完整藏文原文 · 德格版页 当前仅加载第 9 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
ཟས་ཡོངས་སུ་ལོངས་སྤྱོད་པར་ཞུགས་སོ་ཞེས་བྱ་བའི་བར་དུའོ། །དེ་དེར་བྱོན་པ་དང་། རེ་ཞིག་ན་བུ་མོ་ཞིག་རྔ་ཡབ་འཛམ་བུའི་ཆུ་བོའི་གསེར་གྱི་ཡུ་བ་ཅན་ཞིག་ཐོགས་ནས། སྣམ་ལོགས་སུ་འདུག་སྟེ་གཡོབ་པ་ན། སངས་རྒྱས་ཀྱི་འོད་ཀྱིས་འཛམ་བུའི་ཆུ་བོའི་གསེར་མོག་
D5.009.0069b01.01མོག་པོར་བྱས་སོ། །ཇི་ཙམ་ན་བུ་མོ་དེ་འདི་སྙམ་དུ་བདག་ལྕགས་ལས་བྱས་པའི་ཡུ་བ་ཅན་ཐོགས་སམ་ཇི་སྙམ་དུ་ཐེ་ཚོམ་སྐྱེས་སོ། །དེ་ནས་རྣམ་པར་གཟིགས་བཤོས་གསོལ་ནས་ཕྱིར་གཤེགས་པར་གྱུར་པ་དང་། དེས་ཡང་འཛམ་བུའི་ཆུ་བོའི་གསེར་མཆོག་ལས་བྱས་
D5.009.0069b02.01པའི་ཡུ་བར་མཐོང་ངོ་། །དེ་ནས་ཟླ་བ་གསུམ་འདས་ནས་ཞེས་བྱ་བ་ནས་ལྗོངས་རྒྱུར་གཤེགས་སོ་ཞེས་བྱ་བའི་བར་དུའོ། །དེ་ནས་རྒྱལ་པོ་གཉེན་ལྡན་གྱིས་འཛམ་བུའི་ཆུ་བོའི་གསེར་ལས་སྐུ་གཟུགས་ཤིག་བྱས་སོ། །རེ་ཞིག་ན་བུ་མོ་དེས་གསེར་ལས་བྱས་པའི་སྐུ་གཟུགས་
D5.009.0069b03.01དེ་ཁྱེར་ཏེ་འོངས་པ་དང་། རྣམ་པར་གཟིགས་ཀྱི་འོད་ཀྱིས་མོག་མོག་པོར་བྱས། ཁ་དོག་མི་འདྲ་བར་མཐོང་ནས་ཞེས་བྱ་བའི་བར་ནས་སྨོན་ལམ་བཏབ་པ། བདག་གིས་སྦྱིན་པར་བྱ་བའི་ཆོས་ཡོངས་སུ་བཏང་བའི་དགེ་བའི་རྩ་བ་འདིས་ཞེས་བྱ་བ་ནས། འདི་ལྟ་བུའི་
D5.009.0069b04.01ལུས་ཀྱི་འོད་ཅན་དུ་འགྱུར་བ་དང་ཞེས་བྱ་བའི་བར་ནས། རང་གི་འོད་ཀྱིས་མོག་མོག་པོར་བྱེད་པར་གྱུར་ཅིག་ཅེས་བྱ་བའི་བར་དུའོ། །འདིས་ཀྱང་སྨོན་ལམ་གྱི་དབང་གིས་ང་མཉེས་པར་བྱས་ཏེ་མི་མཉེས་པར་མ་བྱས་སོ། །དགེ་སློང་དག་དེ་ལྟ་བས་ན་སངས་རྒྱས་དང་། ཆོས་དང་། དགེ་
D5.009.0069b05.01འདུན་ལ་བྱ་བ་བྱས་པ་དང་། ཡང་དག་པའི་སྨོན་ལམ་ཡང་གདབ་པར་བྱ་སྟེ་ཞེས་བྱ་བ་ནས། སེར་སྐྱའི་བུ་མོ་བཟང་མོ་ལྟ་བུའོ་ཞེས་བྱ་བའི་བར་དུའོ།། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་ལྔ་པ། ཡང་ཞེས་བྱ་བའི་བར་ནས་དགེ་སློང་དག་སྔོན་
D5.009.0069b06.01བྱུང་བ་ཞེས་བྱ་བ་ནས། རྒྱལ་པོ་ཞིག་རྒྱལ་སྲིད་བྱེད་དོ་ཞེས་བྱ་བའི་བར་དང་། ཚོང་དཔོན་ཞིག་ཅེས་བྱ་བ་ནས། རེ་ཞིག་ན་གྲོང་ཁྱེར་གྱི་ཕྱི་རོལ་ན་དེའི་སྐྱེད་མོས་ཚལ་མཚེའུ་དང་མེ་ཏོག་མང་བ་ཤིང་གིས་ཡོངས་སུ་བསྐོར་བས་གཏིབས་པ། མེ་ཏོག་དང་། འབྲས་བུ་སྣ་
D5.009.0069b07.01