྟར་གྱུར་གྱིས་བྲམ་ཟེ་མོ་དེས་ལོངས་སྤྱོད་དག་ཟོས་པར་གྱུར་ན་མི་རུང་གིས་འགྲོའོ་སྙམ་མོ། །དེ་ནས་བྲམ་ཟེ་དེ་ཕྱིར་འོངས་ཏེ་བྲམ་ཟེ་མོ་དེ་ལ་སྨྲས་པ། བྲམ་ཟེ་མོ་ངན་པ་ཁོ་བོས་ལག་པས་གཞལ་བ་བརྒྱ་
D3.008.0055b07.01