完整藏文原文 · 德格版页 当前仅加载第 9 函德格 34a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་ཐོས་ཀྱི་བུའི་ནོར་དང་འགྲན་པ་ཞིག་གནས་ལ་དེ་ལ་བྲན་གྲོང་བཅུ་དྲུག་དང་། ལས་ཀྱི་མཐའ་པའི་གྲོང་སུམ་བཅུ་དང་། སྐྱེད་སྒྱུར་བའི་གྲོང་དྲུག་བཅུ་དང་། རྨོན་པ་དོར་དགུ་བརྒྱ་དགུ་བཅུ་རྩ་དགུ་དང་། གསེར་བྱེ་བ་དྲུག་བཅུ་དང་། གང་དག་གིས་
D5.009.0034a01.01རྒྱལ་པོ་པད་མ་ཆེན་པོ་ཐུབ་པའི་གསེར་གྱི་ནས་སྦྱང་བརྒྱད་བཅུ་བདོག་པ་ཞེས་བྱ་བའི་བར་ནས་དེ་ལ་བུ་ནྱ་གྲོ་དྷ་སྐྱེས་ཞེས་བྱ་བ། གཟུགས་བཟང་བ། བལྟ་ན་སྡུག་པ། མཛེས་པ། བྲམ་ཟེའི་ལས་དྲུག་ལ་མཁས་པ། རིག་བྱེད་དང་། རིག་བྱེད་ཀྱི་ཡན་ལག་གི་
D5.009.0034a02.01ཕ་རོལ་དུ་སོན་པ། རིག་པའི་གནས་{བཅྭ་,བཅོ་}བརྒྱད་པོ་ཐམས་ཅད་ལ་ཤིན་ཏུ་བློ་རྣོ་བར་ཡོད་པར་ཐོས་སམ། བདག་ཅག་ནི་དེའི་ཆེད་དུ་བུ་མོའི་སློང་མོ་སློང་ངོ་། །དེ་ནས་བྲམ་ཟེ་སེར་སྐྱས་བྲམ་ཟེའི་ཁྱེའུ་དེ་རྣམས་ལ་འདི་སྐད་ཅེས་སྨྲས་སོ། །ཁོ་བོས་བྲམ་ཟེ་ཤིང་སཱ་ལ་
D5.009.0034a03.01ཆེན་པོ་ལྟ་བུ་དེ་རིགས་དང་། ཚུལ་ཁྲིམས་དང་། གཙང་སྦྲ་དང་། ཀུན་དུ་སྤྱོད་པ་ཅི་འདྲ་བ་དང་ལྡན་པ་དེའི་ཡོན་ཏན་རྒྱ་ཆེར་ཐོས་ན། འོན་ཀྱང་ཡུལ་ཐག་རིང་པོ་ན་འདུག་པས་ཇི་ལྟར་དེ་དང་ལྷན་ཅིག་གཉེན་བྱ། དེ་དག་གིས་ཤེས་ལྡན། མེ་གང་
D5.009.0034a04.01ཡིན་དང་རླུང་གང་ཡིན། །ཁྲག་དང་ཕྲད་པའི་དུག་དང་ནི། །བྲམ་ཟེ་ངེས་པར་བྱས་པ་དང་། །རྟ་གང་ཡིན་པ་དེ་མི་ཐོགས། །ཞེས་བྱ་བའི་བར་དག་སྔོན་མ་ཐོས་སམ། བྲམ་ཟེ་དེ་ཡང་ཤིན་ཏུ་ཕྱུག་ཆེན་ཡིན་ལ། ཁྱོད་ཀྱང་དེ་ཁོ་ན་དང་འདྲ་བར་ཕྱུག་ཅིང་ནོར་
D5.009.0034a05.01ཆེ་བ་ཡིན་ཏེ། གང་གིས་དེ་དག་འགྲོ་བ་དང་འོང་བར་འགྱུར་བའི་བཞོན་པ་དང་མི་དག་ཀྱང་ཡོད་ལ། གཞན་ཡང་རིང་པོ་ན་འདུག་པ་ཁོ་ན་དང་བཤེས་གཉེན་བྱ་བ་དེ་ནི་བརྟན་པ་ཡིན་ནོ། །གང་གི་ཚེ་བྲམ་ཟེའི་ཁྱེའུ་དེ་དག་གིས་བྲམ་ཟེའི་ཤིང་སཱ་ལ་ཆེན་པོ་ལྟ་བུ་
D5.009.0034a06.01སེར་སྐྱ་ལ་སྙིང་སྡུད་པར་བྱེད་པའི་ཚིག་དག་གིས་གོ་བར་བྱས་པ་དང་། དེའི་ཚེ་དེས་ཁྲུས་ཀྱི་ཡོ་བྱད་འདི་ལྟ་སྟེ། ཁྲུས་རས་དང་། སོ་ཕག་དང་། ཕྱེ་མ་དང་། འབྲུ་མར་དང་། སོ་{མངས་,མང་}ལ་སོགས་པ་དག་བྱིན་ནོ། །དེ་ནས་བྲམ་ཟེའི་ཁྱེའུ་དེ་རྣམས་ཁྲུས་
D5.009.0034a07.01