完整藏文原文 · 德格版页 当前仅加载第 8 函德格 42a 版页；藏文 NFD、目录标记与异常页序保留在来源切片中，重复版页行以稳定序号区分。
རྔ་བོ་ཆེ་ཡང་རྡུངས་ཤིག །དུང་སྒྲིལ་མ་ཡང་བུས་ཤིག །དེ་དག་གིས་རྔ་བོ་ཆེ་བརྡུངས་ཤིང་དུང་སྒྲིལ་མ་བུས་པ་དང་། རྒྱལ་པོ་དང་བཅས་པའི་འཁོར་འདུས་པར་གྱུར་ཏོ། །རྒྱལ་པོས་སྨྲས་པ། བྲམ་ཟེ་དེ་དང་བཙུན་པ་འཆར་ཀ་ནང་དུ་ཐོང་ཤིག །དེ་གཉིས་
D3.008.0042a01.01ནང་དུ་འོངས་པ་དང་། རྒྱལ་པོས་བྲམ་ཟེ་དེ་ལ་སྨྲས་པ། བྲམ་ཟེ་ཁྱེད་ཅི་ཟེར། ལྷ་དགེ་སྦྱོང་འཆར་ཀས་བདག་གི་བུ་མོ་གཞོན་ནུ་མ་དང་བྲལ་བར་བགྱིས་སོ། །རྒྱལ་པོས་སྨྲས་པ། བཙུན་པ་འཆར་ཀ་བྲམ་ཟེ་འདི་དེ་སྐད་མཆི་ན་ཁྱོད་ཅི་གསུང་། ལྷ་བདག་གིས་དེ་ལ་སྡིག་
D3.008.0042a02.01པའི་ལས་མ་བགྱིས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་འདི་ཇི་ལྟར་དཔྱད་པར་བྱ། བློན་པོ་རྣམས་ཀྱིས་སྨྲས་པ། ལྷ་བཅོམ་ལྡན་འདས་ཀྱིས་ཁྱོད་ཉིད་སྤོབས་པ་ཅན་རྣམས་ཀྱི་མཆོག་ཏུ་བསྟན་པ་ལགས་པས་ལྷ་ཉིད་ཀྱི་ཞལ་མཆུ་འདི་དགུམ་དུ་གསོལ།
D3.008.0042a03.01རྒྱལ་པོས་སྨྲས་པ། ཤེས་ལྡན་དག་འདི་ལ་ཇི་ལྟར་ཤེས་པར་བྱ། མིག་གི་རྣམ་པར་ཤེས་པས་ནི་གཟུགས་དག་མཐོང་མོད། བཙུན་མོའི་འཁོར་གྱིས་ནི་བུ་མོ་བརྟག་མོད། བུ་མོ་དེ་བཙུན་མོའི་འཁོར་གྱི་ནང་དུ་ཐོང་ལ་རྟོག་ཏུ་ཆུག་ཤིག །དེ་དག་གིས་བུ་མོ་དེ་བཙུན་མོའི་འཁོར་
D3.008.0042a04.01གྱི་ནང་དུ་བཏང་བ་དང་། བཙུན་མོ་ཕྲེང་ལྡན་མས་བུ་མོ་དེ་པང་བར་བསྙལ་ཏེ་སྨྲས་པ། བུ་མོ་བདེན་པར་སྨྲོས་ཤིག །གལ་ཏེ་ཁྱོད་བཙུན་པ་འཆར་ཀས་གཞོན་ནུ་མ་དང་བྲལ་བར་བྱས་ན་ཡང་དེ་ནི་བྲམ་ཟེ་མདུན་ན་འདོན་གྱི་བུ་ལས་རབ་ཏུ་བྱུང་བ་ཡིན་པས། ཁྱོད་ཀྱི་ཁྱིམ་ཐབ་ཀྱི་ཐབ་རིར་
D3.008.0042a05.01འབབ་པར་འགྱུར་རོ། །འོན་ཏེ་ཁྱོད་ཕྱུགས་ཅུང་མ་སྨྲས་པ་ཚུལ་ཁྲིམས་དང་ལྡན་པ་ཡིན་ན་ནི་དགེ་སློང་ལ་ཡང་དག་པ་མ་ཡིན་པས་སྐུར་ན་སེམས་ཅན་དམྱལ་བ་ཆེན་པོར་འགྲོ་བར་འགྱུར་རོ། །བུ་མོ་དེས་སྨྲས་པ། ཇོ་མོ་བདག་དེས་གཞོན་ནུ་མ་དང་བྲལ་བར་མ་བགྱིས་ཏེ། འདི་ལྟར་
D3.008.0042a06.01དེས་འོ་བགྱིས་ཤིང་ཡན་ལག་དང་ཉིང་ལག་དག་མནམས། ཀུན་དུ་མནམས་སོ། །བཙུན་མོ་ཕྲེང་ལྡན་མས་སྨྲས་པ། བུ་མོ་ཁྱོད་ཀྱིས་དོན་དེ་ཙམ་ཞིག་ལ་རྒྱལ་པོ་དང་བཅས་པའི་འཁོར་ཀུན་དུ་དཀྲུགས་སོ། །ཅི་ཕ་དག་ཀྱང་བུ་མོ་དག་ལ་འོ་བྱེད་ཅིང་ཡན་ལག་དང་ཉིང་ལག་དག་ལ་
D3.008.0042a07.01