完整藏文原文 · 德格版页 当前仅加载第 9 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་གིས་འདི་སྐད་ཅེས་དགེ་སློང་དག་ལ་ཡིན་གྱི། དགེ་སློང་མ་རྣམས་ལ་ནི་མ་ཡིན་ནོ་ཞེས་སྨྲས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་
D5.009.0250a01.01འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཆུ་ལ་རྩེ་ན་ལྟུང་བྱེད་དོ། །ཆུ་ལ་ཞེས་བྱ་བ་ནི་དགེ་སློང་མས་རྩེ་བའི་བསམ་པ་ཅན་གྱི་ངག་དང་། ཚིག་དང་ཞེས་བྱ་བ་ནས་ངག་གི་རྣམ་པར་རིག་བྱེད་ཅེས་བྱ་བའི་བར་གང་ཡིན་པའོ། །ལྟུང་བྱེད་
D5.009.0250a02.01དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། གཞི་དགུ་ལས་ཏེ་དགེ་སློང་མས་ཆུར་རྩེ་བའི་བསམ་པས་ཆུར་འཇུག་པར་འདོད་པ་དང་། རས་ཀྱིས་འཆིང་བ་དང་། ཆུར་འཇུག་པ་དང་། བྱིའུ་ཟུལ་བྱེད་ན་ལྟུང་བྱེད་དོ། །དེ་བཞིན་དུ་
D5.009.0250a03.01སྟེང་དུ་འབྱུང་བར་བྱེད་པ་དང་། ཚུ་རོལ་གྱི་འགྲམ་ནས་ཕ་རོལ་གྱི་འགྲམ་དུ་འགྲོ་བ་དང་། རྒྱུན་ཕྱོགས་ནས་བཟློག་ཕྱོགས་སུ་རྩོལ་བར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ཆུ་ལ་རྔའི་སྒྲ་འབྱིན་ན་ལྟུང་བྱེད་དོ། །དེ་བཞིན་དུ་ཆུ་ལ་རྫ་རྔ་ཁ་གཅིག་པའི་བར་གྱི་སྒྲ་
D5.009.0250a04.01འབྱིན་ན་ཐམས་ཅད་དུ་ལྟུང་བྱེད་དུ་འགྱུར་རོ། །དགེ་སློང་མས་ཆུ་ཕན་ཚུན་དུ་འཐོར་བར་བྱེད་ན་ལྟུང་བྱེད་དོ། །དགེ་སློང་མས་ཆུ་ལ་དགའ་བར་བྱེད་ན་ལྟུང་བྱེད་དོ། །དགའ་བར་བྱེད་དུ་འཇུག་ན་ལྟུང་བྱེད་དོ། །དེ་བཞིན་དུ་རྩེ་བ་དང་། རྩེར་འཇུག་པ་དང་། མགུ་
D5.009.0250a05.01བར་བྱེད་པ་དང་། མགུ་བར་བྱེད་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །དེ་བཞིན་དུ་རྒོད་པ་དང་། འཕྱར་གཡེང་གིས་ལུས་ཀྱིས་སྙོགས་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ཐ་ན་བུམ་པའི་ཆུ་ལ་སོར་མོའི་བེམ་ཏོལ་གྱིས་རྡེག་ན་
D5.009.0250a06.01ཡང་ཉེས་བྱས་སོ། །དེ་བཞིན་དུ་ཆུ་སྣོད་དང་། ཤ་ཁུ་དང་། འབྲས་ཁུ་དང་། ཐུག་པ་ཡང་ངོ་། །ནད་པས་རྩེ་བའི་བསམ་པས་ཐུག་པའམ། ཤ་ཁུ་ལ་བེམ་ཏོལ་གྱིས་རྡེག་པ་ལ་ནི་ལྟུང་བ་མེད་དོ། །ལྟུང་བྱེད་ལྔ་པའི་བདུན་པ་རྫོགས་{སྷོ,སོ}།། །།གླེང་
D5.009.0250a07.01