完整藏文原文 · 德格版页 当前仅加载第 9 函德格 322a 版页；藏文 NFD、目录标记与异常页序保留在来源切片中，重复版页行以稳定序号区分。
དོང་བ་ན་ཞིང་པའི་ཁྱིམ་ཞིག་ཏུ་ཕྱིན་པ་དང་དེ་དག་གིས་གནས་དེར་ཆོས་གོས་དག་སྤྲུགས། རྐང་པ་དང་ལག་པ་དག་བཀྲུས་ནས་ཟས་ཀྱི་བྱ་བ་ལ་ཞུགས་པ་དང་། དེ་ནས་ཁྱིམ་ཅིག་ཤོས་སུ་ཡང་གཅེར་བུ་པ་དག་ལྷགས་ནས་ཇི་ཙམ་ན་དེ་དག་ཀྱང་ཟས་ཀྱི་བྱ་བ་ལ་
D5.009.0322a01.01ཞུགས་སོ། །དེ་ནས་བཅུ་གཉིས་སྡེ་དགོད་པའི་བསམ་པ་ཅན་དག་གིས་ཁ་ཟས་ལ་རྫོགས་བྱེད་ཅེས་བྱ་བའི་མཆོད་རྟེན་བྱས་ནས་ལ་ཕུག་གི་སྲོག་ཤིང་བཙུགས་དེ་གཅེར་བུ་པ་དེ་དག་ལ་འདི་སྐད་ཅེས་འདི་ནི་ཁྱེད་ཀྱི་སྟོན་པའི་མཆོད་རྟེན་ཡིན་ནོ་ཞེས་སྨྲས་ནས། དེ་ནས་མཆོད་རྟེན་
D5.009.0322a02.01དེ་ལས་ཁམ་གྱིས་བཅད་དེ་ཟ་ཤིང་སྒྲ་གཅིག་ཏུ་འདི་སྐད་ཅེས་རྫོགས་བྱེད་ཀྱི་མཆོད་རྟེན་ཞིག་གོ་ཞེས་སྨྲས་པ་དང་། དེ་ནས་གཅེར་བུ་པ་དེ་དག་སྡུག་བསྔལ་ཞིང་ཡིད་མི་བདེ་བ་སྐྱེས་ནས་ངུ་ཞིང་འདི་སྐད་ཅེས་དེ་རིང་བདག་ཅག་གི་སྟོན་པ་དུས་ལས་འདས་པ་ལྟ་ཞེས་ཟེར་རོ། །བཅོམ་
D5.009.0322a03.01ལྡན་འདས་ཀྱིས་བཀའ་སྩལ་པ། ཙུག་ཙུག་མི་བྱ་བ་དང་། ཧུ་ཧུ་མི་བྱ་བ་དང་། བལྕག་བལྕག་མི་བྱ་བ་དང་། ཕུ་ཕུ་མི་བྱ་བ་དང་། མཆོད་རྟེན་འདྲ་བར་སྦྲུས་ཏེ་ཟས་ཟ་བར་མི་བྱ་བར་བསླབ་པར་བྱའོ། །དེ་ནས་བཅུ་གཉིས་སྡེ་དག་སྤང་ལེབ་ཀྱི་སྟེང་དུ་ཁ་ཟས་བཀྲམ་ནས་འབྲུ་རེ་ནས་
D5.009.0322a04.01བླངས་ཏེ་ཁར་འཇུག་པར་བྱེད་པ་ནས། དེ་དག་ལ་དགེ་སློང་མ་རྣམས་ཀྱིས་སྨྲས་པ། དེ་ལྟར་བྱེད་ན་ཅི་ཐ་ཚིག་དེ་དག་གིས་འདི་སྐད་ཅེས་བྱ་གག་དག་གཏོར་མ་ཐུ་ན་འདི་ལྟར་བྱེད་དོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཟས་ལ་འབྲུ་རེ་ནས་བསལ་བར་
D5.009.0322a05.01མི་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་ཁྱིམ་ཞིག་ཏུ་མགྲོན་དུ་བོས་ནས་དེས་དེ་དག་ལ་ཁ་ཟས་ཕལ་པ་དག་བྲིམས་པ་དང་། དེ་དག་གིས་ཁ་ཟས་དེ་ལ་བསྔགས་པ་དག་བརྗོད་དོ། །གཞན་གྱིས་ཡང་ཁ་ཟས་བསོད་པ་དག་བྲིམས་པ་ན་དེ་དག་ལ་སྐྱོན་དག་
D5.009.0322a06.01བརྗོད་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཟས་ལ་བསྔགས་པ་དང་སྐྱོན་གདགས་པར་མི་བྱའོ། །དེ་ནས་བཅུ་གཉིས་སྡེ་དག་ཟས་ཀྱི་ཁམ་མཁུར་བ་ནས་མཁུར་བར་སྦེད་ཅིང་ཟ་བ་ན་ཞེས་བྱ་བ་ནས། འདི་སྐད་ཅེས་ནད་པ་དག་འདི་ལྟར་ཟའོ་ཞེས་སྨྲས་པ་ནས།
D5.009.0322a07.01