完整藏文原文 · 德格版页 当前仅加载第 8 函德格 82a 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ནས་སྟན་ལས་ལངས་ཏེ་སོང་ངོ་། །གང་གི་ཚེ་ཀླུའི་རྒྱལ་པོ་དགའ་བོ་དང་། ཉེ་དགའ་གཉིས་ཉིན་མོ་བཅོམ་ལྡན་འདས་ལ་བསྙེན་བཀུར་བྱེད་པ་དེའི་ཚེ་ན་དེ་གཉིས་ཀྱི་ཞོ་ཤས་འཚོ་བ་དག་གིས་རི་རབ་ཀྱི་བང་རིམ་ནས་མཉན་ཡོད་ཀྱི་བར་གྱི་ལམ་ཇི་སྲིད་པའི་ལམ་གྱི་ངོས་
D3.008.0082a01.01གཉིས་སུ་རྩིག་པ་དངར་ཏེ་འཁོད་པར་བྱེད་དོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བློན་པོ་རྣམས་ལ་བསྒོ་བ། ཤེས་ལྡན་དག་གང་གི་ཚེ་ཁྱིམ་བདག་འདི་གཉིས་བཅོམ་ལྡན་འདས་ཀྱི་སྤྱན་སྔ་ནས་ཕྱིར་བྱུང་བར་གྱུར་པ་དེའི་ཚེ་ན་འདི་གཉིས་ཀྱི་མགོ་བོ་དྲུངས་ནས་ཆོད་ལ་ས་ལ་སྒྱེལ་
D3.008.0082a02.01བར་གྱིས་ཤིག །ཚིག་དེ་སྐད་ཅེས་སྨྲས་པ། ཀླུའི་རྒྱལ་པོ་དགའ་བོ་དང་། ཉེ་དགའ་གཉིས་ཀྱི་ཞོ་ཤས་འཚོ་བ་དག་གིས་ཐོས་སོ། །ཐོས་ནས་ཀྱང་དེ་དག་འཁྲུགས་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་སྟེང་དུ་རྡོ་རྗེ་རྩེ་གཅིག་པ་དང་། འཁོར་ལོ་དང་མདའ་བོ་ཆེ་དང་། མཚོན་
D3.008.0082a03.01རྩེ་གཅིག་པ་ལ་སོགས་པའི་མཚོན་དག་འཕང་བར་བརྩམས་སོ། །སངས་རྒྱས་བཅོམ་ལྡན་འདས་རྣམས་ནི་བསྙེལ་བ་མི་མངའ་བའི་ཆོས་ཅན་ཡིན་པས་དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་བཀའ་སྩལ་པ། མཽད་གལ་གྱི་བུ་ཀོ་ས་ལར་བྱུང་བའི་རྒྱལ་པོ་
D3.008.0082a04.01གསལ་རྒྱལ་འཁོར་དང་བཅས་པ་དང་། མཉན་ཡོད་ན་གནས་པའི་སྐྱེ་བོའི་ཚོགས་ལ་སོམས་ཤིག །ཚེ་དང་ལྡན་པ་མཽད་གལ་གྱི་བུ་ཆེན་པོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་བཀའ་མཉན་ནས། བྱམས་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་
D3.008.0082a05.01ལ་སྙོམས་པར་ཞུགས་པའི་བྱེ་བྲག་གིས་རྡོ་རྗེ་རྩེ་གཅིག་པ་དང་། འཁོར་ལོ་དང་། མདའ་བོ་ཆེ་དང་། མཚོན་རྩེ་གཅིག་ལ་སོགས་པའི་མཚོན་དེ་དག་ལྷའི་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། མན་དཱ་ར་བ་དག་ཏུ་གྱུར་ཏེ། ཀོ་ས་ལར་བྱུང་བའི་
D3.008.0082a06.01རྒྱལ་པོ་གསལ་རྒྱལ་གྱི་སྟེང་དུ་འབབ་པར་བརྩམས་སོ། །དེ་ལྷའི་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། མན་དཱ་ར་བ་དག་གིས་གང་བཞིན་དུ་ཁྱིམ་དུ་ཞུགས་ནས་དེས་བཙུན་མོའི་འཁོར་དང་། གཞོན་ནུ་དང་བློན་པོ་དང་ཁྲོམ་གྱི་རུ་སྣ་དང་། གྲོང་
D3.008.0082a07.01