完整藏文原文 · 德格版页 当前仅加载第 8 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
རླུང་མེད་སྒོ་གཏན་བསྡམས་པ་ཡི། །ཁང་པ་བརྩེགས་པར་ཁྱོད་ཉལ་ནས། །ཤིང་ལྗོན་དྲུང་དུ་གནས་གྱུར་པ། །ཇི་ལྟ་ཡོངས་སུ་མི་གདུང་ངམ། །འཇམ་ཞིང་རས་བལ་འདྲ་བ་ཡི། །མལ་ཁྲི་དག་ལ་ཁྱོད་ཉལ་ནས། །རྩྭ་ཡི་སྟན་ལ་ཉལ་གྱུར་པ། །ཇི་ལྟ་ཡོངས་
D3.008.0115a01.01སུ་མི་གདུང་ངམ། །བཙུན་མོ་མཚུངས་པ་ཡིད་འོང་བ། །གུས་པར་ཉལ་ཅིང་སྙན་སྨྲས་པ། །དུ་མ་ཁྱོད་ཀྱིས་རྣམ་སྤངས་པ། །ཇི་ལྟ་ཡོངས་སུ་མི་གདུང་ངམ། །གླང་ཆེན་གཉའ་དང་ཤིང་རྟ་དང་། །རྟ་ཡི་བཞོན་པས་ཁྱོད་སོང་ནས། །རྐང་པས་ས་ལ་རྒྱུ་བྱེད་པ། །ཇི་ལྟ་ཡོངས་སུ་མི་
D3.008.0115a02.01གདུང་ངམ། །ནོར་མང་ལྡན་པའི་མཛོད་དང་ནི། །ཁང་པ་དག་ཀྱང་རྣམ་སྤངས་ཏེ། །ཅི་ཡང་མེད་པ་ཐོབ་གྱུར་པ། །ཇི་ལྟ་ཡོངས་སུ་མི་གདུང་ངམ། །ཨུ་ཏྲ་ཡ་ནས་སྨྲས་པ། རྒྱལ་པོ་གལ་ཏེ་གདུལ་དཀའ་བ། །གཞན་གྱི་ཟས་ཀྱིས་འཚོ་བྱེད་ན། །མ་གྲུབ་པས་ནི་དེ་འདུལ་ཏེ། །
D3.008.0115a03.01གཉའ་ཤིང་བ་ལང་འདུལ་བ་བཞིན། །རྒྱལ་པོ་གཟུགས་ཅན་སྙིང་པོས་སྨྲས་པ། །རྒྱལ་པོ་ཁྱོད་ཡིད་མི་བདེ་འམ། །ཅི་ཕྱིར་དམན་པ་བཞིན་དུ་སྨྲ། །རྒྱལ་སྲིད་ཕྱེད་ནི་སྦྱིན་བྱ་ཡིས། །ཁྱོད་ནི་སྔོན་བཞིན་ལོངས་སྤྱོད་ཀྱིས། །རྒྱལ་པོ་ཁྱོད་ཡིད་མི་བདེ་འམ། །ཅི་ཕྱིར་དམན་པ་བཞིན་
D3.008.0115a04.01དུ་སྨྲ། །ཡིད་ཀྱིས་གང་དང་གང་འདོད་པའི། །ལོངས་སྤྱོད་རབ་མཆོག་སྦྱིན་པར་བྱ། །ཨུ་ཏྲ་ཡ་ནས་སྨྲས་པ། རྒྱལ་པོ་གང་ཞིག་འཇིག་རྟེན་ན། །ལུས་ཀྱི་ཆོས་རེག་བཀྲེན་པ་མེད། །དེ་ནི་ངེས་པར་ལྷ་ཉིད་དང་། །ཡང་ན་མྱ་ངན་འདའ་བར་འགྱུར། །མི་དབང་གང་ཞིག་ཆོས་སྤངས་
D3.008.0115a05.01ཞིང་། །འདི་ལ་ཆོས་མིན་དགའ་བྱེད་པ། །རྒྱལ་པོ་དེ་བཀྲེན་ཤེས་པར་བྱ། །མུན་ནས་མུན་པར་འགྲོ་བར་འགྱུར། །ཁྱོད་ལ་ཆོས་ནི་བསྟན་བྱ་ཡིས། །རྒྱལ་པོ་ཆེན་པོ་བདག་ལ་ཉོན། །ཆོས་ཐོས་འོག་ཏུ་རྒྱལ་པོ་ནི། །གང་དུ་འདོད་པར་འགྲོ་བར་འགྱུར། །ཡོན་ཏན་མེད་པའི་
D3.008.0115a06.01ལུས་ལ་ནི། །གཅིག་ཉིད་ཡོན་ཏན་ཆེན་པོ་སྟེ། །ཇི་ལྟ་ཇི་ལྟར་གཟུང་བྱས་པ། །དེ་ལྟ་དེ་ལྟར་རྗེས་འཇུག་འགྱུར། །རྒྱལ་པོ་བཅུ་པའི་བཅུ་པོ་འདི། །སྐྱེས་བུའི་ཆེར་ནི་བརྗོད་པར་བྱ། །བུ་དང་ཆུང་མ་ནོར་དེ་ལ། །རྩེད་མོ་དགའ་བ་ཅི་ཞིག་ཡོད། །བུ་ཡིས་དགའ་བ་སྟོན་བྱེད་དེ། །
D3.008.0115a07.01