完整藏文原文 · 德格版页 当前仅加载第 8 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
མོས་སྨྲས་པ། ཤེས་ལྡན་དག་ཁྱེད་ཀྱིས་ཤེས་ཏེ་འདི་ནི་དེའི་བུ་ཡིན་ནོ། །དེ་དག་གིས་སྨྲས་པ། སྲིན་མོ་ཁྱོད་ག་ལས་འོངས། ཁྱོད་སུའི་ཡིན། དེས་སྨྲས་པ། ཤེས་ལྡན་དག་བདག་ནི་ཟངས་གླིང་གི་རྒྱལ་པོའི་བུ་མོ་དེད་དཔོན་སིང་ག་ལའི་ཆུང་མར་བྱིན་པ་ཡིན་ན། དེ་རྒྱ་
D3.008.0184b01.01མཚོ་ཆེན་པོར་སོང་བའི་གྲུ་ཆུ་སྲིན་ཉའི་རིགས་ཀྱིས་བཅག་ནས་དེས་བདག་བཀྲ་མི་ཤིས་སོ་ཞེས་གནས་མ་ཡིན་པར་བོར་ནས་འདིར་ཇི་ལྟ་ཞིག་ཏུ་ཕྱིན་ཏེ། བུ་ཆུང་ངུ་དང་བདག་ལ་དེད་དཔོན་སིང་ག་ལ་བཟོད་པ་བགྱིད་དུ་སྩལ་བའི་རིགས་སོ། །དེ་དག་གིས་དེའི་ཕ་མ་གཉིས་ལ་སྦྲན་པ་
D3.008.0184b02.01དང་། དེ་གཉིས་ཀྱིས་དེ་ལ་སྨྲས་པ། བུ་རྒྱལ་པོའི་བུ་མོ་དེ་མ་དོར་བར་བུ་ཆུང་ངུ་དང་ཉོན་མོངས་པ་འདི་ལ་བཟོད་པ་གྱིས་ཤིག །ཡབ་ཡུམ་གཉིས་འདི་ནི་རྒྱལ་པོའི་བུ་མོ་མ་ལགས་ཏེ། འདི་ནི་ཟངས་གླིང་ནས་མཆིས་པའི་སྲིན་མོ་ལགས་སོ། །དེ་གཉིས་ཀྱིས་སྨྲས་པ། བུ་
D3.008.0184b03.01བུད་མེད་ལྟ་ཞིག་ཐམས་ཅད་ཀྱང་སྲིན་མོ་ཡིན་གྱིས་བཟོད་པ་གྱིས་ཤིག །དེས་སྨྲས་པ། ཡབ་ཡུམ་གཉིས་གལ་ཏེ་ཁྱེད་ཅག་འདི་ལ་དགྱེས་ན་འདི་ཁྱིམ་དུ་སྲེལ་ཅིག །བདག་ནི་གཞན་དུ་མཆིའོ། །དེ་གཉིས་ཀྱིས་སྨྲས་པ། བུ་ངེད་ཀྱིས་ཁྱེད་ཀྱི་དོན་དུ་འདི་ཤིན་ཏུ་སྲེལ་བ་ཡིན་ན།
D3.008.0184b04.01གལ་ཏེ་ཁྱོད་འདི་མི་འདོད་ན་ངེད་ཀྱིས་འདི་ཅིའི་ཕྱིར་མི་བསྐྲད་ཅེས་དེ་གཉིས་ཀྱིས་དེ་བསྐྲད་དོ། །དེ་ནས་སྲིན་མོ་དེ་རྒྱལ་པོ་སེང་གེ་རལ་པ་ཅན་གྱི་གན་དུ་སོང་བ་དང་། བློན་པོ་རྣམས་ཀྱིས་རྒྱལ་པོ་ལ་སྦྲན་པ། ལྷ་བུད་མེད་གཟུགས་འདི་ལྟ་བུ་ལང་ཚོ་ལ་བབ་པ་ཞིག་རྒྱལ་པོའི་ཆབ་
D3.008.0184b05.01སྒོ་ན་སྡོད་དོ། །རྒྱལ་པོས་སྨྲས་པ། བལྟས་འཇུག་ཏུ་ཆུག་ཤིག །དེ་དག་གིས་དེ་འཇུག་ཏུ་བཅུག་གོ། །བུད་མེད་ཀྱི་གཟུགས་ནི་དབང་པོ་རྣམས་འཕྲོག་པ་ཡིན་པས་རྒྱལ་པོས་དེ་མཐོང་ནས་འདོད་ཆགས་ཀྱིས་གཟིར་བས་འོངས་པ་ལེགས་སོ་ཞེས་བྱ་བའི་ཀུན་དུ་སྤྱད་པས་དེ་
D3.008.0184b06.01ལ་ཀུན་དུ་སྤྱད་ནས་སྨྲས་པ། བཟང་མོ་ཁྱོད་ག་ལས་འདིར་འོངས། ཁྱོད་སུའི་ཡིན། དེས་རྐང་པ་གཉིས་ལ་གཏུགས་ཏེ་སྨྲས་པ། ལྷ་བདག་ནི་ཟངས་གླིང་གི་རྒྱལ་པོའི་བུ་མོ་དེད་དཔོན་སིང་ག་ལའི་མཆིས་འབྲང་དུ་སྩལ་བ་ལགས་ན། དེ་རྒྱ་མཚོ་ཆེན་པོའི་ནང་དུ་མཆིས་
D3.008.0184b07.01