完整藏文原文 · 德格版页 当前仅加载第 9 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་སྟེ། འོ་མ་དང་། ཞོ་དང་། མར་སར་དང་། ཉ་དང་། ཤ་དང་། ཤ་སྐམ་མོ། །ཡང་དགེ་སློང་མ་གང་མི་ན་བར་བདག་ཉིད་ཀྱི་ཆེད་དུ་བཅའ་བ་དང་། བཟའ་བ་དེ་ལྟ་བུ་གཞན་གྱི་ཁྱིམ་དག་ནས་བསླངས་ཏེ་འཆའ་འམ་ཟ་ན་ལྟུང་བྱེད་དོ། །གང་ཡིན་པ་དེ་དག་ནི་ཞེས་
D5.009.0233b01.01བྱ་བ་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སོ། །ནད་པ་རྣམས་ཀྱི་ཞེས་བྱ་བ་ནི་ནད་ཀྱིས་ཐེབས་པ་རྣམས་ཀྱིའོ། །དགེ་སློང་མ་རྣམས་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་མ་རྣམས་སོ། །བསོད་པ་
D5.009.0233b02.01ཞེས་བྱ་བ་ནི་ཞིམ་པོའོ། །བཅའ་བ་དང་བཟའ་བ་ཞེས་བྱ་བ་ནི་བཅའ་བ་ལྔ་དང་བཟའ་བ་ལྔའོ། །འོ་མ་ཞེས་བྱ་བ་ནི་འོ་མ་ཉིད་དོ། །ཞོ་ཞེས་བྱ་བ་ནི་ཞོ་ཉིད་དོ། །མར་སར་ཞེས་བྱ་བ་ནི་མར་རོ། །ཤ་ཞེས་བྱ་བ་ནི་ཤ་ཉིད་དོ། །ཉ་ཞེས་བྱ་བ་ནི་ཉ་ཉིད་དོ། །ཤ་སྐམ་ཞེས་བྱ་
D5.009.0233b03.01བ་ནི་ཤ་སྐམས་པའོ། །འདི་ལྟར་ཁྱིམ་དག་ནས་སློང་ན་ཞེས་བྱ་བ་ནི་རང་གིས་སོ། །སློང་དུ་འཇུག་ན་ཞེས་བྱ་བ་ནི་གཞན་ནོ། །ཟོས་སམ་འཆོས་ན་ཞེས་བྱ་བ་ནི་ལྐོག་མར་ཁམ་གྱིས་མིད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །མི་ན་བར་སློང་ཞིང་མི་
D5.009.0233b04.01ན་བར་ཟ་ན་སློང་བ་ན་དེ་ལ་ཉེས་བྱས་སོ། །ཟ་བ་ན་ལྟུང་བྱེད་དོ། །མི་ན་བར་སློང་ཞིང་ན་བ་ན་ཟ་ན་སློང་བ་ན་དེ་ལ་ཉེས་བྱས་སོ། །ཟ་བ་ན་ལྟུང་བ་མེད་དོ། །དེ་བཞིན་དུ་ན་བ་ན་བསླང་ལ་མི་ན་བ་ན་ཟ་ན་སློང་བ་དེ་ལ་ལྟུང་བ་མེད་དོ། །ཟ་བ་ན་ལྟུང་བྱེད་དོ། །དེ་བཞིན་དུ་ན་བ་
D5.009.0233b05.01ན་སློང་ཞིང་ན་བ་ན་ཟ་ན་གཉི་ག་ལ་ལྟུང་བ་མེད་དོ། །ལྟུང་བྱེད་བཞི་པའི་ལྔ་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེ་ནས་བཅུ་གཉིས་སྡེ་རྣམས་གནས་ངན་ལེན་གྱི་ལྟུང་བ་བྱུང་ནས་ཕན་ཚུན་འཆབ་པར་བྱེད་ཅིང་། དེ་དག་འཐབ་པ་དང་མཚང་འདྲུ་བར་
D5.009.0233b06.01བྱེད་ཅིང་ཕན་ཚུན་དུ་གཞི་དེས་གླེང་བར་བྱེད་པ་དེ་དག་དོན་ཉུང་བའི་དགེ་སློང་མ་རྣམས་ཀྱིས་ཐོས་ནས་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ།
D5.009.0233b07.01